11:05, 11 - جەلتوقسان 2019 | GMT +6
ديماشتىڭ نيۋ-يوركتەگى كونسەرتى قالاي ءوتىپ جاتىر
نيۋ-يورك. قازاقپارات - ديماشتى نيۋ-يوركتەگى كونسەرتىنىڭ العاشقى سۋرەتتەرى جاريالاندى، دەپ حابارلايدى قازاقپارات dimashnews.com سىلتەمە جاساپ.
ايتا كەتسەك، كونسەرت قازاقستاننىڭ ا ق ش-تاعى مادەنيەت كۇندەرى اياسىندا ۇيىمداستىرىلىپ وتىر.
ديماشتى نيۋ-يوركتەگى جانكۇيەرلەرى دجون كەننەدي اتىنداعى حالىقارالىق اۋەجايىندا قازاقستاننىڭ جالاۋىمەن قارسى العان بولعان.
«Arnau tour ENVOY» - ماۋسىم ايىندا «قازاقستان» ر ت ر ك» ا ق ۇيىمداستىرۋىمەن نۇر-سۇلتان قالاسىندا وتكەن «ARNAU» كونسەرتىنىڭ جاڭارعان نۇسقاسى. الەم تىڭدارماندارى بۇل كەشتە جاڭا باعدارلامامەن قاتار، «ARNAU» باعدارلاماسىنىڭ ۇزدىك نومىرلەرىن كورەتىن بولادى.
كونسەرتتىڭ تەلەۆيزيالىق نۇسقاسىنىڭ كورسەتىلىم ۋاقىتى قوسىمشا جاريالانادى. ديماشتىڭ نيۋ-يوركتەگى كونسەرتىنە بيلەتتەر ءبىر جارىم ايدا ساتىلىپ كەتكەن. سونداي-اق، ءانشىنىڭ نيۋ-يوركتە 10-جەلتوقساندا وتەتىن جەكە كونسەرتىنە الەمنىڭ 51 ەلىنەن جانكۇيەرلەر بارادى.