قاسىم- جومارت توقايەۆ ءبىرقاتار مەملەكەتتىڭ ەلشىلەرىنەن سەنىم گراموتالارىن قابىلدادى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ءبىرقاتار مەملەكەتتىڭ ەلشىلەرىنەن سەنىم گراموتالارىن قابىلدادى، دەپ حابارلايدى قازاقپارات اقورداعا سىلتەمە جاساپ.

«اقوردا» رەزيدەنتسياسىندا وتكەن سالتاناتتى راسىمدە مەملەكەت باسشىسىنا اۋستراليا ەلشىسى گرەيم ميحان، كيپر ەلشىسى اندرەاس زينونوس، كونگو ەلشىسى داۆيد مادۋكا، ميانما ەلشىسى كو كو شەين سەنىم گراموتالارىن تاپسىردى.

قازاقستان پرەزيدەنتى شەتەلدىك ديپلوماتتاردى قىزمەتتەرىنە رەسمي كىرىسۋىمەن قۇتتىقتاپ، مەملەكەتتەر اراسىنداعى دوستىق قاتىناستاردى ودان ءارى دامىتۋعا دايىن ەكەنىن جەتكىزدى. قاسىم- جومارت توقايەۆ ەلشىلەردىڭ يگىلىكتى ميسسياسىنا تابىس تىلەپ، ولاردىڭ مەملەكەت باسشىلارى مەن ۇكىمەتتەرىنە ءوزىنىڭ سالەمىن جولدادى.