+7 (701) 759 90 19
4 °С : نۇر-سۇلتان
4 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

تانىمال پەرۋلىك ءانشى ءوز كونسەرتىن شەگەرىپ، نيۋ-يورككە ديماشتى كورۋگە ۇشىپ كەلدى

11 جەلتوقسان 11:51
:ءبولىسۋ
تانىمال پەرۋلىك ءانشى ءوز كونسەرتىن شەگەرىپ، نيۋ-يورككە ديماشتى كورۋگە ۇشىپ كەلدى

نيۋ-يورك. قازاقپارات - گرەممي سىيلىعىنىڭ يەگەرى، پەرۋلىك اتاقتى ءانشى ەۆا ايلان ديماش قۇدايبەرگەندى كورۋ ءۇشىن ءوز كونسەرتىن كەيىنگە شەگەرىپ، نيۋ-يورككە كەلدى، دەپ حابارلايدى قازاقپارات dimashnews.com سايتىنا سىلتەمە جاساپ.

قوس ءانشى د. قۇدايبەرگەننىڭ نيۋ-يوركتەگى كونسەرتى اياسىندا كەزدەستى. ەۆا ايلاننىڭ ايتۋىنشا، ول ديماشتىڭ ءانىن العاش رەت ومىرىندەگى ەڭ قيىن كەزەڭدەردىڭ بىرىندە تىڭداعان. اناسى قايتىس بولعاننان كەيىن اۋىر كۇيزەلىسكە ۇشىراعان پەرۋلىك ءانشىنىڭ جابىرقاعان كوڭىلىن ءتىپتى، سۇيىكتى مۋزىكاسى دا كوتەرە الماعان.

وسىنداي قيىن ۋاقىتتا ول Facebook-تەن ديماشتىڭ «S. O. S» ءانىن ورىنداعان ۆيدەوسىن كوزى شالعان. «سول ساتتەن باستاپ سەنىڭ ءانىڭدى كۇن سايىن تىڭدايمىن. كۇيزەلىستەن ارىلدىم»، - دەيدى ديماشقا اعىنان جارىلعان ەۆا ايلان.

وسى اپتادا اتاقتى ءانشىنىڭ كونسەرتى ءوتۋى ءتيىس بولعان ەكەن. الايدا، قازاقستاندىق جاس تالانتتىڭ كونسەرتىن تاماشالاۋ ءۇشىن ونى كەيىنگە قالدىرىپ، نيۋ-يورككە ۇشىپ كەلگەن. ديماشقا ارنايى دايىنداپ اكەلگەن سىيلىعىن تابىس ەتكەن ەۆا ايلان پەرۋدە دە قازاق ءانشىسىنىڭ فان كلۋبى وتە بەلسەندىگى ەكەندىگىن ايتادى.

ولار د. قۇدايبەرگەننىڭ اندەرىنىڭ ءمان-ماعىناسىن ءتۇسىنۋ ءۇشىن ءوز تىلدەرىنە اۋدارىپ، شىعارماشىلىعىنىڭ تانىمالدىعىن ارتتىرۋدا بەلسەندى جۇمىستار جۇرگىزىپ جاتىر ەكەن. ديماشتىڭ اناسى سۆەتلانا ايتبايەۆا دا ەۆا ايلانعا ارنايى سىيلىق تابىستاپ، ۇلىنىڭ شىعارماشىلىعىنا دەگەن شىنايى سۇيىسپەنشىلىگى ءۇشىن ريزاشىلىعىن ءبىلدىردى.

اۆتور: مارلان جيەمباي


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات