+7 (701) 759 90 19
7 °С : نۇر-سۇلتان
21 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

پاريجدەگى پۋتين مەن زەلەنسكييدىڭ كەزدەسۋى نەمەن اياقتالدى

10 جەلتوقسان 13:42
:ءبولىسۋ
پاريجدەگى پۋتين مەن زەلەنسكييدىڭ كەزدەسۋى نەمەن اياقتالدى

نۇر-سۇلتان. قازاقپارات - فرانسيا استاناسىندا ءۇش جىلدان بەرى العاش رەت ءوتىپ وتىرعان «نورمان تورتتىگى» كەزدەسۋىندە كوشباسشىلاردىڭ قانداي كەلىسىمگە كەلگەنى بەلگىلى بولدى.

گەرمانيا، رەسەي، ۋكراينا جانە فرانسيا باسشىلارى كەزدەسۋ قورىتىندىسىن رەسمي مالىمدەدى دەپ جازادى ر ي ا نوۆوستي باسىلىمى.

مالىمدەمەنىڭ 3 تارماقتان تۇراتىنى ايتىلدى: «قاقتىعىس ايماعىنداعى جاعدايدى تۇراقتاندىرۋ جونىندەگى شۇعىل شارالار»، «مينسك كەلىسىمىنىڭ ساياسي ەرەجەلەرىن ىسكە اسىرۋ جونىندەگى شارالار» جانە «جالعاستىرۋ».

وسى قۇجاتقا سايكەس دونباسس تۋرالى مينسك كەلىسىمدەرى جۇمىس ءۇشىن نەگىز بولادى. «نورمان تورتتىگى» پروبلەمالى ايماقتىڭ ەرەكشە مارتەبەسى تۋرالى كەلىسۋگە مۇددەلى.

ودان بولەك، تاراپتار كۇشتەردى كەلەسى جىلدىڭ ناۋرىز ايىنىڭ اياعىندا 3 جاڭا پۋنكتتە ءبولۋدى قاراستىردى. سونداي-اق جاڭا وتكىزۋ پۋنكتتەرى ءۇش كۇن ىشىندە اشىلۋى كەرەك.

Фото: Facebook.com/president.gov.ua

«تورتتىك» قاتىسۋشىلارى 2019-جىلدىڭ سوڭىنا دەيىن بايلانىس توبىنا «بارلىعى ءۇشىن» الماسۋدى اياقتاۋعا شاقىرعانى ايتىلدى. اڭگىمە دونباسستاعى قاقتىعىسۋشى تاراپتار ۇستاپ وتىرعان ادامدار جايلى بولعان.

سونداي-اق، بايلانىس توبى ۇستاپ وتىرعان ادامداردىڭ بارىنە « قىزىل كرەستىڭ» قولجەتىمدى بولۋىن قامتاماسىز ەتۋى كەرەك.

فرانسيا پرەزيدەنتى ەممانۋەل ماكرون «تورتتىك» كەلەسى جولى ءتورت ايدان كەيىن كەزدەسەدى دەپ ۋادە بەردى.

بولجام بويىنشا، كەلەسى كەزدەسۋدىڭ تاقىرىبى دونباسستاعى سايلاۋدى ۇيىمداستىرۋ بولماق.

رەسەيلىك كوشباسشى كەزدەسۋگە «وتە پايدالى» دەپ باعا بەرگەن. سونداي-اق، ۆلاديمير پۋتين سامميتكە قاتىسقان ارىپتەستەرىنە العىس بىلدىرگەن.

ول ەرەكشە العىس ءسوزىن فرانسيا پرەزيدەنتى مەن گەرمانيا فەدەراتيۆتى رەسپۋبليكاسىنىڭ كانتسلەرىنە بىلدىرگەن.

سونىمەن بىرگە، پۋتين كەزدەسۋ قورىتىندىسى بويىنشا مينسك كەلىسىمىنىڭ ناتيجەسىز ەكەنى انىق بولعانىن اتاپ وتكەن.

سونداي-اق، رەسەي فەدەراتسياسى پرەزيدەنتىنىڭ پىكىرىنشە، قورىتىندى قۇجات سوعىسۋشى تاراپتار اراسىندا ديالوگ ورناتۋدىڭ ەرەكشە ماڭىزدىلىعىن انىقتايدى. پۋتين قاقتىعىستى شەشۋ ءۇشىن ماسكەۋدىڭ بار كۇشىن سالاتىنىنا ۋادە بەردى.

سونداي-اق، ۆلاديمير ۆلاديميروۆيچ جاعدايدى رەتتەۋ ماسەلەسىندە «جىلۋلىق» پايدا بولعانىن اتاپ ءوتتى. ول «نورمان تورتتىگىندە» جاسالعان كەلىسىم دۇرىس باعىتقا جۇرۋگە نەگىز بولادى دەپ ەسەپتەيدى.

پۋتين جەتكەن ناتيجەلەر تۋرالى ەسكە سالدى.

ۆلاديمير ۆلاديميروۆيچ وسى قاقتىعىس ايماعىندا ءومىر سۇرەتىن جاندارعا ەرەكشە نازار اۋداردى. ونىڭ سوزىنشە، فرانسيا، رەسەي، گەرمانيا جانە ۋكراينا باسشىلارىنىڭ كەزدەسۋىندە ايتىلعان سوزدەر وسى ادامداردىڭ ءومىرىن جاقسارتۋى كەرەك. ر ف پرەزيدەنتىنىڭ سوزىنشە، ونى ءدال قازىر جاساۋ كەرەك.

ال ۆلاديمير زەلەنسكي ءوز كەزەگىندە «تورتتىك» باسشىلارىنىڭ كەزدەسۋى بارىسىندا جاسالعان كەلىسىمدى ورىنداۋعا كيەۆتىڭ دايىن ەكەنىن مالىمدەدى. ۋكراينا پرەزيدەنتى بۇل «ەكى جاقتى قوزعالىستاعى جول» دەپ اتاپ ءوتتى.

ۋكراينالىق كوشباسشىنىڭ سوزىنشە، تەك ناقتى ارەكەتتەر بارلىعىنىڭ بەيبىتشىلىكتى قامتاماسىز ەتۋگە دايىن ەكەندىگىن راستايدى.

سونداي-اق زەلەنسكي ءالى دە شەشىلمەگەن ماسەلەلەر قالعانىن ايتا كەتتى. ۋكراينا پرەزيدەنتى ونى بولاشاقتا شەشۋگە بولاتىنىنا سەنىمدى.

ول ۋكراينانى فەدەراليزاتسيالاۋعا كەلىسپەيتىندىگىنە ەرەكشە نازار اۋداردى. زەلەنسكي كونستيتۋتسياعا سايكەس، ۋكراينانىڭ ۋنيتارلى مەملەكەت ەكەنىن، بۇل پرينتسيپتىڭ وزگەرمەيتىنىن اتاپ ءوتتى.

سونىمەنءقاتار، ول دونباسستا وتكىزۋگە نيەتتەلگەن سايلاۋعا دا ءوز پىكىرىن ايتتى. زەلەنسكيدىڭ سوزىنشە، سايلاۋ ۋكراينا زاڭنامالارى مەن ە ق ى ۇ ستاندارتتارىنا ساي وتكىزىلۋ ءتيىس.

ودان بولەك، زەلەنسكي ءبىتىم جاساۋ ەرەجەلەرىن قالاي باقىلاۋعا بولاتىنىن ازىرگە تۇسىنبەگەنىن ايتتى. ول بۇعان دەيىن كەلىسسوزدەردىڭ ءۇزىلىپ قالعانىن اتاپ ءوتتى.

«تورتتىك» كوشباسشىلارىن قابىلداعان فرانسۋز پرەزيدەنتىنىڭ ايتۋىنشا، دونباستاعى جاعدايدى رەتتەۋ بۇكىل ەۋروپا كونتينەنتىندەگى تۇراقتىلىققا ۇلكەن اسەر ەتەدى.

سونىمەن قاتار، كەزدەسۋ قاتىسۋشىلارى «شتاينمايەر فورمۋلاسىن ۇستانۋعا ۋاعدالاستى. بۇعان ەرەكشە نازاردى نەمىس كانتسلەرى انگەلا مەركەل اۋداردى. ونىڭ ايتۋىنشا، بۇل جاعدايدا «مينسك كەلىسىمدەرىن تولىقتىرۋ» تۋرالى ءسوز بولىپ وتىر.

مەركەلدىڭ سوزىنشە، اڭگىمە سايلاۋ كەزىندە دونباسسقا ەرەكشە مارتەبە بەرۋ مەن ولاردى باعالاۋ تۋرالى بولماق. وسىدان كەيىن تۇراقتى تۇردە مۇنداي مارتەبەنى ەنگىزۋ تۋرالى ايتۋعا بولادى.

ايتا كەتسەك، «نورمان تورتتىگى» بىرنەشە جىلدان كەيىن العاش رەت كەزدەسىپ وتىر. سامميت اياسىندا رەسەي مەن ۋكراينا باسشىلارى جەكە تانىستى. كەزدەسۋ ابىرجىپ باستالدى. زەلەنسكي ورتاق ۇستەلدەگى رەسەيلىك كوشباسشىنىڭ ورنىنا وتىرا جازداعان.

nur.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات