اليك شپەكبايەۆ: قازاقستاندىقتاردىڭ جارتىسىنان كوبى جەمقورلىق ازايعانىن اتاپ وتكەن

نۇر-سۇلتان. قازاقپارات - قازاقستاندىقتاردىڭ جارتىسىنان كوبى پاراقورلىق دەڭگەيىنىڭ تومەندەگەنىن اتاپ وتكەن.

بۇل تۋرالى ەلوردادا وتكەن V جىل سايىنعى سىبايلاس جەمقورلىققا قارسى كونفەرەنتسيادا ايتىلدى، دەپ حابارلايدى قازاقپارات ءتىلشىسى.

«ەلىمىزدە جەمقورلىققا قارسى رەفورمالار بويىنشا جۇيەلى جۇمىستار جۇرگىزىلىپ جاتىر. ساراپشىلار قازاقستانداعى جەمقورلىق جاعدايىنا قاتىستى ساراپتاما جۇرگىزدى. ەلىمىزدەگى ازاماتتاردىڭ جارتىسىنان كوبى سوڭعى جىلدارى جەمقورلىق دەڭگەيى تومەندەگەنىن ايتقان. ال ساۋالناماعا قاتىسقان 76 دان استام كاسىپكەر قازاقستاندا كاسىبىڭدى تەك زاڭ اياسىندا دامىتۋعا بولاتىنىن ايتقان»، - دەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسشىسى اليك شپەكبايەۆ.

ونىڭ ايتۋىنشا، دۇنيەجۇزىلىك بانك الەمدەگى 214 ەلدىڭ مەملەكەتتىك باسقارۋ ينديكاتورى اياسىندا «جەمقورلىقتى باقىلاۋ» كورسەتكىشىن ەگجەي-تەگجەيلى زەرتتەيدى.

«سوڭعى مالىمەتتەرگە سايكەس، قازاقستان ت م د ەلدەرىن باسىپ وزىپ، اتالمىش ينديكاتور بويىنشا ءوزىنىڭ ەڭ جاقسى ناتيجەسىن كورسەتتى. از نارسە ىستەلگەن جوق. ءبىراق ءبىز مۇنىمەن توقتاپ قالمايمىز. بۇل كونفەرەنتسيا جەمقورلىقتىڭ الدىن الۋ دەڭگەيى مەن ساپاسىنا تىكەلەي قاتىستى ماسەلەلەرگە ارنالعان»، - دەيدى ول.