+7 (701) 759 90 19
-4 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

پەتروپاۆلدا تروپيكالىق جەمىس اعاشتارى مول ءونىم بەرىپ جاتىر

10 جەلتوقسان 21:33
:ءبولىسۋ
پەتروپاۆلدا تروپيكالىق جەمىس اعاشتارى مول ءونىم بەرىپ جاتىر

پەتروپاۆل. قازاقپارات - پەتروپاۆلدىڭ بوتانيكالىق باعىنداعى تروپيكالىق اعاشتار بيىل مول ءونىم بەرىپ جاتىر. كۋبالىق ليموننىڭ بىرەۋىنىڭ سالماعى 1 كەلىگە جەتەدى، دەپ حابارلايدى قازاقپارات ءتىلشىسى.

پەتروپاۆلداعى بوتانيكالىق باققا ليموننىڭ ەكى ءتۇپ اعاشىن باس اگرونوم راۆيل ريازاپوۆ سوناۋ كۋبادان اكەلگەن ەكەن. ول وزات وقۋشى رەتىندە 1960 -جىلى ماسكەۋدەگى حالىق شارۋاشىلىعى جەتىستىكتەرى كورمەسىنە قاتىسىپ، دەلەگاتسيا قۇرامىندا كۋباعا جولى تۇسەدى. جىلىنى سۇيەتىن وسىمدىكتى سول كەزدە كۋبانىڭ اۋىل شارۋاشىلىعى ءمينيسترىنىڭ قىزمەتىن اتقارعان راۋل كاسترو سىيلاعان ەكەن. سودان بەرى كۋبالىق ليمون العاش رەت مول جەمىس بەرىپ وتىر.

«بىرەۋىنىڭ سالماعى ورتا ەسەپپەن 800-900 گرامم. اراسىندا 1 كەلى 200 گرامم بولاتىندارى دا بار. ۇلكەن بولعانىمەن، ءبىز كورىپ جۇرگەن ليموندارعا ۇقسايدى. ءدامى دە سونداي قىشقىل» ، - دەيدى راۆيل ريازاپوۆ. ورانجەرەيانىڭ باس اگرونومى بيىل باناننىڭ دا جەمىس بەرگەنىن ايتادى. «پاتشانىڭ بانانى» دەپ اتالاتىن بۇل سورت ۆەتنامنان اكەلىنگەن. جەتى جىلدىڭ ىشىندە تروپيكالىق اعاشتىڭ بيىكتىگى 3 مەترگە دەيىن جەتىپتى. «جاڭا جىل قارساڭىندا باناننىڭ جەمىس بەرۋى بىزگە توسىن سىي بولدى.

اعاشتىڭ گۇلدەۋىن كوپتەن كۇتكەن ەدىك. بۇل ءبىز ساۋدا ورىندارىنان كورەتىن باناننان ەرەكشە. كىشكەنتاي جانە وتە ءدامدى كەلەدى» ، - دەيدى اگرونوم. بۇگىنگى كۇنى بوتانيكالىق باقتا 2 مىڭعا جۋىق سيرەك كەزدەسەتىن وسىمدىك بار.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات