اسقار مامين ا ق ش-تا سيفرلىق دامۋ سالاسىنداعى الەمدىك كومپانيالاردىڭ باسشىلارىمەن كەزدەستى

None
None
نۇر-سۇلتان. قازاقپارات – ق ر پرەمەر-ءمينيسترى اسقار مامين ا ق ش-قا جۇمىس ساپارى اياسىندا سان-فرانسيسكو قالاسىنا بارىپ، وندا سيفرلىق دامۋ، ۆەنچۋرلىق قارجىلاندىرۋ جانە ەنەرگەتيكا سالاسىنداعى جەتەكشى الەمدىك كومپانيالاردىڭ باسشىلىعىمەن كەزدەسۋلەر وتكىزدى، دەپ حابارلايدى primeminister.

ۇكىمەت باسشىسى دۇنيەجۇزىلىك ەكونوميكالىق فورۋمنىڭ (د ە ف) «ءتورتىنشى ونەركاسىپتىك ريەۆوليۋتسيا ورتالىعىنىڭ» باسشىلىعىمەن كەزدەسىپ، د ە ف باسقارۋشى ديرەكتورى ر. سامانسپەن يننوۆاتسيالىق تەحنولوگيالاردى رەتتەۋ سالاسىنداعى ىنتىماقتاستىقتىڭ پەرسپەكتيۆالى باعىتتارىن تالقىلادى.

كەزدەسۋ قورىتىندىسى بويىنشا «ءتورتىنشى ونەركاسىپتىك ريەۆوليۋتسيا ورتالىعى» مەن «استانا» حالىقارالىق قارجى ورتالىعىنىڭ (ا ح ق و) اراسىندا زاتتار ينتەرنەتىن (IoT) دامىتۋدا ستراتەگيالىق ارىپتەستىك تۋرالى قۇجاتقا قول قويىلدى، بۇل 2020 -جىلى قازاقستاندا ءتورتىنشى ونەركاسىپتىك رەۆوليۋتسيا بويىنشا د ە ف ۇلەستەس ورتالىعىن قۇرۋعا جاسالعان العاشقى قادام بولدى.

مۇنداي مەكەمەلەر جاڭا تەحنولوگيالار مەن يننوۆاتسيالىق جوبالاردىڭ دامۋىن جۇيەلى مەملەكەتتىك قولداۋدى قامتاماسىز ەتۋگە ىقپالىن تيگىزە وتىرىپ، يزرايل، ءۇندىستان، قىتاي، ب ا ءا، كولۋمبيا، و ا ر، ا ق ش پەن جاپونيادا جۇمىس ىستەيدى.

پرەمەر- مينيستر ا. مامين «500 Startups»  ۆەنچۋرلىق قورىنىڭ باسشىسى ك. سايمەن كەلىسسوز وتكىزدى، ونىڭ قورىتىندىسى بويىنشا «QazTechVentures» ا ق قازاقستاندىق ۇلتتىق دامۋ ينستيتۋتىن «500 Startups» V جاھاندىق قورىنا قوسۋ تۋرالى كەلىسىمگە قول قويىلدى.

بۇل قۇجات بولاشاقتا قازاقستاندا تاقىرىپتىق ۆەنچۋرلىق قور قۇرۋدى قاراستىرادى. جوبا ۆەنچۋرلىق قارجىلاندىرۋ مەن يننوۆاتسيالىق كاسىپكەرلىكتىڭ دامۋىنا سەرپىن بەرەدى، ءسويتىپ، ستارتاپ كومپانيالاردى ۆەنچۋرلىق كاپيتالمەن قامتاماسىز ەتەدى.

ا. ماميننىڭ «Bright Sphere Investment Group» (BSIG) ينۆەستيسيالىق توبىنىڭ قارجى ديرەكتورى س. رانمەن كەلىسسوز قورىتىندىسى بويىنشا قازاقستاندىق تىكەلەي ينۆەستيتسيالار قورى (KIDF) مەن BSIG اراسىندا 2020 -جىلى قازاقستان اۋماعىندا ينفراقۇرىلىمدىق جوبالاردى قارجىلاندىرۋ ءۇشىن بىرلەسكەن قور قۇرۋدا ىنتىماقتاستىق تۋرالى مەموراندۋمعا قول قويىلدى.

انىقتاما: BSIG - جەتەكشى عالامدىق ينۆەستيتسيالىق توپ، ونىڭ باسقارۋىندا $200 ميللياردتان استام قارجى بار. 7 باسقارۋشى كومپانيا ارقىلى 30 ەلدە جوبالاردى ىسكە اسىرادى، الەم بويىنشا 20 كەڭسەسى جانە 850 ينستيتۋتسيونالدىق جانە ءىرى كورپوراتيۆتىك كليەنتتەرى بار. قازاقستاندا يننوۆاتسيالىق ەكوجۇيەنى، ۆەنچۋرلىق كاپيتال مەن ستارتاپ جوبالاردى دامىتۋ ماسەلەلەرى ا. ماميننىڭ «Plug and Play» كومپانياسىنىڭ باسشىلىعىمەن اڭگىمەسى بارىسىندا قاراستىرىلدى، ونىڭ كەڭسەسىن «Astana Hub» الاڭىندا اشۋ كوزدەلگەن.

ۇكىمەت باسشىسى «C3.ai» كومپانياسىنىڭ باس اتقارۋشى ديرەكتورى ت. سيبەلمەن كەلىسسوز كەزىندە ق ر مۇنايگاز جانە باسقا دا سەكتورلارىندا جاساندى ينتەللەكتىنى قولدانۋدا ىنتىماقتاستىق ماسەلەلەرىن تالقىلادى.

«Cisco» ترانسۇلتتىق كومپانياسىنىڭ پرەزيدەنتى گ. ديدريحپەن كەزدەسۋدە «سيفرلىق قازاقستان» مەملەكەتتىك باعدارلاماسىندا بەكىتىلگەن ماقساتتارعا قول جەتكىزۋدە جانە اقپاراتتىق تەحنولوگيالار سالاسىندا ىنتىماقتاستىقتىڭ جاڭارتىلعان ستراتەگياسىن ىسكە اسىرۋ ماسەلەلەرى قارالدى. «One Web» كومپانياسىنىڭ باس اتقارۋشى ديرەكتورى ا. شتەكەلمەن كەزدەسۋ بارىسىندا قازاقستاننىڭ اۋماعىن، ونىڭ ىشىندە شالعايداعى جانە جەتۋ قيىن اۋدانداردى جەرسەرىكتىك بايلانىس ارقىلى جاپپاي جىلدامدىعى جوعارى كەڭ جولاقتى ينتەرنەتپەن قامتۋ جوباسىن ىسكە اسىرۋ پەرسپەكتيۆالارى قارالدى.

كەلىسسوز قورىتىندىسى بويىنشا احقو باسقارۋشىسى ق. كەلىمبەتوۆ جانە «One Web» باسشىسى ا. شتەكەل جوبانى ودان ءارى ىلگەرىلەتۋ تۋرالى قۇجاتقا قول قويدى. «Chevron» كورپوراتسياسىنىڭ بارلاۋ جانە كەن ءوندىرۋ جونىندەگى اتقارۋشى ۆيتسە-پرەزيدەنتى د. دجونسونمەن اڭگىمەلەسۋ كەزىندە بولاشاق كەڭەيتۋ جوباسى، «تەڭىزشەۆرويل» جوباسىندا تاۋارلار مەن كورسەتىلەتىن قىزمەتتەر بويىنشا قازاقستاندىق قامتۋدى ودان ءارى ارتتىرۋ، سونداي-اق قازاقستاندىق جۇمىسكەرلەردىڭ الەۋمەتتىك قامسىزداندىرىلۋى مەن ەڭبەك جاعدايلارىن جاقسارتۋ بويىنشا بىرلەسكەن شارالار ازىرلەۋ ماسەلەلەرى تالقىلاندى. «ValvTechnologies» كومپانياسىنىڭ پرەزيدەنتى ك. حانتپەن كەلىسسوز بارىسىندا قازاقستاندا مۇنايگاز سەكتورى ءۇشىن كلاپاندار مەن تيەكتەر شىعارۋ زاۋىتىن اشۋ مۇمكىندىگى قارالدى. شىعارىلعان ءونىمدى بولاشاقتا «تەڭىزشەۆرويل»- دى كەڭەيتۋ جوباسىن ىسكە اسىرۋ اياسىندا پايدالانۋ، سونداي-اق كورشىلەس ەلدەردىڭ نارىقتارىنا ەكسپورتتاۋ جوسپارلانعان.

ا. مامين «42» كومپيۋتەرلىك باعدارلامالاۋ مەكتەبىنىڭ جانە IT سالاسىنداعى «Qwasar» ءبىلىم بەرۋ كومپانياسىنىڭ نەگىزىن قالاۋشى ك. يامگنانەمەن كەزدەسۋ وتكىزىپ، ونىمەن قازاقستاننىڭ سيفرلىق ەكونوميكاسى ءۇشىن ماماندار دايارلاۋداعى ىنتىماقتاستىق پەرسپەكتيۆالارىن تالقىلادى. پرەمەر- مينيستر «Tesla» كومپانياسىنىڭ كەڭسەسى مەن زاۋىتىن ارالادى، وندا كومپانيا باسشىلىعىمەن كەزدەسۋ اياسىندا قازاقستاندا جانار-جاعارماي قۇيۋ ستانسيالارى جەلىسىن كەڭەيتۋ جانە ەلەكتروموبيلدەر ءۇشىن سەرۆيس ورتالىقتارىن اشۋ ماسەلەلەرى قارالدى.

سوڭعى جاڭالىقتار