+7 (701) 759 90 19
-3 °С : نۇر-سۇلتان
7 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

جول اپاتىندا ادام ءولىمىن قالاي ازايتۋعا بولادى - وڭتۇستىك كورەيا تاجىريبەسى

10 جەلتوقسان 14:10
:ءبولىسۋ
جول اپاتىندا ادام ءولىمىن قالاي ازايتۋعا بولادى - وڭتۇستىك كورەيا تاجىريبەسى

نۇر-سۇلتان. قازاقپارات - قازاقستاندىق جول جوندەۋگە جاۋاپتى ماماندار جول-كولىك وقيعاسى كەزىندە ادام ءولىمىنىڭ الدىن الۋ بويىنشا كورەيا تاجىريبەسىمەن تانىستى، دەپ حابارلايدى قازاقپارات ءتىلشىسى.

«جول اكتيۆتەرىنىڭ ساپاسى ۇلتتىق ورتالىعى» ش ج ق ر م ك باس ديرەكتورى زامير ساعىنوۆ وڭتۇستىك كورەيادا بولىپ، جول قوزعالىسى قاۋىپسىزدىگى سالاسىنداى كورەيا تاجىريبەسىمەن تانىسىپ قايتتى.

«بۇل مەملەكەت وسى سالاعا ۇلكەن كوڭىل بولەدى ەكەن. سونىڭ ناتيجەسىندە جول-كولىك وقيعاسى كەزىندە مەرت بولاتىندار سانى ازايىپ كەلەدى. مىسالى، 1991 -جىلى جول-كولىك وقيعاسىنان ەڭ كوپ ادام - 13429 ادام قازا تاپقان بولسا، 2004 -جىلى بۇل كورسەتكىش ەكى ەسە ازايعان – 6563، ال 2018 -جىلى - 3781 ادامدى قۇراعان. قازا تاپقاندار سانى 100 مىڭ تۇرعىنعا شاققاندا 7 ادامنان كەلەدى. قازاقستاندا دا بۇل كورسەتكىش ازايىپ كەلەدى، 2018 -جىلدىڭ قورىتىندىسى بويىنشا - 100 مىڭ ادامعا 11,5 ءولىم بولدى. ەكونوميكالىق ىنتىماقتاستىق جانە دامۋ ۇيىمى (ە ى د ۇ) ەلدەرىندە 5,5»، - دەدى زامير ساعىنوۆ قازاقپارات تىلشىسىنە.

ونىڭ ايتۋىنشا، بۇگىنگى تاڭدا جول-كولىك وقيعاسى كەزىندەگى قۇرباندار ماسەلەسى الەمدە ەڭ وزەكتى پروبلەمالاردىڭ ءبىرى بولىپ وتىر. ستاتيستيكا بويىنشا، جىلىنا 1 ميلليون 350 مىڭ ادام جول اپاتىنان قازا تابۋدا.

«جالپى بەس جاستان 29 جاسقا دەيىنگى ادامداردىڭ قازا تابۋنىڭ نەگىزگى سەبەبى - جول- كولىك وقيعاسى. دۇنيەجۇزىلىك بانك قازىر نەگىزگى ستراتەگيالىق باعىت رەتىندە جول- كولىك وقيعاسىمەن كۇرەستى تاڭداپ وتىر جانە وسى باعىتتا جۇمىس ىستەيتىن بولادى»، - دەدى زامير ساعىنوۆ.

ساراپشىنىڭ ايتۋىنشا، جالپى ءبىزدىڭ ەلدەر اراسىندا جولداردىڭ ايتارلىقتاي ايىرماشىلىعى جوق. ولار دا بەتون جانە اسفالت-بەتون جولداردى سالادى، قيىرشىق تاستاردى قولدانادى ەكەن. جول دەڭگەيى بىزدەگىدەي، جولدىڭ ەنى دە بىردەي.

«وڭتۇستىك كورەيا بيلىگى قالالاردا قاۋىپتى ايماقتاردى كورسەتۋ ءۇشىن جول جابىنىنا ءتۇرلى بوياعىشتار مەن قوسپالار قوسادى. مىسالى، قىزىل ءتۇس جىلدامدىقتى ازايتۋدى بىلدىرسە، سارى ءتۇس - ەسكەرتەدى. قاۋىپسىزدىك ماقساتىندا جولداردا قيسىق سىزىقتى برۋس كەڭىنەن قولدانىلادى. كورەيا تاجىريبەسى كورسەتىپ وتىرعانداي، كولىكتەر جىلدامدىقتى %10 عا تومەندەتسە، قازا تاپقاندار سانى %50 ازايادى. بىزدە جىلدامدىق رەجيمى وتە جوعارى، كورەيادا تاسجولدارداعى ەڭ جوعارى جىلدامدىق ساعاتىنا 100 شاقىرىم. ەلدى مەكەندەردە ساعاتىنا 60 شاقىرىم بولسا، مەكتەپتەردىڭ ماڭىندا 30 ك م/ساعات»، - دەدى زامير ساعىنوۆ.

اۆتور: سەرىك سابەكوۆ


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات