توبەلەس كەزىندە اقتوبەلىكتەن ەكى تاپانشا تاركىلەندى

اقتوبە. قازاقپارات - اقتوبەدە توبەلەس بولىپ، 28 جاستاعى كۇدىكتىدەن 2 قارۋ تاركىلەندى، دەپ حابارلايدى قازاقپارات ءتىلشىسى.

«توبەلەس ورنىنا پاترۋلدىك پوليتسيا جاساعى بارىپ، 28 جاستاعى جىگىتتى ۇستادى. تەكسەرۋ كەزىندە ۇستالعان ازاماتتىڭ كۇرتەشەسىنەن «وسا» جانە پنيەۆماتيكالىق تاپانشا تابىلدى. ەكەۋىنىڭ دە وعى بار. وقيعا ورنىنا جەدەل تەرگەۋ توبى شاقىرتىلدى. ۇستالعان جىگىت پوليتسيا بولىمىنە جەتكىزىلدى»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

وسى وقيعا بويىنشا قىلمىستىق كودەكستىڭ «قارۋدى، وق-دارىلەردى, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بابى بويىنشا تەرگەۋ باستالدى. ساراپتاما تاعايىندالدى.

اۆتور: التىناي ساعىندىقوۆا