+7 (701) 759 90 19
-9 °С : نۇر-سۇلتان
-6 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

ماسلوۋ پيراميداسى بويىنشا بيزنەستىڭ دامۋ ساتىلارى

10 جەلتوقسان 22:33
:ءبولىسۋ

نۇر-سۇلتان. قازاقپارات - ماسلوۋ پيراميداسى دەگەن ءسوزدى بۇرىن سوڭدى بىرنەشە رەت ەستىگەن بولارسىز.

ونىڭ ساتىلارىن ەسكە تۇسىرەيىك:

1. ەڭ تومەنگى ساتى قاجەتتىلىكتەردى قاناعاتتاندىرۋ، ياعني تاماق، كيىم، باسپانا.

2. ودان سوڭ قاۋىپسىزدىككە قول جەتكىزۋ قوسىلادى.

3. توپقا قوسىلىپ، سۇيىسپەنشىلىككە يە بولۋ.

4. قۇرمەتىڭىز ارتا ءتۇسۋ. 5

. تانىم ماڭىزى.

6. التىنشى دەڭگەي - ەستەتيكالىق قاجەتتىلىك.

7. ەڭ جوعارعى دەڭگەي - ءوزىڭىزدىڭ ماڭىزدى كەيپىڭىزدى تانىتۋ (سامواكتۋاليزاتسيا) . ەندى وسى پيراميدانى بيزنەستىڭ دامۋى كەڭىستىگىندە قاراستىرايىق.

ەڭ الدىمەن بيزنەس باستاۋعا شەشىم قابىلداعاندا ءوزىڭىزدى قاجەتتىلىگىڭىزدى قامتاماسىز ەتۋگە ۇمتىلاسىز. قارنىڭىز توق، كويلەگىڭىز كوك، جىلى، جايلى ءومىر سۇرگىڭىز كەلەدى. وسىلاي العاشقى جىلداردى قاجەتتى اقشا اينالىمى مەن قارجىلىق دەڭگەيدىڭ وسۋىنە ارنايسىز. ءوزىڭىز قالاعان جىلجيتىن جانە جىلجىمايتىن مۇلىككە قول جەتكىزدىڭىز. وسىمەن توقتاپ قالاسىز با؟ البەتتە كەلەسى ساتىعا وتەسىز. قاۋىپسىز جانە تۇراقتى تابىسقا ۇمتىلاسىز. بارلىعىن ايقىنداپ الۋىڭىز كەرەك. قانداي كۇن تۋسا دا تۇراقتى تابىس ءتۇسىپ تۇراتىنداي جاعداي جاساۋعا تىرىساسىز. بيزنەسىڭىزدى جانداندىراتىن ناقتى باعىتقا بەت الاسىز. تاعى ءبىراز ۋاقىتتان كەيىن بارلىعى جاقسى سەكىلدى كورىنگەنىمەن العا جىلجىماي ءبىر ورىندا تۇرىپ قالعانىڭىزدى سەزىنەسىز. ءسىز دامىماي تۇرعاندا باسەكەلەستەرىڭىز العا جىلجىپ بارادى، دەمەك كوشتەن قالىپ كەلەسىز. مۇندايدا الدىڭىزدا ەكى- اق جول تۇرادى. ءبىرى - وسى جەردەن توقتاۋ، ەكىنشىسى - ارى قاراي قادام باسۋ. مۇندايدا ەكىنشى جولدى تاڭداعاندار ادەتتە تۇتىنۋشىلارمەن تىعىز بايلانىس ورناتۋ ءۇشىن شارا ۇيىمداستىرۋ ىستەرىمەن اينالىسادى. مىنە، وسى كەزدە كوپشىلىكتىڭ ىقىلاسىنا بولەنىپ، ءۇشىنشى كەزەڭگە جەتەدى.

ارىپتەستەرىڭىز بەن تۇتىنۋشىلارىڭىز ىستىق ىقىلاس تانىتقاننان كەيىن باسەكەلەستەرىڭىز دە ءسىزدى مويىنداۋىنا جۇمىس ىستەيسىز. مىسالى ءوز باعىتىڭىز بويىنشا ماقالا جازىپ، بلوگ جۇرگىزىپ، اۋديتوريا جيناپ، تەلەديدارعا شىعىپ، اتىڭىزدى شىعارا تۇسۋگە تالپىناسىز. قاراپايىم حالىق باسقا ەمەس، ءسىزدىڭ عانا تاۋارلارىڭىزدى تۇتىنعىسى كەلەدى. ودان ارتىق نە كەرەك دەپ ويلاۋىڭىز مۇمكىن. الايدا بيزنەس دامۋى مۇنىمەن شەكتەلمەيدى. ودان ارى دامىعان ۇستىنە دامي ءتۇسۋ كەرەك. ءبىلىمىڭىزدى جەتىلدىرىپ، تۇلعالىق دامۋعا كىرىسەسىز. بۇل العا جىلجۋدىڭ ەڭ ءتيىمدى، ەڭ دۇرىس جولى. تۇلعالىق قاسيەتىڭىزدى جان- جاقتى دامىتا كەلە تەك ءبىلىم مەن جاڭاشىلدىق ەمەس، سۇلۋلىق تا ماڭىزدى ەكەنىن تۇسىنەسىز. ءار ىستەن، ءار ونىمنەن، تۇتىنۋشىلارعا قىزمەت كورسەتۋدەن، سەرىكتەستەرمەن قارىم- قاتىناس قۇرۋدان ادەمىلىك ىزدەيسىز. بارلىعى ساۋاتتى جۇرگىزىلگەنىن قالايسىز. كەزىندە تەك ءبىر تيىندى قالاي ەكى تيىن قىلامىن دەپ جۇگىرۋمەن ءجۇرىپ، باسقاعا مۇرشاڭىز بولماعانىنا كوزىڭىز جەتەدى. ال ەندى بارلىعىن ادەمى ەتەتىن ۋاقىت جەتتى.

ءومىرىڭىز دە، بيزنەسىڭىز دە جاڭا، اشىق رەڭدەرمەن تولىعادى. وسىلاي ەڭ ماڭىزدى ءوز باعاڭىزدى ارتتىرۋ (سامواكتۋاليزاتسيا) دەڭگەيىنە جەتەسىز. بار تاجىريبەڭىز، جاراتىلىسىڭىز نەگە ارنالعانىن، بۇل ومىرگە نە ءۇشىن كەلگەنىڭىزدى باعامدايسىز. ءوز بويىڭىزدا جاقسى قاسيەتتىڭ بارلىعىن ارتتىرۋعا بيزنەسىڭىز سەبەپ بولعانىن كورىپ، كوڭىلىڭىز تويادى. اتقارعان ىستەرىڭىز ءسىزدىڭ ايناڭىزعا اينالادى. بيزنەسىڭىز سىزگە تابىس قانا اكەلىپ قويماي، قۋانىش، باقىت سىيلايدى.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات