توقايەۆ جاستارعا: ابايدىڭ «پايدا ويلاما، ار ويلا» دەيتىن وسيەتىن ۇنەمى ەستە ۇستاۋ كەرەك

نۇر-سۇلتان. قازاقپارات - ۇلى ابايدىڭ «پايدا ويلاما، ار ويلا. تالاپ قىل ارتىق بىلۋگە» دەيتىن وسيەتىن ۇنەمى ەستە ۇستاۋ كەرەك.

بۇل تۋرالى بۇگىن جاستار جىلىنىڭ جابىلۋ جانە ۆولەنتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«ۇرپاعىن ايالاي بىلگەن حالىق ىرگەلى جۇرتقا اينالاتىندىعى بەلگىلى. ءبىز حالقىمىزدى الەمگە تانىتقان ەڭ اسىل قاسيەتتەردى سىزدەردىڭ بويلارىڭىزدان كورگىمىز كەلەدى. ۇلى ابايدىڭ «پايدا ويلاما، ار ويلا. تالاپ قىل ارتىق بىلۋگە» دەيتىن وسيەتىن ۇنەمى ەستە ۇستاۋ كەرەك»، - دەدى قاسىم-جومارت توقايەۆ.

مەملەكەت باسشىسى جاستار جىلىندا وسكەلەڭ ۇرپاقتى قولداۋ ءۇشىن كوپتەگەن جۇمىس اتقارىلعانىن ايتتى.

«وسى ماڭىزدى جىل اياسىنداعى جوبالاردى ىسكە اسىرۋ كەزىندە داڭعازالىقتان باس تارتىپ، ناقتى ىسپەن اينالىستىق. مەملەكەتتىك ورگاندار بىرنەشە ماڭىزدى باعىت بويىنشا جۇمىس جۇرگىزدى»، - دەدى ق ر پرەزيدەنتى.