قازاقستان مەن رەسەي سەناتورلارى ءوزارا ءىس-قيمىلدىڭ باسىم باعىتتارىن انىقتادى
وتىرىسقا قاتىسۋشىلار ورتالىق ازيا ايماعىنداعى قازىرگى جاعدايدى، اتاپ ايتقاندا حالىقارالىق پارلامەنتتىك ۇيىمدارداعى جۇمىستى ۇيلەستىرۋدى، قازاقستان-رەسەي شەكاراسىنداعى وتكىزۋ بەكەتتەرىندەگى ينفراقۇرىلىمدى دامىتۋدى، جايىق وزەنىنىڭ ەكوجۇيەسىن ساقتاۋ ماسەلەلەرىن، سونداي-اق مادەني-گۋمانيتارلىق ءوزارا ءىس-قيمىلدى تالقىلادى.
كوميتەت ءتوراعاسى مۇحتار قۇل-مۇحاممەد ءوز سوزىندە ورتالىق ازيا مەملەكەتتەرىنىڭ باسشىلارى ايماقتىق ىنتىماقتاستىقتىڭ نەگىزگى باسىمدىقتارى مەن ءوزارا قارىم-قاتىناستىڭ بارلىق باعىتتارىنداعى ارىپتەستىكتى كەڭەيتۋ جوسپارلارىن بەلگىلەنگەنىن اتاپ ءوتتى. سەناتور ايماقتاعى كورشى ەلدەرمەن جان-جاقتى جانە ءوزارا ءتيىمدى بايلانىستاردى دامىتۋ قازاقستاننىڭ سىرتقى ساياساتىنىڭ باسىمدىعى بولىپ تابىلاتىنىن، تاياۋدا ەكى مەملەكەت باسشىلارى قاسىم-جومارت توقايەۆ پەن ۆلاديمير پۋتيننىڭ قاتىسۋىمەن ومبى قالاسىندا وتكەن فورۋمنىڭ قورىتىندىسى وعان دالەل ەكەنىن اتاپ ءوتتى.
كوميتەت باسشىسى سونداي-اق ورتالىق ازيا مەملەكەتتەرى ءوزارا قۇرمەت پەن سەنىم قاعيداتتارىنا نەگىزدەلگەن تىعىز تاتۋ كورشىلىك قارىم-قاتىناستارىن قالىپتاستىرۋعا ۇمتىلۋ مەن وڭىردەگى وزەكتى ماسەلەلەردى شەشۋدە بىرلەسكەن كۇش-جىگەردى ۇيلەستىرۋدى بەلگىلەگەنىن اتاپ ءوتتى.
بىرلەسكەن وتىرىسقا قازاقستان تاراپىنان سەناتورلار تولەۋبەك مۇقاشيەۆ، قايرات قوجامجاروۆ، تالعات مۇسابايەۆ، دانا نۇرجىگىتوۆا جانە نۇرجان نۇرسيپاتوۆ قاتىستى.