ديپلومداردى باسىپ شىعارىپ، تاراتا بەرەتىن جەكەمەنشىك جوعارى وقۋ ورىندارىنا ۇكىمەت ەڭ قاتال شارالاردى قابىلداۋى ءتيىس - توقايەۆ
بۇل تۋرالى بۇگىن جاستار جىلىنىڭ جابىلۋ جانە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«تاعى ءبىر ماڭىزدى مىندەت ءبىلىم ساپاسىن جانە قولجەتىمدىلىگىن ارتتىرۋ بولىپ وتىر. «اتامەكەن» ۇ ك پ دەرەكتەرىنە سايكەس، بۇگىندە ج و و تۇلەكتەرىنىڭ شامامەن 60 پايىزى ماماندىعى بويىنشا جۇمىسقا ورنالاسا المايدى. بۇل ءبىزدىڭ ءبىلىمنىڭ ساپاسىن بىلدىرەدى. جاستار وقىپ ءجۇرىپ اسىرەسە ءوزىنىڭ بەيىنىنە ءتان ەمەس سالادا جۇمىس ىستەيتىندىگىن بىلەمىز. اقشا تابۋ - بۇل جاقسى. ءبىراق، مۇمكىندىگىنشە ءوزىنىڭ ماماندىعى بويىنشا اقشا تاپقان ءجون. سوعان ساي ولاردىڭ وقۋى مەن ەڭبەك قىزمەتى پاراللەل الەمدە داميدى»، - دەدى مەملەكەت باسشىسى.
ق ر پرەزيدەنتى بۇل سيفرلىق داعدىلاردى تاراتۋ تەحنولوگيالارىنىڭ قارقىندى دامۋىنا بايلانىستى جاستاردىڭ قاشىقتان ءبىلىم الۋعا دەگەن سۇرانىسىنىڭ ارتىپ وتىرعاندىعىن بىلدىرەتىندىگىن ايتتى.
«ءبىز اشىق ۋنيۆەرسيتەت قۇرۋ جۇمىستارىن جالعاستىرۋعا ءتيىسپىز. ەلباسىنىڭ ءاربىر وڭىردە تىم بولماعاندا ءبىر مىقتى جوعارى وقۋ ورنى مەن جوعارى دەڭگەيدەگى 2 كوللەدج اشۋ يدەياسى كوپتەگەن پروبلەمانى شەشەدى. جاستارعا ۇيىنەن الىستان مارتەبەلى وقۋ ورنىن ىزدەپ كوشىپ- قونۋ قاجەتسىز بولىپ قالادى. ولار وزدەرىنىڭ بىلىمدەرى مەن داعدىلارىن قولداناتىن جەردى ءسوزسىز تابا الادى. بۇعان قوسا، ۇكىمەت جوعارى وقۋ ورىندارىنا، ونىڭ ىشىندە ديپلومداردى باسىپ شىعارىپ، تاراتا بەرەتىن كونتورعا اينالعان جەكەمەنشىك ج و و- لارعا قاتىستى ەڭ قاتال شارالاردى قابىلداۋى ءتيىس»، - دەدى قاسىم- جومارت توقايەۆ.
اۆتور مارلان جيەمباي