قازاقستاننىڭ ەلشىسى پورتۋگاليا پرەزيدەنتىنە سەنىم گراموتالارىن تاپسىردى

None
None
ليساببون. قازاقپارات - قازاقستان رەسپۋبليكاسىنىڭ پورتۋگاليا رەسپۋبليكاسىنداعى ەلشىسى داۋلەت باتىراشيەۆتىڭ پورتۋگاليا پرەزيدەنتى مارسەلۋ رەبەلۋ دە سوزاعا سەنىم گراموتالارىن تاپسىرۋ ءراسىمى ءوتتى،

 دەپ حابارلايدى قازاقپارات سىرتقى ساياسات ۆەدوموستۆوسىنىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا قازاقستان ەلشىسى قازاقستاننىڭ پرەزيدەنتى قاسىم- جومارت توقايەۆتىڭ ىزگى تىلەكتەرىن پورتۋگاليا پرەزيدەنتىنە جەتكىزدى. د. باتىراشيەۆ ءوزارا ارەكەتتەستىكتىڭ بارلىق باعىتتارى بويىنشا ىنتىماقتاستىقتى ودان ءارى دامىتۋعا كۇش سالۋعا دەگەن باسشىلىعىمىزدىڭ قىزىعۋشىلىعىن راستادى.

وسى ورايدا، اعىمداعى جىلى ەلىمىزدىڭ پورتۋگالياداعى ەلشىلىگىنىڭ اشىلعاندىعىن اتاپ ءوتتى. قازاقستاندىق ديپلومات پرەزيدەنت ق. توقايەۆ العا قويعان نەگىزگى ماقساتتارى مەن مىندەتتەرى تۋرالى، ەكونوميكانى ءارتاراپتاندىرۋ، ترانزيتتىك- كولىكتىك الەۋەتتى ىلگەرىلەتۋ، ساياسي جانە الەۋمەتتىك- ەكونوميكالىق سالالاردى مودەرنيزاتسيالاۋ جونىندەگى شارالارى تۋرالى حاباردار ەتتى. تاراپتار ەكى ەل اراسىنداعى قاتىناستاردىڭ دوستىق جانە سىندارلى سيپاتىن اتاپ ءوتتى. ساۋدا- ەكونوميكالىق جانە ينۆەستيتسيالىق سەرىكتەستىكتى كەڭەيتۋگە، سونداي- اق كوپجاقتى سالاداعى ىنتىماقتاستىقتى تەرەڭدەتۋگە ءوزارا قىزىعۋشىلىعى ءبىلدىرىلدى.

 ءوز كەزەگىندە، م. رەبەلۋ دە سوزا قازاقستاندى اۋقىمدى ساياسي جانە ەكونوميكالىق جەتىستىكتەرىمەن قۇتتىقتاپ، ليسسابوننىڭ قازاقستانمەن ىنتىماقتاستىقتى جان- جاقتى دامىتۋعا دايىندىعىن ءبىلدىردى. ول قازاقستاندىق- پورتۋگال قاتىناستارىن ساپالى جاڭا دەڭگەيگە كوتەرۋدىڭ العىشارتتارىنىڭ بار ەكەنىن ايتىپ، وسىعان بايلانىستى، ەكىجاقتى بايلانىستاردى تەرەڭدەتۋ ءۇشىن ودان ءارى تىعىز ءوزارا ارەكەتتەستىكتىڭ قاجەتتىگىن اتاپ ءوتتى. كەزدەسۋ سوڭىندا م. رەبەلۋ دە سوزا قازاقستاننىڭ ەلشىسىن قىزمەتكە كىرىسۋىمەن قۇتتىقتاپ، الداعى جۇمىسىنا ساتتىلىك تىلەدى.

سوڭعى جاڭالىقتار