شەتەلدىك قازاقستاندىققا قالاي دونور بولا الادى
رەداكسيامىزعا وقىرماننان «انام بۇيرەگىن اۋىستىرۋ كەرەك. زاڭ بويىنشا، جاقىن تۋىسىنان باسقا ادام دونور بولسا - جازاعا تارتىلادى ەكەن. مۇنداي جاعدايدا نە ىستەۋگە بولادى؟ نە سەبەپتى گەنەتيكالىق كۇيى سايكەس كەلەتىن شەتەلدىك ادام دونور بولا المايدى؟» دەگەن سۇراق كەلدى.
وقىرمان سۇراعىنا قاتىستى سۇراۋحاتىمىزعا مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى ماعريپا ەمبەرگەنوۆا جاۋاپ بەردى.
«الەۋەتتى رەتسيپيەنتكە تۋىس بولىپ تابىلمايتىن ادام مەديتسينالىق تەكسەرۋدەن وتۋدەن جانە تىندىك ۇيلەسىمدىلىكتىڭ بولۋى شارتىمەن، ونىڭ تىندەرىن (تىندەرىنىڭ بولىگىن) جانە (نەمەسە) اعزالارىن (اعزالارىنىڭ بولىگىن) الۋ مۇمكىندىگى تۋرالى كونسيليۋم قورىتىندىسىن العاننان كەيىن دونور بولا الادى. ەگەر باسقا ەلدىڭ ازاماتى ءوز اعزاسىن قازاقستاندىققا ترانسپلانتتاۋ ماقساتىندا بەرۋدى قالايتىن بولسا، نوتاريالدىق كۋالاندىرىلعان اعزالارىن الۋعا وتەۋسىز جانە ەرىكتى كەلىسىم بەرۋى، سونداي- اق جان- جاقتى مەديتسينالىق تەكسەرۋدەن ءوتۋى جانە ونىڭ تىندەرىن (تىننىڭ بولىگىن) جانە (نەمەسە) اعزالارىن (اعزالارىنىڭ بولىگىن) الۋ مۇمكىندىگى تۋرالى كونسيليۋم قورىتىندىسىن الۋى ءتيىس»، - دەدى ماعريپا ەمبەرگەنوۆا.