اقىن قالقامان سارين جاڭا قىزمەتكە تاعايىندالدى
بۇل تۋرالى وسكەمەن قالاسىنىڭ اكىمى جاقسىلىق ومار ءوزىنىڭ الەۋمەتتىك جەلىدەگى پاراقشاسىندا جازدى.
قالقامان سارين 1998 -جىلى ەۆرازيا ۇلتتىق ۋنيۆەرسيتەتىن «تاريح» ماماندىعى بويىنشا ءتامامداعان. 2014 -جىلى اتالمىش وقۋ ورنىنىڭ ماگيستراتۋراسىن اياقتاپ، گۋمانيتارلىق عىلىمداردىڭ ماگيسترى اتاندى.
ەڭبەك جولىن ۇستازدىقتان باستاپ، 1998 -جىلدان 2008 -جىلعا دەيىن قازاق ۇلتتىق مۋزىكا اكادەمياسىندا وقىتۋشىلىق قىزمەت اتقارعان. 2008-2018 -جىلدار ارالىعىندا ەۆرازيا ۇلتتىق ۋنيۆەرسيتەتىندە وقىتۋشى جانە رەكتوردىڭ كەڭەسشىسى بولىپ ەڭبەك ەتتى.
2018-2019 -جىلدارى «شالقار» ۇلتتىق راديوسىنىڭ ديرەكتورى قىزمەتىن اتقاردى. ق ر جازۋشىلار وداعىنىڭ مۇشەسى، اقىن قالقامان سارين شىعارماشىلىقتا دا مول تابىسقا قول جەتكىزگەن.
حالىقارالىق «شابىت» فەستيۆالىنىڭ لاۋرەاتى. «التىن قالام» ادەبي سىيلىعىنىڭ جەڭىمپازى. ق ر ۇكىمەتىنىڭ «دارىن» مەملەكەتتىك جاستار سىيلىعىنىڭ لاۋرەاتى. قازاقستان رەسپۋبليكاسى تۇڭعىش پرەزيدەنتى - ەلباسى قورى سىيلىعىنىڭ لاۋارەاتى.
اۆتور: الما مۇقانوۆا