+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

پاۆلوداردا العاش رەت ومارتاشىلار كۋرسى ءوتتى

11 جەلتوقسان 09:14
:ءبولىسۋ
پاۆلوداردا العاش رەت ومارتاشىلار كۋرسى ءوتتى

نۇر-سۇلتان. قازاقپارات - كۋرس وبلىس ورتالىعىندا ورنالاسقان قازاقستانداعى تۇڭعىش ومارتا شارۋاشىلىعى مۋزەيىندە ۇيىمداستىرىلدى، دەپ حابارلايدى pavlodarnews.kz.

«مەد پريرتىشيا» اۋىل شارۋاشىلىعى وندىرىستىك كووپەراتيۆىنىڭ ءتوراعاسى سەرگەي تروفيموۆتىڭ ايتۋىنشا، بيىل العاشقى بولىپ 20 ادام اۋەسقوي ومارتاشى سەرتيفيكاتتارىن الدى.

- ءبىز ولاردى جۇمىسپەن قامتۋ ورتالىعى ارقىلى وقىتتىق، - دەيدى سەرگەي تروفيموۆ.

- جاڭا جىلدان كەيىن ولار بيزنەس جوسپارلارىن جازىپ، ارا شارۋاشىلىعىن دامىتۋعا 250 مىڭنان 504 مىڭعا دەيىن سۋبسيديا الۋى ءتيىس. بۇل سوماعا ومارتاشىلىقپەن اينالىسۋعا كەرەك قۇرال-جابدىقتاردى ساتىپ الادى. وعان قوسا، ءبىلىم بەرۋ بولىمىمەن كەلىسسوز جۇرگىزىپ، قالا وقۋشىلارى ءۇشىن مۇراجاي بويىنشا ەكسكۋرسيا وتكىزۋدەمىز. ومارتا شارۋاشىلىعى - تابىستى كاسىپ كوزى دەپ ايتا الامىن. سول سەبەپتى وقۋشىلاردىڭ مەكتەپ كەزىنەن باستاپ وسىنداي اۋىل شارۋاشىلىعىنا قىزىققانىن قالايمىن.

«مەد پريرتىشيا» اشوك ايمانوۆ كوشەسى، 43 مەكەنجايى بويىنشا ورنالاسقان. مۇندا قازاقستاندا تەك الماتى مەن نۇر-سۇلتاندا عانا بار اپيتەراپيا، ياعني ارا شاعۋ ادىسىمەن ادامداردى ەمدەۋ كابينەتى جۇمىس جاسايدى. سونداي-اق وڭىرىمىزدەگى ومارتا شارۋاشىلىعىنىڭ تاريحىن باياندايتىن جادىگەرلەر مەن اقپارات كورسەتىلگەن مۋزەي جانە «مەدوۆايا اپتەكا» دۇكەنى ورنالاسقان.

- دۇكەندە جەرگىلىكتى ومارتاشىلاردىڭ شىعارعان بالى بار مۇز كامپيتتەر، بالدى الما، ۇياداعى بال جانە وزگە دە ونىمدەر بار، - دەيدى سپيكەر.

- سونىمەن قاتار، ءتۇرلى تەرىگە ارنالعان ءيىسمايلار ساتىلادى. قازىر حالىق تابيعي ءونىمدى جوعارى باعالايدى. سوندىقتان سۇرانىس كوپ.

جىلىنا 100 توننا بال وندىرىلەدى. قالادا جەرگىلىكتى بال ونىمدەرى ۇسىنىلعان ءۇش دۇڭگىرشەكتەرىمىز بار.

ايتا كەتەيىك، «مەد پرييرتىشيا» ا ش و ك جىلجىمالى پاۆيلونداردى ورناتۋ ءۇشىن جەر ۋچاسكەسىن جالعا الۋدى جوسپارلاپ وتىر.


باستى سوزدەر: قوعام, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات