+7 (701) 759 90 19
-8 °С : نۇر-سۇلتان
-14 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

الەمدىك اۆتوسپورت جۇلدىزدارى قازاقستاننان قىتايعا كەلەدى

11 جەلتوقسان 13:51
:ءبولىسۋ
الەمدىك اۆتوسپورت جۇلدىزدارى قازاقستاننان قىتايعا كەلەدى

نۇر-سۇلتان. قازاقپارات - الەمدەگى اۆتوسپورت جارىسىنىڭ ەڭ ۇزاق جانە ەڭ قاۋىپتى «جىبەك جولى -2020» راللي-رەيدىنىڭ مارشرۋتى قازاقستان اۋماعىنان وتەدى، دەپ حابارلايدى قازاقپارات sport.inform.kz-كە سىلتەمە جاساپ.

بۇل رەسەي، قازاقستان جانە قىتاي سەكىلدى ءۇش ەلدىڭ مەملەكەتارالىق جوباسىنىڭ ونىنشى، مەرەكەلىك مارافونى. «جىبەك جولى» مەرەكەلىك رالليى 2020 -جىلدىڭ 3 -شىلدەسىندە ماسكەۋ قالاسىنداعى قىزىل الاڭدا باستالىپ، 16 -شىلدە كۇنى قىتايداعى ۇرىمجىدە اياقتالادى. قاتىسۋشىلاردى رەسەيدىڭ ورماندارى مەن وزەندەرى مەن جولسىز ايماقتارىنان كەيىن قازاقستاننىڭ جازىقتارى مەن دالالارى، الىپ شولەيت لاندشافت كۇتىپ تۇر.

سودان كەيىن قاتىسۋشىلار ءبىر كۇن دەمالىپ، گوبي شولىندە جالعاسىن تاباتىن قىتايلىق كەزەڭگە جول تارتادى. 8000 كيلومەتر قاشىقتىقتى ەڭسەرگەن مارافون ۇرىمجىدە اياقتالادى. «جىبەك جولى» رالليىنىڭ ۇيىمداستىرۋشىلارى بۇل جارىستىڭ تەڭدەسى جوق دەپ ەسەپتەيدى. «ءبىزدى بارلىق جەردە تاعاتسىزدانا كۇتىپ وتىراتىنىن ءار قاتىسۋشى بىلەدى. رالليدىڭ كومەگىمەن ءبىز الەم جۇرتشىلىعىنا جەرگىلىكتى تۇرعىنداردى، ولاردىڭ مادەنيەتى مەن تابيعاتىنىڭ ادەمىلىگىن كورسەتكىمىز كەلەدى. ءبىز مەرەكەلىك ون جىلدىق باسىلىمعا لوگيستيكا تۇرعىسىنان قيىن ەمەس، ءبىراق سپورت تۇرعىسىنان قىزىقتى مارشرۋت جاساۋدى ويلادىق، - دەيدى جوبا جەتەكشىسى، بۇرىنعى «كاماز ماستەر» كومانداسىنىڭ بەلدى مۇشەسى ۆلاديمير چاگين.

اتاپ وتەتىن جايت، «جىبەك جولى» ترانسكونتينەنتالدى جارىسى تۇڭعىش رەت راللي- رەيد بويىنشا FIA الەم كۋبوگىنىڭ كەزەڭىنە اينالدى.

Silk Way Rally 2020 كروسس- كانتريدەن FIM الەم چەمپيوناتى مەن راللي- رەيد بويىنشا FIA الەم كۋبوگىنىڭ ەڭ ۇزاق كەزەڭى بولادى.

ەستەرىڭىزگە سالا كەتەيىك، قازاقستاندا «جىبەك جولى» رالليى ەكى جىل قاتارىنان وتكىزىلگەن. 2016 -جىلى ترانسكونتينەنتالدى مارافون قاتىسۋشىلارى «جىبەك جولىن» الەمدەگى ەڭ كۇردەلى جارىس دەپ اتادى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات