+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

الەمدەگى ەڭ ۇزدىك مەديتسينا قاي ەلدەردە؟

11 جەلتوقسان 10:50
:ءبولىسۋ
الەمدەگى ەڭ ۇزدىك مەديتسينا قاي ەلدەردە؟

نۇر-سۇلتان. قازاقپارات - الەمدەگى 11 ەڭ ۇزدىك دەنساۋلىق ساقتاۋ جۇيەسىمەن ەرەكشەلەنەتىن ەلدەردى ۇسىنامىز.

ءاربىر ەلدىڭ دەنساۋلىق ساقتاۋ سالاسىندا وزىنە ءتان ەرەكشەلىكتەرى بار. بۇكىلالەمدىك دەنساۋلىق ساقتاۋ ۇيىمى مىناداي كريتەرييلەرگە سۇيەنىپ جاسالدى: تيىمدىلىك، قولجەتىمدىلىك، حالىق مۇقتاجدىعىنا سايكەستىك. ەڭ جاقسى اۋرۋحانالار، ەڭ بىلىكتى دارىگەرلەر، زاماناۋي تەحنيكالىق جابدىقتاۋ جانە وسىنىڭ بارىنە حالىق تولىقتاي قولجەتكىزە الۋى شارت. دەنساۋلىق ساقتاۋ سالاسىنىڭ ۇزدىكتەرى وسى كريتەرييلەرگە ساي بولۋى كەرەك.

1. گونكونگ(شياڭگاڭ)

گونكونگ مەديتسينا سالاسىندا دا كوش باستاپ تۇر. بۇل قالا ءاردايىم ساپالى مەديتسينالىق قىزمەتپەن ەرەكشەلەنەدى. سونداي-اق، گونكونگتا سابيلەردىڭ ەڭ از ءولىمى تىركەلگەن. بۇل كورسەتكىش دەنساۋلىق ساقتاۋ سالاسىنىڭ دامىپ كەتكەندىگىنىڭ ءبىرعانا دالەلى. اۋرۋحانالارى سوڭعى ۇلگىدەگى تەحنيكالارمەن جابدىقتالعان. دارىگەرلەردىڭ قىزمەت كورسەتۋ ساپاسى الەم بويىنشا الدىڭعى قاتاردا كەلەدى.

2. سينگاپۋر

كوپتەگەن ەلدەردە مەملەكەتتىك ەمحانالار مەن جەكە ەمحانالاردىڭ ساپاسى جاعىنان ايىرماشىلىقتى بايقاۋعا بولادى. الايدا، سينگاپۋردىڭ دەنساۋلىق ساقتاۋ جۇيەسى بۇل باعىتتا ەرەكشەلەنەدى. مەملەكەتتىك ەمحانا نەمەسە جەكە ەمحانالار بولسىن، قىزمەت كورسەتۋ ساپاسى، زاماناۋي تەحنيكاسى، دارىگەرلەردىڭ بىلىكتىلىگى جونىندە ەشقانداي ايىرماشىلىق جوق. كەز- كەلگەن اۋرۋحاناسىنا كىرىپ، ساپالى مەديتسينالىق كومەكتى الۋىڭىزعا بولادى.

3. جاپونيا

جاپونياعا جىل سايىن ەمدەلۋ ءۇشىن 500 مىڭ ناۋقاس تۋريستەر كەلەدى ەكەن. جاپونيادا مەديتسينانىڭ بارلىق سالاسى بويىنشا وتە بىلىكتى ماماندار جۇمىس جاسايدى. بۇل ەل ازاماتىنىڭ ورتاشا ءومىر ءسۇرۋ ۇزاقتىعى 82 جاس. ازاماتتاردىڭ ءومىر ءسۇرۋ ۇزاقتىعى دەنساۋلىق ساقتاۋ جۇيەسىنىڭ تيىمدىلىگىنىڭ ءبىر كورسەتكىشى بولىپ تابىلادى. جاپونيانىڭ مەديتسينالىق تەحنولوگياسى الەمدەگى ەڭ ۇتىمدى تەحنولوگيا دەپ تانىلعان. ب ۇ ۇ مالىمەتى بويىنشا 2050 -جىلى جاپونيادا جاسى 100 دەن اسقان ادام سانى 1 ميلليوننان اساتىن بولادى.

4. يزرايل

يزرايل دارىگەرلەرىنىڭ بىلىكتىلىگى جونىندە دۇنيە جۇزىندە العاشقى وندىققا كىرەدى. دارىگەرلەرى وتە ءبىلىمدى. ءبىلىمدى دارىگەر دەگەنىمىز- ساپالى مەديتسينانىڭ كەپىلى بولىپ تابىلادى. وسىدان-اق دەنساۋلىق ساقتاۋدا يزرايل وق بويى وزىپ، وزگە ەلدەردىڭ اۋزىن اشتىرىپ كەتكەنىن بايقاۋعا بولادى.

5. گەرمانيا

نەمىستەردىڭ ەمحانالارى مەديتسينالىق ساقتاندىرۋ كومپانيالارمەن كەلىسىم شارتقا وتىرادى. ساقتاندىرۋ نەگىزىندە بىرىگىپ جۇمىس جاساپ، ساپالى مەديتسينالىق كومەكتى جەرگىلىكتى حالىققا ۇسىنادى. گەرمانيادا كۇندەلىكتى مىڭداعان كۇردەلى وتالار جاسالادى. كەز-كەلگەن اۋرۋحانالارى كۇردەلى وتالاردى جاساۋعا داعدىلانعان. تەحنيكالىق بازاسى دا زاماناۋي ۇلگىلەرمەن جابدىقتالعان.

6. يسپانيا

يسپانيادا دەنساۋلىق ساقتاۋ جۇيەسىن قارجىلاندىرۋ جانە مەديتسينالىق كومەكپەن قامتاماسىز ەتۋ تۋرالى زاڭنامالار وتە جاقسى جۇمىس ىستەيدى. بۇل ەلدە حالىق جاقسى اقپاراتتاندىرىلعان جانە وزىنە ەڭ قولايلى، ەڭ ساپالى ەمنىڭ ءتۇرىن تاڭداي الادى. سول سەبەپتى يسپانيانى دەنساۋلىق ساقتاۋ سالاسىندا ەڭ ۇزدىكتەردىڭ قاتارىندا.

7. يتاليا

يتاليا ۇكىمەتى حالىقتىڭ ساپالى مەديتسينا الۋىنا بارلىق جاعدايدى جاساپ قويعان. بۇگىندە يتاليادا كەز- كەلگەن مەديتسينالىق كومەك تەگىن كورسەتىلەدى. بۇل ەلدىڭ ازاماتتارى قالاعان اۋرۋحانالارىنا بارىپ تەگىن ەم قابىلداۋىنا قۇقىلى. وعان قوسا، كۇردەلى وتالار دا تەگىن جاسالادى. ياعني، يتاليا مەديتسيناسى قولجەتىمدى بولىپ سانالادى.

8. اۆستراليا

اۆستراليا ازاماتتارىنىڭ 75 پايىز مەديتسينالىق شىعىندارىن مەملەكەت ءوزى كوتەرەدى ەكەن. قالعان 25 پايىزىن مەديتسينالىق ساقتاندىرۋلار ەسەبىنەن تولەنەدى. ءاربىر مەديتسينالىق مەكەمە ساپالى قىزمەت تۇرلەرىن ۇسىنادى. اتالمىش ەلدە ساپالى مەديتسينا باسقا ەلدەرمەن سالىستىرعاندا اناعۇرلىم قولجەتىمدى.

9. وڭتۇستىك كورەيا

بۇل ەلدىڭ دەنساۋلىق ساقتاۋ جۇيەسىنە توقتالاتىن بولساق، دەنساۋلىق ساقتاۋ جۇيەسى ءوزىنىڭ كۇردەلىلىگىمەن ەرەكشەلەنەدى. بۇل جۇيەدە مەديتسينالىق كومەك كورسەتۋ جانە دەنساۋلىق ساقتاۋدى قارجىلاندىرۋ مەملكەتتىك جانە جەكە سەكتوردى بىرىكتىرە وتىرىپ، مىندەتتى مەديتسينالىق ساقتاندىرۋ نەگىزىندە جۇمىس ىستەيدى. مەديتسينالىق كومەك كەڭ كولەمدە اۋرۋحانالاردىڭ دەڭگەيىندە عانا ەمەس، امبۋلاتوريالىق دەڭگەيدە دە جۇزەگە اسىرادى. دەنساۋلىق ساقتاۋ جۇيەسى وڭتۇستىك كورەيا حالقىنىڭ سۇرانىسىنا تولىقتاي جاۋاپ بەرەدى.

10. شۆەتسيا

شۆەتسيا ەلىنىڭ ەكولوگياسى جاعىنان الەم بويىنشا ءبىرىنشى ورىندا كەلەدى. اۋاسىنىڭ تازالىعى، تاماشا تابيعاتى ادامداردىڭ دەنساۋلىعىنا وڭ اسەر ەتەدى. وعان قوسا، شۆەتساريا ۇكىمەتى مەديتسينالىق شىعىنداردىڭ 97 پايىزىن وزدەرى تولەيدى ەكەن.

11. شۆەيتساريا

شۆەيتساريا اۋرۋحانالار مەن ەمحانالارى ماگنيتتىك- رەزونانستىق توموگرافيالىق اپپاراتتارمەن جابدىقتالعان. اۋرۋحانالارىنداعى جاڭاشا ءارى تەڭدەسسىز كومپيۋتەرلىك تەحنولوگيالار ەمدەلۋشىلەرگە جىلدام ءارى ساپالى قىزمەت كورسەتۋدە. شۆەيتساريا نەيروحيرۋرگيا، كارديوحيرۋرگيا ، ونكولوگيا جانە پلاستيكالىق حيرۋرگيادان العاشقى قاتاردان كورىنەدى. سونىمەن قاتار شۆەيتساريا ءدارى شىعارۋدان دا الەمدىك كوشباسشىلاردىڭ ءبىرى.


باستى سوزدەر: الةم, دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات