+7 (701) 759 90 19
9 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

يتاليالىق حيرۋرگ الماتىلىق قىزدىڭ تاماعىنا وتا جاساپ، داۋىسىن قايتاردى

11 جەلتوقسان 09:29
:ءبولىسۋ
يتاليالىق حيرۋرگ الماتىلىق قىزدىڭ تاماعىنا وتا جاساپ، داۋىسىن قايتاردى

الماتى. قازاقپارات - الماتىدا الەمدىك وتورلارينگولوگيا سالاسىنىڭ ۇزدىك حيرۋرگى روبەرتو پۋجەدۋ سانجار اسفەندياروۆ اتىنداعى قاز ۇ م ۋ جانىنداعى اقساي ۋنيۆەرسيتەتتىك كلينيكاسىندا بىرەگەي وتا جاسادى، دەپ حابارلايدى قازاقارات ءتىلشىسى.

ول بالانىڭ كومەيىندەگى ىسىكتى الىپ تاستادى. كومەي پاپيللوماتوزى قاتەرسىز ىسىك تۇرىنە جاتادى. بۇل كوبىنەسە ادام پاپيللوماسى ۆيرۋسىنىڭ 6 جانە 10 تۇرلەرىن تاسىمالداۋشى بوپ وتىرعان ادامداردا كەزدەسەدى.

بۇل دەرتكە شالدىققان ادامدار كوبىنەسە سويلەۋ قابىلەتىنەن ايرىلىپ قالادى. سانجار اسفەندياروۆ اتىنداعى قاز ۇ م ۋ لور كافەدراسىنىڭ مەڭگەرۋشىسى ايگۇل مەدەۋلوۆانىڭ ايتۋىنشا، بۇگىندە قازاقستاندا جۇزدەگەن كىشكەنتاي پاتسيەنت وسىنداي وتاعا مۇقتاج. اراسىندا اسقىنۋلار ءجيى بولادى. ويتكەنى، پاپيللوما وسكەن كەزدە قايتادان وتا جاساۋعا تۋرا كەلەدى.

بۇگىندە قازاقستاندا وسىنداي كۇردەلى وتالار تەك نۇر-سۇلتانداعى انا مەن بالا ورتالىعىندا جانە الماتىداعى اقساي ەمحاناسىندا جاسالادى.

دارىگەرلەر بۇل اۋرۋدى حيرۋرگيالىق ەمدەۋ كۇردەلى وتاعا جاتاتىنىن ايتتى. سەبەبى، بالالاردىڭ %45 تراحەوستوميالىق ترۋبكامەن جۇرۋگە ءماجبۇر بولادى. بالالاردىڭ داۋسى شىقپاي قالادى، دەمالىسى قيىندايدى.

ەڭ الدىمەن كىشكەنتاي پاتسيەنتەردىڭ ترۋبكالاردان قۇتقارىپ، تولىق دەمالىسىنا مۇمكىندىك بەرۋ كوزدەلەدى. اقساي ەمحاناسىندا كۇزدە 7 بالاعا وتا جاسالسا، ولاردىڭ 2 ۋى عانا وزدىگىنەن دەمالىپ كەتتى. يتالياندىق حيرۋرگ روبەرتو پۋجەدۋ 16 ادامعا وتا جاسايدى.

ولاردىڭ ءبىرسىپىراسىندا كومەي قاتەرسىز ىسىگى بولسا، كەيبىرەۋلەرى جول اپاتىنان جاراقات العان. 13 جاستاعى قىز بالا كوپبالالى وتباسىنان شىققان. 10 جىلدان بەرى تراحەوستوميالىق ترۋبكامەن جۇرۋگە ءماجبۇر بولعان.

«قىز مۇرىنمەن دەمالمايدى. سويلەۋدەن جاڭىلىپ قالعان. پروفەسسور روبەرتو پۋجەدۋ ءوز پراكتيكاسىندا ءبىرىنشى رەت وسىنداي جاعدايمەن كەزدەسكەن. قىزدىڭ اۋزى مەن جۇتقىنشاعىنان باستاپ تراحەياسىنا دەيىن ۇساق وسكىندەر باسىپ كەتكەن. قازىر بالا مۇرنىمەن دەمالا باستادى. العاشقى سوزدەرىن ايتا باستادى. ءبىر ايدىڭ ىشىندە داۋسى شىعادى دەپ ويلايمىز»، - دەدى ايگۇل مەدەۋلوۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات