+7 (701) 759 90 19
-9 °С : نۇر-سۇلتان
-1 °С : الماتى
USD 380.19 EUR 419.01
RUB 6.08 CNY 54.81
جاڭالىقتار

تاۋەلسىزدىك كۇنى قارساڭىندا ءبىرقاتار ازامات مەملەكەتتىك ناگرادالارمەن ماراپاتتالدى

12 جەلتوقسان 11:36
:ءبولىسۋ
تاۋەلسىزدىك كۇنى قارساڭىندا ءبىرقاتار ازامات مەملەكەتتىك ناگرادالارمەن ماراپاتتالدى

نۇر-سۇلتان. قازاقپارات - تاۋەلسىزدىك كۇنى قارساڭىندا ءبىرقاتار ازامات مەملەكەتتىك ناگرادالارمەن ماراپاتتالدى، دەپ حابارلايدى اقوردا.

تاۋەلسىزدىك كۇنى مەرەكەسى قارساڭىندا قازاقستان رەسپۋبليكاسى پرەزيدەنتىنىڭ جارلىعىمەن مەملەكەتىمىزدىڭ الەۋمەتتىك- ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى، بەلسەندى قوعامدىق قىزمەتى ءۇشىن ەل ازاماتتارىنىڭ ۇلكەن ءبىر توبى مەملەكەتتىك ناگرادالارمەن ماراپاتتالدى.

ولاردىڭ قاتارىندا ءوندىرىس، بيزنەس، ءبىلىم بەرۋ، دەنساۋلىق ساقتاۋ سالالارىنىڭ كورنەكتى وكىلدەرى، اسكەري قىزمەتشىلەر، قۇقىق قورعاۋ ورگاندارىنىڭ قىزمەتكەرلەرى، سپورتشىلار، سوعىس جانە ەڭبەك ارداگەرلەرى، مادەنيەت جانە عىلىم قايراتكەرلەرى بار.

«قازاقستاننىڭ ەڭبەك ەرى» اتاعى ۇلتتىق مادەنيەتتى دامىتۋعا قوسقان ايرىقشا ۇلەسى، ءان ونەرىن ناسيحاتتاۋداعى ەرەكشە ەڭبەگى ءۇشىن روزا رىمبايەۆاعا بەرىلدى. وندىرىستىك قىزمەتتەگى ەرەكشە ەڭبەگى ءۇشىن «قازاقستاننىڭ ەڭبەك ەرى» اتاعى «قازاقمىس كورپوراتسياسى» ج ش س فيليالى - «جەزقازعانتۇستىمەت» ءو ب كەن وندىرىستىك كەشەنىنىڭ ۇڭعىلاۋشىسى تۇرسىنبەك ماكيشەۆكە دە بەرىلدى.

«وتان» وردەنىمەن جازۋشى ي. جاقانوۆ، «Alageum Electric» حولدينگتىك كومپانياسى باقىلاۋ كەڭەسىنىڭ ءتوراعاسى س. قوجابايەۆ، اقتوبە وبلىسى «كازحروم» ت ۇ ك» ا ق فيليالى – د ءو ڭ تاۋ- كەن بايىتۋ كومبيناتىنىڭ ديرەكتورى ۆ. تيل، «قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ» وردەنىمەن قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ كومەكشىسى - قازاقستان رەسپۋبليكاسىنىڭ پرەزيدەنتى ءىس باسقارۋشىسىنىڭ ءبىرىنشى ورىنباسارى ا. بيسەمبايەۆ، I دارەجەلى «بارىس» وردەنىمەن پارلامەنت ءماجىلىسىنىڭ دەپۋتاتى س. ابدراحمانوۆ، عالىم جانە قوعام قايراتكەرى ءا. احمەتوۆ، جازۋشى ت. ابدىك ۇلى، قازاقستان رەسپۋبليكاسىنىڭ تۇڭعىش پرەزيدەنتى - ەلباسى كەڭسەسىنىڭ باسشىسى م. قاسىمبەكوۆ، «م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى» ر م ك باس عىلىمي قىزمەتكەرى م. مىرزاحمەت ۇلى، «بوبەك» بالالار قورىنىڭ پرەزيدەنتى س. نازاربايەۆا، وپەرا ءانشىسى ب. تولەگەنوۆا، Ⅱ دارەجەلى «بارىس» وردەنىمەن «لورد دارىندى بالالارعا ارنالعان وبلىستىق مامانداندىرىلعان مەكتەپ- ليتسەي-ينتەرنات» ك م م مۇعالىمى ر. ازىمبايەۆا، اقىن م. ايتحوجا، ۇلتتىق عىلىم اكادەمياسىنىڭ اكادەميگى ع. ەسىم، مەملەكەتارالىق سۋ شارۋاشىلىق ۇيلەستىرۋ كوميسسياسى جانىنداعى سۋ شارۋاشىلىق ماسەلەلەرى بويىنشا عىلىمي-اقپاراتتىق ورتالىعى قازاق فيليالىنىڭ ديرەكتورى ن. قىپشاقبايەۆ، Ⅲ دارەجەلى «بارىس» وردەنىمەن اقىن، «ساكەن سەيفۋلليننىڭ مۇراجايى» م ك ق ك ديرەكتورى ن. ايت ۇلى، پرەزيدەنت ءىس باسقارماسى مەديتسينالىق ورتالىعىنىڭ «وقجەتپەس» ەمدەۋ- ساۋىقتىرۋ كەشەنى» ا ق پرەزيدەنتى ق. بەركىنبايەۆ، تاريحشى م. قويگەلديەۆ، پارلامەنت سەناتىنىڭ دەپۋتاتى ت. مۇقاشەۆ، جازۋشى ق. سالعارا ۇلى جانە باسقالار ماراپاتتالدى.

«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەت سالاسىنىڭ 36 كورنەكتى وكىلىنە بەرىلدى، ولاردىڭ ىشىندە بەلگىلى انشىلەر ت. اسار مەن د. قۇدايبەرگەن، عالىم ا. جۇمادىلدايەۆ، كينواكتەر ن. ەسىمعاليەۆ، ديريجەر ر. سالاۆاتوۆ، بالەت ءارتىسى ن. سەمەنوۆا جانە باسقالار بار.

بەلگىلى عالىمدار، مادەنيەت قايراتكەرلەرى، وندىرىستىك سالا وكىلدەرىنىڭ ەڭبەكتەرى «پاراسات» وردەنىمەن باعالاندى. ولاردىڭ اراسىندا «شىمكەنت قالالىق ورىس دراما تەاترى» م ك ق ك باسشىسى ي. ۆەربيسكي، «ايتىس اقىندارى مەن جىرشى، تەرمەشىلەردىڭ حالىقارالىق وداعى» ر ق ب ءتوراعاسى ج. ەرمانوۆ، «ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى» ر م ك پروفەسسورى س. قاسقاباسوۆ، «اقتوبە مەتالل قۇراستىرۋ زاۋىتى» ج ش س ديرەكتورى ق. قويلىبايەۆ، سولتۇستىك قازاقستان وبلىسى «اقسەلەۋ» ج ش س ديرەكتورى س. مالايەۆ، «قازاق ۇلتتىق اگرارلىق ۋنيۆەرسيتەتى» ك ە ا ق پروفەسسورى ق. سابدەنوۆ، «ب. ريموۆا اتىنداعى تالدىقورعان دراما تەاترى» ك م م ءارتىسى ك. تەمىرباي ۇلى، قوعام قايراتكەرلەرى ە. ساكەنوۆا مەن ە. تاراسەنكو، اتىراۋ وبلىستىق قوعامدىق كەڭەسىنىڭ ءتوراعاسى م. وتەشوۆ، «م. وسكىنبايەۆ اتىنداعى ماڭعىستاۋ وبلىستىق فيلارمونياسى» م ك ق ك ءسوليسى س. شاكرات، قاراعاندى وبلىسى «التاي پوليمەتالى» ج ش س باقىلاۋ كەڭەسىنىڭ ءتوراعاسى ر. يۋن بار.

Ⅱ دارەجەلى «دوستىق» وردەنىنە قازاقستان حالقى اسسامبلەياسى ءتوراعاسىنىڭ ورىنباسارى، «ۆايناح» شەشەندەر جانە ينگۋشتەر قاۋىمداستىعى باسقارماسىنىڭ مۇشەسى يۋ. كەليگوۆ، ايتىس اقىنى ءا. قالىبەكوۆا، «اينۇرى» تاتار-باشقۇرت مادەني ورتالىعى» ق ب ءتوراعاسى ا. حاليكوۆ، قاراعاندى قالاسى «LITUANICA» ق ب ءتوراعاسى ۆ. تۆاريوناس جانە باسقالار يە بولدى.

«قۇرمەت» وردەنىمەن ماراپاتتالعاندار قاتارىندا اقىن و. ابدىلدايەۆ، تۇركىستان وبلىسى «جەتىساي قوسالقى مەكتەپ- ينتەرناتى» ك م م مۇعالىمى ءۇ. ابديەۆ، «ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى» ر م ك دوتسەنتى ا. ابيدەن قىزى، اقمولا وبلىسى «التىن ءدان» ج ش س ديرەكتورى ق. بايزاقوۆ، الماتى قالاسى «قازاقستان دۇنگەندەرىنىڭ قوعامى» ق ب ءتوراعاسى ا. ۆوينسە، «اباي اتىنداعى قازاق مەملەكەتتىك اكادەميالىق وپەرا جانە بالەت تەاترى» ر م ق ك سوليسى گ. داۋىربايەۆا، قوستاناي وبلىسى «مەليتوپولسكوە» ج ش س ديرەكتورى ە. دۆۋرەچەنسكي، تانىمال بوكسشى ۆ. دەميانەنكو، «ت. جۇرگەنوۆ اتىنداعى قازاق ۇلتتىق ونەر اكادەمياسى» ر م م وقىتۋشىسى ش. يماشەۆ، قىزىلوردا وبلىسى «ەڭبەك جەر» ج ش س ديرەكتورى ش. ىسقاقوۆ، پەتروپاۆل قالاسى «كارديولوگيالىق ورتالىق» ك م ك باس دارىگەرى ا. ماعزۇموۆ، شىمكەنت قالاسى «بولاشاق» № 66-بالاباقشاسى» م ك ق ك مەڭگەرۋشىسى ت. مارتىنەنكو، «شىعىس قازاقستان اۋىل شارۋاشىلىق تاجىريبە ستانسياسى» ج ش س مەحانيزاتورى ا. نازين، ءانشى س. نۇرماعامبەتوۆا، «ميلوسەرديە» ەرىكتى قوعامى» قايىرىمدىلىق قورىنىڭ ديرەكتورى، قازاقستان رەسپۋبليكاسىنىڭ بالالار قۇقىقتارى جونىندەگى ۋاكىلى ا. ساين، «م. اۋەزوۆ اتىنداعى قازاق مەملەكەتتىك اكادەميالىق دراما تەاترى» ر م ق ك ءارتىسى ءۇ. سەيتىمبەت، «ءال-فارابي اتىنداعى قازاق ۇلتتىق ۋنيۆەرسيتەتى» ر م ك كافەدرا مەڭگەرۋشىسى ءا. تولەۋبايەۆ، نۇر- سۇلتان قالاسى «ناز» مەملەكەتتىك بي تەاترىنىڭ ديرەكتورى س. سرايلوۆ، قاراعاندى قالاسى «جاس سۇڭقار» سپورت مەكتەبىنىڭ جاتتىقتىرۋشى- وقىتۋشىسى ە. شىنكەيەۆ بار.

ونەركاسىپ، كولىك، قۇرىلىس، اۋىل شارۋاشىلىعى جانە باسقا ماتەريالدىق ءوندىرىس سالالارىنىڭ 72 جۇمىسشىسى مەن ەڭبەككەرى Ⅲ دارەجەلى «ەڭبەك داڭقى» وردەنىنىڭ يەگەرلەرى اتاندى .

اتاپ ايتقاندا، اقمولا وبلىسى «حلەبوروب» ج ش س مەحانيزاتورى م. بورانبايەۆ، ماڭعىستاۋ وبلىسى «جايلاۋ» ج ش س باس شوپانى ە. وتەسوۆ، «ق ت ج جۇك تاسىمالداۋ» ا ق فيليالى جامبىل پايدالانۋ لوكوموتيۆ دەپوسىنىڭ جوندەۋشىسى ن. حومۋتەنكو جانە باسقالار.

اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە كورسەتكەن ەرلىگى مەن جانقيارلىعى، ەلدىڭ ۇلتتىق قاۋىپسىزدىگى مەن قورعانىس قابىلەتىن نىعايتۋعا قوسقان ۇلەسى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى I جانە Ⅱ دارەجەلى «داڭق» ، سونداي-اق، I ، II ، Ⅲ دارەجەلى «ايبىن» وردەندەرىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى.

ناگرادتالعانداردىڭ ءتىزىمى باسپا سوزدە جاريالانادى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات