+7 (701) 759 90 19
-7 °С : نۇر-سۇلتان
-9 °С : الماتى
USD 375.91 EUR 416.85
RUB 6.10 CNY 54.77
جاڭالىقتار

يراكتان قايتارىلعان بالالار ەلوردادا تۋىستارىنا تاپسىرىلدى

12 جەلتوقسان 13:35
:ءبولىسۋ
يراكتان قايتارىلعان بالالار ەلوردادا تۋىستارىنا تاپسىرىلدى

نۇر-سۇلتان. قازاقپارات - بۇگىن ەلورداداعى «بايتەرەك» مونۋمەنتىندە يراكتان ورالعان 14 بالانىڭ 10 ى تۋىستارىمەن قاۋىشتى، دەپ حابارلايدى قازاقپارات ءتىلشىسى.

بالالاردى تۋىستارىنا تابىستاۋ شاراسىنا ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ، نۇر-سۇلتان قالاسى اكىمىنىڭ ورىنباسارى باقتيار ماكەن، ق ر ءبىلىم جانە عىلىم ءمينيسترىنىڭ بالالار قۇقىعى جونىندەگى كەڭەسشىسى رايسا شەر قاتىستى.

«ەلباسىمىزعا، قازاقستان پرەزيدەنتىنە، بالالارىمىزدىڭ وتانىنا ورالۋى ءۇشىن تىڭباي ەڭبەك ەتكەن بارلىق جانعا شىنايى ريزاشىلىعىمدى بىلدىرەمىن. بۇگىن مىنە، ءۇش نەمەرەممەن قاۋىشىپ وتىرمىن. ولاردى ەشقايدا جىبەرمەيمىن، قاسىمدا بولادى. ەشكىمگە بەرمەيمىن، ءوزىم تاربيەلەيمىن. قۋانىشىمدا شەك جوق. ۇيدە اتاسى، اعا-اپكەلەرى اسىعا كۇتىپ وتىر. ەكى ۇلكەن نەمەرەم قازاقستاندا دۇنيەگە كەلگەن، مەنى تانيدى. ال كىشكەنتاي قىز نەمەرەم انا جاقتا تۋعان»، - دەدى ورال قالاسىنان كەلگەن ىقىلاس ەسىمدى بالانىڭ اجەسى.

شارا اياسىندا ب ا ق وكىلدەرىنە سۇحبات بەرگەن ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ بۇگىنگى پروتسەدۋرا «رۋسافا» دەگەن اتاۋمەن ارنايى وتىزىلگەن وپەراتسيانىڭ لوگيكالىق اياقتالۋى سانالاتىندىعىن ايتتى.

«بۇل بالالارعا ەل بولىپ قامقورشى، تىلەكشى بولدىق. ءبىراق، ناعىز قامقورلىق كورەتىن جەرلەرى - وتباسى. سوندىقتان تۋىستارىنا تابىستاپ وتىرمىز. مەملەكەت بۇل بالالارعا بارىنشا كومەك كورسەتۋگە تىرىسادى»، - دەدى ول.

ال رايسا شەردىڭ ايتۋىنشا، بۇگىن يراكتان ورالعان 14 بالانىڭ 10 ى تۋىستارىنىڭ قولدارىنا تابىستالدى. قالعان 4 بالا نۇر-سۇلتان قالاسىندا قالادى جانە وتباسىلىق ۇلگىدەگى بالالار ۇيىنە ورنالاستىرىلادى.

«قازىر وسى ماسەلەنى قاراستىرىپ جاتىرمىز. الداعى ۋاقىتتا تۇراتىن ورىندارى ناقتىلانۋ ۇستىندە. بۇل ءتورت بالا اعايىندى جانە ولاردىڭ تۋىستارى قاراعاندى وبلىسىندا تۇرادى. ولار بالالاردان باس تارتىپ وتىر. سوندىقتان ولار مەملەكەتتىڭ قامقورلىعىندا بولادى»، - دەدى رايسا شەر.

ايتا كەتەيىك، وسى جىلعى قاراشانىڭ 27 ىنەن 28 ىنە قاراعان كۇنى يراكتان 14 بالا قازاقستانعا جەتكىزىلدى. ولار نۇر-سۇلتان قالاسىنداعى قيىن جاعدايعا تاپ بولعان بالالاردى قولداۋ ورتالىعىندا مەديتسينالىق تەكسەرۋدەن ءوتىپ، ورتاعا بەيىمدەلگەن بولاتىن.

اۆتور: مارلان جيەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات