+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بالامەن سۇحبات

11 جەلتوقسان 11:20
:ءبولىسۋ
بالامەن سۇحبات

نۇر-سۇلتان. قازاقپارات - ءبىز كوپ جاعدايدا بالاعا 3-اق سۇراق قويامىز: «قارنىڭ اش ەمەس پە؟»، «ءبىر جەرىڭ اۋىرىپ تۇرعان جوق پا؟»، «ساباعىڭ قالاي؟» بولدى.

ال، بالامەن باسقا دا تاقىرىپتاردا، ۇزاق وتىرىپ اڭگىمەلەسۋ كوپتەگەن پروبلەمالاردىڭ الدىن الادى. سوندىقتان، قۇرمەتتى اتا-انالار، بالالارىڭىزبەن بىرگە وينايتىن «جۋرناليست» دەگەن ويىندى ۇسىنامىن. ەشقانداي قيىندىعى جوق. دەمالىس كۇنىن بە، الدە باسقا ءبىر بوس ۋاقىتتى تاڭداپ الاسىز با، ءوز ەركىڭىز.

ءسىز - جۋرناليستىڭ رولىندە بولاسىز. ستۋدياعا ءوزىڭىزدىڭ بالاڭىزدىڭ اتىن اتاپ شاقىراسىز. مىسالى «بۇگىن ءبىزدىڭ ستۋديامىزدا قوناقتا - ەركەبۇلان قانات ۇلى» دەگەن سياقتى. ءسويتىپ، بالاڭىزدى ماقتاپ-ماقتاپ جىبەرىپ، تومەندەگى سۇراقتاردى قويىپ كورىڭىز، نە دەپ جاۋاپ بەرەر ەكەن، سىزگە دە قىزىق بولادى.

الدىن-الا ايتايىن، سۇراقتاردى مەن ويلاپ تاپقان جوقپىن. بالالار مەن جاسوسپىرىمدەر پسيحولوگياسىمەن اينالىساتىن ءمۇيىزى قاراعايداي ارنايى پسيحولوگ ماماندار ويلاپ تاپقان.

سونىمەن، كەتتىك!

1. بالا دەگەنىم كىم؟

2. سەن ۇيىقتاماي جاتقاندا، كوبىنەسە نە ويلايسىڭ؟

3. وسكەندە كىم بولعىڭ كەلەدى؟ نە ءۇشىن؟

4. ەگەر سەنىڭ قولىڭدا سيقىرلى تاياقشا بولسا، نە ىستەر ەدىڭ؟

5. ەڭ جاقىن دوس دەگەن قانداي بولۋ كەرەك؟

6. بالالارعا اتا-انالارى نە ءۇشىن ۇرىسادى دەپ ويلايسىڭ؟

7. نە نارسەنى ۇيرەنگىڭ كەلەدى؟

8. ادامدار نە ءۇشىن اۋىرادى؟

9. ءىنىڭ (ءسىڭلىڭ) نەمەسە قارىنداسىڭ بولعانىن قالايسىڭ با؟

10. سەنىڭ ەڭ سۇيىكتى ويىنىڭ قانداي؟ ول ويىندى قالاي وينايدى؟

11. نەدەن قاتتى قورقاسىڭ؟

12. قانداي مەرەكەنى ەرەكشە جاقسى كورەسىڭ؟

13. سەن نە نارسەگە رەنجيسىڭ؟

14. مۋلتفيلمدەگى، كينوداعى قانداي كەيىپكەر ۇنايدى؟ نە ءۇشىن؟

15. نەنى ۇناتپايسىڭ؟

16. ماحاببات دەگەنىمىز نە؟

17. نە ءۇشىن ادامدار ءبىر-ءبىرىن جاقسى كورەدى؟

18. الەمدەگى ەڭ ءدامدى تاعام قانداي؟

19. الداعى ۋاقىتتا نە ىستەگىڭ كەلەدى؟ قانداي دا ءبىر جوسپارلارىڭ بار ما؟

20. سەن قاي جەردە ءوزىڭدى جاقسى سەزىنەسىڭ؟ مەكتەپتە مە، ۇيدە مە، اتا-اجەنىڭ ۇيىندە مە، اۋىلدا ما، قالادا ما؟

21. سەن باقىتتى بولۋ ءۇشىن اتا-اناڭ سەن ءۇشىن نە ىستەگەنىن قالار ەدىڭ؟

22. ەڭ قاتتى قۋانعان كەزىڭ قاي ۋاقىتتا بولدى؟

23. ەگەر ۇيدە جالعىز ءوزىڭ قالعاندا، كوبىنەسە نە ىستەيسىڭ؟

24. وتباسىندا ساعان نە ۇنايدى؟ نە ۇنامايدى؟

25. اكە-شەشەڭە كوبىنەسە نە ءۇشىن رەنجيسىڭ؟

26. مەكتەپتە، سىنىپتا ساعان ۇنايتىن، ۇنامايتىن ادامدار بار ما؟ نە ءۇشىن ۇنايدى، نە ءۇشىن ۇنامايدى؟

27. قاي ەلگە بارعىڭ كەلەدى؟ ول مەملەكەت ساعان نە ءۇشىن ۇنايدى؟

28. قاي ءتىلدى مەڭگەرگىڭ كەلەدى؟

29. قازىر ادامداردىڭ بويىندا قانداي قاسيەتتەر ساعان ۇنامايدى؟ (نەمەسە ۇنايدى؟)

30. ون جىلدان كەيىن سەن ءوزىڭدى قالاي ەلەستەتەسىڭ؟

مىنە، وسى سۇراقتاردان كەيىن بالاڭىزدى باسقا قىرىنان تانيسىز. ويىندى ويناپ بولعاننان سوڭ، وسى جەرگە كوممەنتاري قالدىرۋدى ۇمىتپاڭىز.

P. S.: قىسقاسى، بۇگىن 14 جاستاعى قىزىما وسى سۇراقتاردى قويدىم. كوپتەگەن سۇراقتارىما جاۋاپ الدىم. سىزدە بالالارىڭىزعا وسى ساۋالداردى قويىپ كورىڭىز. مۇمكىن اراعا ماۋسىم سالىپ نەمەسە جىل سالىپ بۇل جۋرناليستىك ەكسپەريمەنتتى قايتالاپ وتىرعانىڭىز ءجون بولار. سوندا ءسىز ءسوز جوق سۇراقتارىڭىزدىڭ ناقتى جاۋابىن الاتىن بولاسىز دەپ ويلايمىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات