ق ر پرەزيدەنتى جاستار جىلىنىڭ جابىلۋ جانە ۆولونتەر جىلىنىڭ اشىلۋ سالتاناتىنا قاتىسۋدا

None
None
نۇر-سۇلتان. قازاقپارات - ەلوردادا مەملەكەت باسشىسى قاسىم-جومارت توقايەۆتىڭ قاتىسۋىمەن جاستار جىلىنىڭ جابىلۋ جانە ۆولونتەر جىلىنىڭ اشىلۋ سالتاناتى باستالدى، دەپ حابارلايدى قازاقپارات ءتىلشىسى.

شاراعا قازاقستاننىڭ بارلىق ايماقتارىنان 500 گە جۋىق جاس كەلگەن. سالتاناتتى ءراسىم «ArtHUB» شىعارماشىلىق باستامالاردى قولداۋ ورتالىعى قۇرىلاتىن پاۆيلوندا ءوتىپ جاتىر.

پاۆيلوننىڭ جالپى اۋدانى 2,5 مىڭ شارشى مەتردى قۇرايدى. «ArtHUB» جاستار جاساعان art-ينستالياتسيالارمەن LOFT فورماتىندا جاساقتالعان جانە تاقىرىپتار بويىنشا ايماقتارعا بولىنگەن.

ايتا كەتەيىك، 2019-جىل قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ باستاماسىمەن جاستار جىلى دەپ جاريالاپ، ۇكىمەت ونى جۇزەگە اسىرۋدىڭ جول كارتاسىن قابىلداعان ەدى.

جول كارتاسىندا جاستاردى قول جەتىمدى باسپانامەن قامتاماسىز ەتۋ، ءبىلىم الۋ، جۇمىسپەن قامتۋ، بيزنەستى دامىتۋ، جاس وتباسىن قولداۋ سىندى شارالار قاراستىرىلعان.

2019-جىلى 3 مىڭ جاس قازاقستاننىڭ ءۇش ءىرى قالاسىندا، نۇر-سۇلتاندا - 1050 پاتەر، الماتىدا - 1050 پاتەر، شىمكەنتتە 900 جالدامالى تۇرعىن ءۇي الدى.

3 مىڭنان استام جاس مامانعا 13,5 ميلليارد تەڭگەگە تۇرعىن ۇيگە بيۋجەتتىك نەسيە بەرىلدى.

«ديپلوممەن اۋىلعا» جوباسىنىڭ قاتىسۋشىلارىنا 1500 ا ە ك- تەن اسپايتىن مولشەردە (3787500 تەڭگە) بيۋجەتتىك نەسيە بەرۋ قاراستىرىلعان. سونىمەن قاتار بيىل«جاس كاسىپكەر» جانە «جاس مامان» جوبالارىن قامتيتىن «جاستار ەل-تىرەگى» جوباسىن جۇزەگە اسىرۋ باستالدى.

اتالعان جوبالار «ەڭبەك» مەملەكەتتىك باعدارلاماسى اياسىندا جۇزەگە اسىرىلۋدا.

مەملەكەتتىك قولداۋ شارالارىمەن 209 مىڭنان استام جاستار قامتىلدى. ولاردىڭ 172 مىڭى جۇمىسقا ورنالاستىرىلدى.

«جاس كاسىپكەر» جوباسى اياسىندا 20 مىڭ جاس مامان وقىتىلدى. 2019-جىلى 9,5 مىڭ جاس جاڭا بيزنەس يدەيالاردى جۇزەگە اسىرۋعا گرانت الدى. جىل سايىن 10 مىڭ جاس گرانتقا يە بولادى. 2,5 مىڭ جاس كاسىپكەرگە ءوز ءىسىن دامىتۋ ءۇشىن شاعىن نەسيە بەرىلدى. ءۇش جىلدىڭ ىشىندە 15 مىڭ ادامعا شاعىن نەسيە بەرىلەتىن بولادى.

«جاسىل ەل» جوباسى اياسىندا 20 مىڭنان استام ادام جۇمىسپەن قامتىلدى. بيىل 33 مىڭعا جۋىق جاس جاستار پراكتيكاسىنا جىبەرىلدى. جاستار جىلىندا ق ر ءبىلىم جانە عىلىم مينيسترلىگى 53755 گرانت ءبولدى.

بۇل ۇ ب ت تاپسىرۋعا ءوتىنىش بىلدىرگەن ءاربىر ەكىنشى ۇمىتكەرگە ج و و- عا تۇسۋگە مۇمكىندىك بەردى. عىلىمي الەۋەتتى دامىتۋ ماقساتىندا ءبىلىم جانە عىلىم مينيسترلىگىندەگى ۇلتتىق عىلىمي كەڭەس ارقىلى جاس عالىمداردىڭ ىرگەلى جانە قولدانبالى زەرتتەۋلەرىن گرانتتىق قارجىلاندىرۋعا 3 ميلليارد تەڭگە ءبولىندى.

2019-جىلى جاستاردى قولداۋعا باعىتتالعان 2,8 ميلليارد تەڭگە سوماسىنا 56 گرانتتىق جوبا جۇزەگە اسىرىلدى. جالپى، گرانتتىق جوبالار بويىنشا 2 ميلليوننان استام جاس مەملەكەتتىك قولداۋ شارالارىمەن قامتىلعان.

اۆتور: مارلان جيەمباي

سوڭعى جاڭالىقتار