+7 (701) 759 90 19
-19 °С : نۇر-سۇلتان
-7 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

قۇستاردىڭ ادام سەنگىسىز قابىلەتى

12 جەلتوقسان 04:42
:ءبولىسۋ
قۇستاردىڭ ادام سەنگىسىز قابىلەتى

نۇر-سۇلتان. قازاقپارات - تابيعاتتىڭ ءبىز بىلمەيتىن تىلسىمى مول. اينالاداعى جان- جانۋار دا، قۇستار دا، وسىمدىكتەر دە وزىنشە ءومىر سۇرەتىن، ەرەكشە قاسيەتكە باي جاراتىلىس يەلەرى.

يمپەراتور پينگۆين

يمپەراتور پينگۆيننىڭ اتالىعى - اسا ءتوزىمدى ءارى جاۋاپتى جاراتىلىس. ول انالىق پينگۆين تاپقان جۇمىرتقانى اياق تەرىسىنىڭ اراسىنا باسىپ، ەكى اي جۇرەدى. انالىعى تەڭىزدەن ازىق ىزدەپ كەلگەنشە، اتالىعى ديەتاعا وتىرىپ، ءوز دەنەسىندەگى ماي قورىمەن عانا قورەكتەنەدى.

پوليار شاعالا

ول ۇشۋدىڭ جانە ساياحات جاساۋدىڭ چەمپيونى. پوليار شاعالاسى اركتيكادان انتاركتيكاعا جانە وسى جولمەن كەرى قاراي جىلىنا 72000 ك م ۇشىپ وتەدى. سول سەبەپتى ول جازدى جاقسى كورەدى.

كوليبري

الەمدەگى ەڭ كىشى قۇس رەتىندە بارىنە تانىمال بۇل جاراتىلىس تا وزىندىك ەرەكشە قابىلەتكە يە. ولار جىڭىشكە، ۇزىن تۇمسىعىمەن شىرىن جيناي الادى، وسىلاي قىستىڭ قامىن جازدا ويلايدى. ونىمەن قويماي، ارتىمەن دە ۇشا الاتىن قاسيەتى بار، جوعارى قاراي كولدەنەڭ، تومەن قاراي جانىمەن دە ۇشا الادى.

توقىلداق

ول اعاشتى 40 ك م/ساع جىلدامدىقپەن ۇرادى. دەنەگە مۇنداي سالماق تۇسسە، ادامنىڭ ءوزى شىداي الماس ەدى. نەگە توقىلداق باسىن وسىنشا ۇرىپ ءالى ساۋ جۇرەدى؟ اڭگىمە ونىڭ باس قۇرىلىسىندا. ەرەكشە، وتە ۇزىن، ءتىلاستى سۇيەگى، ارنايى قاتپارلى كەمىك سۇيەگى - مىنە، باس سۇيەگى وسىنداي كۇردەلى امورتيزاتسيا جۇيەسىندە قۇرىلعان.

سۇر توتىقۇس

جاكو نە افريكالىق سۇر توتىقۇس اتالاتىن بۇل قۇستىڭ ينتەللەكتى اسا جوعارى. اداممەن ادامشا سويلەسە الادى. ونىڭ سوزدىك قورىنا شامامەن 800 ءسوز سىيادى. بۇل ءۇش جاسار بالانىڭ سويلەۋ قابىلەتىنە تەڭ. سونىمەن قاتار ادامداردىڭ ينتوناتسياسىن دا جاقسى كەلتىرەدى.

ۇكى كوزى بادىراق

بۇل قۇس باسىن وڭعا دا، سولعا دا ˚ 135 بۇرا الادى. سوندا باسى ˚ 270 بۇرىلادى دەگەن ءسوز. مۇنىڭ سەبەبى مويىن ومىرتقاسى باسقا قۇستار سەكىلدى 7 ەمەس، 14 سۇيەكتەر تۇرادى.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات