+7 (701) 759 90 19
11 °С : نۇر-سۇلتان
22 °С : الماتى
USD 420.76 EUR 498.6
RUB 5.6 CNY 62.27
جاڭالىقتار

ديماش نيۋ-يورك ساحناسىندا قازاقستاندىق تاعى ءبىر بالانىڭ جۇلدىزىن جاقتى

12 جەلتوقسان 13:20
:ءبولىسۋ
ديماش نيۋ-يورك ساحناسىندا قازاقستاندىق تاعى ءبىر بالانىڭ جۇلدىزىن جاقتى

نۇر-سۇلتان. قازاقپارات - بيىل اقتوبەدە وتكەن «Baqytty Bala» حالىقارالىق كونكۋرسىنىڭ جەڭىمپازى ايگەرىم تىلەۋبەك ديماش قۇدايبەرگەننىڭ نيۋ-يوركتە وتكەن جەكە كونسەرتىندە ونەر كورسەتتى، دەپ حابارلايدى قازاقپارات Dimashnews.com سايتىنا سىلتەمە جاساپ.

«Baqytty Bala» مۋزىكالىق بايقاۋىنىڭ فينالى بيىل اقتوبەدە وتكەن بولاتىن. وعان قازاقستان، رەسەي، وزبەكستان، ۋكراينا، تۇركيا، بەلارۋس جانە تاعى باسقا مەملەكەتتەردەن جاس تالانتتار قاتىستى. حالىقارالىق دودانىڭ باس جۇلدەسىن نۇر- سۇلتان قالاسىنىڭ تۇرعىنى ايگەرىم تىلەۋبەك پەن ر ف-نىڭ تۇمەن قالاسىنان كەلگەن يسلام بالكويەۆ جەڭىپ الدى.

ديماش قۇدايبەرگەن دە ارنايى سىيلىعىن تاعايىنداپ، ايگەرىم تىلەۋبەكتى وزىمەن بىرگە ۇلكەن ساحنادا ونەر كورسەتۋگە الىپ شىعۋعا ۋادە ەتكەن ەدى. وتكەن جىلى مۇنداي مارتەبەگە اقتوبەلىك نارعىز جانۇزاقوۆا يە بولىپ، ديماشپەن بىرگە لوندوندا ءان شىرقادى.

ايگەرىم -ەلورداداعى №82-مەكتەپتىڭ 6-سىنىپ وقۋشىسى.

«باستاپقىدا كونسەرت قاي قالادا بولاتىنىن بىلگەن جوقپىن. ۇيىمداستىرۋشىلار بۇل تۋرالى ءسال كەيىنىرەك ايتتى. نيۋ-يوركتە ونەر كورسەتەتىنىمدى بىلگەن كەزدە قۋانىشىمدا شەك بولعان جوق. بۇل - مەنىڭ بالالىق ارمانىم. ارمانىم ورىندالعانى ءۇشىن وتە باقىتتىمىن»، - دەيدى ول.

ايگەرىم 4-5 جاسار كەزىندە اياز اتاعا نيۋ-يوركتەگى بوستاندىق ءمۇسىنىن كورگىسى كەلەتىنى تۋرالى حات جازعان. ول نيۋ-يوركتە ونەر كورسەتەتىنىن بىلگەن كەزدە بىردەن وسى حات ەسىنە تۇسكەن.

«بۇعان دەيىن تۇركيادا، ماسكەۋدە بولدىم. مەنىڭ ارمانىم كوپ، سونىڭ ءبىرى - الەمدى شارلاۋ. العان اسەرىمدى جازىپ وتىرعىم كەلەدى، سول سەبەپتى نيۋ-يورككە بارۋدى اسىعا كۇتتىم. كۇن سايىن ول جاقتا اۋا رايى قالاي ەكەنىن ينتەرنەت ارقىلى باقىلاپ، سول جاقتا جۇرگەن كۇنىمدى ەلەستەتتىم»، - دەيدى وقۋشى قىز.

ول ديماشقا ەلىكتەيتىنىن جاسىرمايدى. جاس بولعانىنا قاراماستان، ءتۇرلى دەڭگەيدەگى ساحنالاردى باعىندىرىپ، الەمگە ءوز حالقى تۋرالى ءان شىرقاپ ءجۇر.

«مەن ەلىمىزدە ديماشتاي تۇلعا بار بولعانىن ماقتان تۇتامىن. وعان ۇقساعىم كەلەدى. ديماش سياقتى ۇلتتىق بولمىسىمدى جانە قاراپايىمدىلىق قاسيەتىن ساقتاپ قالعىم كەلەدى. ەلىمنىڭ مارتەبەسىن اسقاقتاتسام دەيمىن»، - دەيدى ءانشى.

ەسكە سالايىق، د. قۇدايبەرگەننىڭ 10 -جەلتوقساندا نيۋ-يوركتە وتكەن جەكە كونسەرتىنە الەمنىڭ 60 ەلىنەن جانكۇيەرلەر جينالدى. ولار ءانشىنى دجون كەننەدي اتىنداعى حالىقارالىق اۋەجايدان قازاقستاننىڭ تۋىمەن قارسى العان بولاتىن. كونسەرت وتكەن «Barclays Center Arena» ون توعىز مىڭ ورىنعا ەسەپتەلگەن. كورەرمەندەردىڭ 75 پايىزى امەريكالىقتار بولدى.

گرەممي سىيلىعىنىڭ يەگەرى، پەرۋلىك اتاقتى ءانشى ەۆا ايلان ديماش قۇدايبەرگەندى كورۋ ءۇشىن ءوز كونسەرتىن كەيىنگە شەگەرىپ، نيۋ-يورككە ۇشىپ كەلدى.

كونسەرت قازاقستاننىڭ ا ق ش- تاعى مادەنيەت كۇندەرى اياسىندا جانە ق ر مادەنيەت جانە سپورت مينيسترلىگىنىڭ قولداۋىمەن ۇيىمداستىرىلدى.

فوتو: dimashnews.com


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات