شىمكەنتتە «كوك تۋدىڭ جەلبىرەگەنى» اتتى پاتريوتتىق جيىن ءوتتى
جيىندا ۇيىم بىرلەستىگىنىڭ ءتوراعاسى بەرىك بەكجانوۆ قالا تۇرعىندارىن تاۋەلسىزدىك مەرەكەسىمەن قۇتتىقتادى، جىلى لەبىزىن ءبىلدىرىپ ءوتتى. كوك بايراعىمىزدى قاستەرلەپ، ارداق تۇتۋعا شاقىردى. سونداي- اق، اعىمداعى جىلدىڭ شىلدە ايىندا الەۋمەتتىك جەلىلەردە باستاۋ العان اكسياعا بەلسەندى اتسالىسقان پاتريوت ازاماتتارعا ارنايى ديپلوم مەن توسبەلگىلەرىن تابىس ەتتى. ماراپاتتالعانداردىڭ قاتارىندا ءال- فارابي اۋدانىنىڭ اكىمى عابيت ماۋلەنقۇلوۆ پەن بەينەلەۋ ونەرى مۇراجايىنىڭ ديرەكتورى اينابەك وسپانوۆ، اقىن داۋرەن ايمانبەت پەن «شىمكەنت كەلبەتى» جانە «پانوراما شىمكەنتا» گازەتتەرىنىڭ تىلشىلەرى قايرات كاريبايەۆ، اقمارال مولديار قىزى بار.
مەملەكەتتىك رامىزدەرىمىزدى قۇرمەتتەۋگە شاقىرعان ءىس- شارا فيلارمونيا ونەرپازدارىنىڭ كونتسەرتىمەن جالعاستى. ايتا كەتەيىك، «كوك تۋدىڭ جەلبىرەگەنى ەستافەتاسى» پاتريوتتىق اكسياسىندا ءبىلىم، دەنساۋلىق، مادەنيەت سالالارىنىڭ قىزمەتكەرلەرى بەلسەندىلىك تانىتقان بولاتىن.
