شىمكەنت اكىمدىگى ىشكى اۋديت قىزمەتىنىڭ باسشىسى سوتتالدى

None
None
نۇر-سۇلتان. قازاقپارات - شىمكەنت قالاسى اكىمدىگى ىشكى اۋديت قىزمەتىنىڭ باسشىسى الاياقتىق ءۇشىن سوتتالدى.بۇل تۋرالى قازاقپارات سىبايلاس جەمقورلىققا قارسى قىزمەتكە سىلتەمە جاساپ حابارلايدى.

«شىمكەنت قالاسىنىڭ سىبايلاس جەمقورلىققا قارسى قىزمەتى بۇعان دەيىن سىبايلاس جەمقورلىق قىلمىسىن جاسادى دەپ كۇدىكتەلگەن شىمكەنت قالاسى اكىمدىگىنىڭ ىشكى اۋديت قىزمەتىنىڭ باسشىسى ا. سلاموۆقا قاتىستى سوتقا دەيىنگى تەرگەۋدى اياقتادى»، - دەلىنگەن حابارلامادا.

ا. سلاموۆ 2018-2019 -جىلدار ارالىعىندا شىمكەنت قالاسى ءبىلىم باسقارماسىنىڭ «مۋزىكالىق كوللەدج» م ك ق ك- دا جۇرگىزىلگەن اۋديتورلىق تەكسەرۋدىڭ وڭ شەشىمىن قابىلداعانى ءۇشىن وسى كوللەدجدىڭ ديرەكتورىنان 1 ميلليون 200 مىڭ تەڭگەنى الداۋ ارقىلى يەمدەندى دەپ كۇدىكتەلگەن.

2019 -جىلدىڭ 11-جەلتوقسانىندا شىمكەنت قالاسىنىڭ اباي اۋداندىق سوتىنىڭ ۇكىمىمەن ا. سلاموۆ الاياقتىق جاساعانى ءۇشىن كىنالى دەپ تانىلىپ، مەملەكەتتىك قىزمەتتە لاۋازىم اتقارۋعا ءومىر بويىنا قۇقىعىنان ايىرىلدى. جانە وعان 9 ميلليون تەڭگە كولەمىندە ايىپپۇل سالىندى.

سوڭعى جاڭالىقتار