+7 (701) 759 90 19
-6 °С : نۇر-سۇلتان
-4 °С : الماتى
USD 377.29 EUR 418.41
RUB 6.09 CNY 54.66
جاڭالىقتار

بۇگىن - دۇنيەجۇزىلىك برونح دەمىكپەسىمەن كۇرەس كۇنى

11 جەلتوقسان 07:30
:ءبولىسۋ
بۇگىن - دۇنيەجۇزىلىك برونح دەمىكپەسىمەن كۇرەس كۇنى

نۇر-سۇلتان. قازاقپارات - جەر بەتىندەگى ەرەسەك تۇرعىنداردىڭ 5 پايىزى مەن بالالاردىڭ 10 پايىزى زارداپ شەگەتىن، كەڭ تارالعان سوزىلمالى اۋرۋلاردىڭ ءبىرى - برونح دەمىكپەسى، دەپ حابارلايدى قازاقپارات.

ق ر د س م قوعامدىق دەنساۋلىق ساقتاۋ ۇلتتىق ورتالىعى ينفەكتسيالىق ەمەس اۋرۋلاردىڭ الدىن الۋ دەپارتامەنتىنىڭ (بۇدان ءارى – ق د س ۇ و ي ە ا ا د) سكرينينگتىك باعدارلامالاردى مونيتورينگىلەۋ ءبولىمىنىڭ باس مامانى گۇلجان كونۋرشينا ايتۋىنشا، دۇنيەجۇزىلىك دەمىكپەگە قارسى كۇن العاش رەت 1988-جىلى اتاپ وتىلگەن.

وتكىزۋ ماقساتى - وسى اۋرۋ تۋرالى پاتسيەنتتەردىڭ، دارىگەرلەر مەن حالىقتىڭ اقپارات الۋىن ارتتىرۋ، برونح دەمىكپەسى بار پاتسيەنتتەردىڭ ماسەلەسىن شەشۋگە جانە ولارعا كورسەتىلەتىن مەديتسينالىق كومەك ساپاسىن جاقسارتۋعا قوعام نازارىن اۋدارتۋ.

«برونح دەمىكپەسى - بۇل قابىنۋ، ءىسىنۋ جانە قاقىرىق پايدا بولۋ سالدارىنان دۇرىس تىنىس الۋعا كەدەرگى كەلتىرەتىن، سونىڭ ناتيجەسىندە وكپەگە اپاراتىن تىنىس الۋ جولدارىن تارىلتاتىن كۇردەلى اۋرۋ بولىپ تابىلادى»، - دەدى ول.

گۇلجان كونۋرشينانىڭ ايتۋىنشا، ستاتيستيكالىق دەرەكتەرگە سايكەس 2018-جىلى قازاقستاندا برونح دەمىكپەسىنىڭ 105365 جاعدايى تىركەلگەن، ونىڭ ىشىندە 17766سى العاش انىقتالعاندار.

«ديسپانسەرلىك ەسەپتە 79668 ادام تۇرادى، ونىڭ ىشىنەن 17 جاسقا دەيىنگى برونح دەمىكپەسى بار بالالاردىڭ ۇلەسى 23,5 پايىزدى قۇرايدى»، - دەپ حابارلادى ول.

مامان دەرەكتەرى بويىنشا، اۋرۋ ادەتتە جاس كەزىنەن باستالادى. شامامەن بالالاردىڭ 50 پايىزى ونى دۇرىس ەمدەگەن جاعدايدا ەسەيگەن ۋاقىتىندا دەمىكپە اۋرۋىنان ارىلىپ جاتادى.

گۇلجان كونۋرشينا برونح دەمىكپەسى كەزىندە اسقىنۋلاردىڭ الدىن الۋ ءۇشىن كەلەسىدەي بەلگىلى قاعيدالاردى ۇستانۋعا كەڭەس بەرەدى:

دەمىكپە كەزىندە نە جەۋگە بولمايدى:

بالىق تاعامدارى، تەڭىز تاعامدارى، ۋىلدىرىق، مايلا ەت سۇرىپتارى (ءۇي قۇسى، شوشقا ەتى)، قاقتالعان تاعامدار، مايلى تاماقتار، جۇمىرتقا، بۇرشاقتار، داندەر، شوكولاد، بال، قىزاناقتار (تومات)، قىزاناقتان جاسالعان سوۋستار، اشىتقىدان جاسالاتىن تاماقتار، تسيترۋستار (اپەلسين، ليمون، ماندارين، پومەلو، گرەيپفرۋت)، قۇلپىناي، تاڭقۋراي، قاراقات، ورىك، شابدالى، قاۋىن، الكوگول.

نەنى قولدانۋدى شەكتەۋ قاجەت:

جوعارى سۇرىپتى ۇننان جاسالعان نان-توقاش ونىمدەرى، توقاشتار، قانت پەن تۇز، ءسۇت ونىمدەرى (ءسۇت، قايماق، سۇزبە).

دەمىكپە كەزىندە نە جەۋگە بولادى:

بوتقالار (مايمەن)، سورپالار (قاتتى مايلى ەمەس)، تاۋقى ەتى، مايلى ەمەس شۇجىقتار مەن سوسيسكالار (دوكتورسكي)، قارا ءبيداي نانى، كەبەكتەن جاسالعان نان، سۇلىدان نەمەسە گالەتتەن جاسالعان پەچەنە، كوكونىستەن جانە جەمىستەردەن جاسالعان سالاتتار، كومپوت، مينەرالدى سۋ، ءشاي، كوفە (قۇرامىندا كوفەين بولسا).

تاماق تانۋ رەجيمى - قاتتى تويماي، كۇنىنە 4-5 رەت. استى بۋدا پىسىرگەن ءجون، ءبىراق قايناتۋعا، بۇقتىرۋعا جانە قىزدىرىپ پىسىرۋگە دە بولادى. تەك جىلى كۇيىندە جەۋ قاجەت.

دەمىكپەنىڭ اسقىنۋلارى· پنيەۆموتوراكس (وكپەقاپ قۋىسىنا اۋانىڭ ءتۇسۋى)· ءجىتى تىنىس الۋ جەتكىلىكسىزدىگى · وكپەنىڭ ەمفيزەماتوزدى بۇزىلىسى برونح دەمىكپەسىنىڭ الدىن الۋ برونح دەمىكپەسى سوزىلمالى اۋرۋ ەكەندىگىنە قاراماستان، ونى تولىعىمەن باقىلاۋدا ۇستاۋعا بولادى.

دەمىكپەنى جاقسى باقىلاۋ سىزگە اۋرۋ بەلگىلەرىن جويىپ، اسقىنۋلاردىڭ پايدا بولۋ قاۋپىن تومەندەتىپ قانا قويماي، ءومىر ساپاسىن جاقسارتۋعا جانە قالاعان نارسەڭىزدى ىستەۋگە مۇمكىندىك بەرەدى.

اۋرۋدىڭ الدىن الۋ ءۇشىن ق د س ۇ و ي ە ا ا د ماماندارىنىڭ بەرەتىن كەڭەستەرى:

- ۇستامالاردى توقتاتۋ ءۇشىن وزىڭىزبەن بىرگە ۇنەمى ينگالياتوردى الىپ ءجۇرىڭىز،

- باستالىپ كەلە جاتقان ۇستاما بەلگىلەرىن ءبىلىپ، ونى توقتاتۋدى ۇيرەنىڭىز،

- اۋرۋ قوزدىراتىن فاكتورلاردان اۋلاق بولىڭىز،

- مىندەتتى تۇردە دارىگەردىڭ ەم بويىنشا بەرگەن كەڭەستەرىن ورىنداڭىز،

- جاعدايىڭىز جاقسى بولسا دا دارىگەرگە جىلىنا كەمىندە 2 رەت بارىڭىز،

- ۇيدە تازالىق ساقتاڭىز جانە كەز-كەلگەن اللەرگەندەردى جويىڭىز:

شاڭ-توزاڭ، جانۋارلاردىڭ ءجۇنى، اتاۋىز جانە ت. ب. - تەمەكى تۇتىنىنەن، گاز تۇتىنىنەن اۋلاق ءجۇرىڭىز. شىلىم شەگەتىن بولساڭىز، ونى تاستاڭىز.

- ۇستامالار جيىلىگىن قىسقارتۋ ءۇشىن بارلىق تاعايىندالعان پرەپاراتتاردى قابىلداڭىز.

- جۇرەك پەن وكپە جاعدايىن جاقسارتۋ ءۇشىن سپورتپەن شۇعىلدانىڭىز.

ءسوز سوڭىندا گۇلجان كونۋرشينا برونح دەمىكپەسىن ەمدەۋ كەزىندەگى بولجام وڭ ناتيجەلى بولاتىنىن، الايدا ول كوپ جاعدايدا اۋرۋدىڭ انىقتالعان ساتىسىنا، دياگنوستيكاعا، پاتسيەنتتىڭ دارىگەر بەرگەن بارلىق ۇيعارىمدارىن ورىنداۋىنا جانە اتالعان اۋرۋ ۇستاماسىن تۋدىراتىن فاكتورلاردى شەكتەۋگە بايلانىستى ەكەندىگىن اتاپ ءوتتى.

ءوزىڭىزدى كۇتىڭىز جانە اۋىرماڭىز!


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات