ستۋدەنتتەردىڭ شاكىرتاقىسىن وسىرۋگە قانشا قارجى بولىنەدى
وسى ورايدا اتالعان تاپسىرمانىڭ قالاي جۇزەگە اسىرىلاتىنى تۋرالى ق ر ءبىلىم جانە عىلىم ءمينيسترى اسحات ايتماعامبەتوۆ ايتىپ بەردى، دەپ حابارلايدى قازاقپارات ءتىلشىسى.
«ستۋدەنتتەردىڭ شاكىرتاقىسىن كوتەرۋگە رەسپۋبليكالىق بيۋدجەتتەن قوسىمشا قاراجات بولىنەدى. 1 -قاڭتاردان باستاپ باكالاۆريات، ماگيستراتۋرا جانە دوكتورانتۋرادا وقىپ جاتقان بارلىق ستۋدەنتتەردىڭ شاكىرتاقىسى %25 وسەدى. بۇل پرەزيدەنتتىڭ تاپسىرماسى جانە ول ءوز ۋاقىتىندا ورىندالادى. ەندى ول ءۇشىن قانشا قاراجات كەرەك دەگەن سۇراق تۋىندايدى. ءبىر جىلدى الىپ قاراساق، جوو ستۋدەنتتەرىنە 13 ميلليارد تەڭگە قارجى قاجەت.
ال وعان كوللەدج ستۋدەنتتەرىن قوسساق تاعى 5-6 ميلليارد تەڭگە كەرەك. ءيا، ناتيجەسىندە ايتارلىقتاي سوما، دەگەنمەن بۇل ماڭىزدى شەشىم. 2016 -جىلدان باستاپ ستۋدەنتتەردىڭ شاكىرتاقىسى كوتەرىلگەن، ولار بۇل جاڭالىقتى كوپ كۇتتى. ءبىزدىڭ ستۋدەنتتەر ءۇشىن بۇل ۇلكەن قولداۋ بولىپ تابىلادى»، - دەدى ا. ايماعامبەتوۆ مينيسترلىكتە وتكەن باسپا ءسوز ءماسليحاتىندا.
ءمينيستردىڭ مالىمدەۋىنشە، بارلىق ساناتقا جاتاتىن ستۋدەنتتەردىڭ شاكىرتاقىسى 25 پايىزعا وسەدى.
«شاكىرتاقى كولەمى بارلىق ستۋدەنتتەر ءۇشىن كوتەرىلەتىن بولادى. وزدەرىڭىز بىلەتىندەي، بىزدە جوعارى دارەجەلى شاكىرتاقى الاتىن ستۋدەنتتەر بار. ودان بولەك، مۇگەدەكتىگى بار، اسىراۋشىسىنان ايىرىلعان جاندار بار. ياعني 25 پايىز بارلىق ستۋدەنتتەرگە قاتىستى»، - دەدى ول.
ايتا كەتسەك، بۇگىن ەلوردادا وتكەن جاستار جىلىنىڭ جابىلۋ سالتاناتى مەن ۆولونتەر جىلىنىڭ رەسمي اشىلۋى سالتاناتىندا مەملەكەت باسشىسى قاسىم-جومارت توقايەۆ 2020 -جىلدىڭ 1 -قاڭتارىنان باستاپ ستۋدەنتتەردىڭ شاكىرتاقىسىن 25 پايىزعا كوتەرۋدى تاپسىردى.
اۆتور: ءالي يبرايەۆ