+7 (701) 759 90 19
7 °С : نۇر-سۇلتان
21 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بۇرىنعى پرەزيدەنت اتامبايەۆقا سوت - پسيحياتريالىق ساراپتاما تاعايىندادى

10 جەلتوقسان 11:59
:ءبولىسۋ
بۇرىنعى پرەزيدەنت اتامبايەۆقا سوت - پسيحياتريالىق ساراپتاما تاعايىندادى

نۇر-سۇلتان. قازاقپارات – قىرعىزستاندا كوي- تاشتاعى جاپپاي تارتىپسىزدىك جانە ساربازداردى كەپىلدىككە الۋ ءىسى بويىنشا كۇدىكتىلەرگە سوت-پسيحياتريالىق ساراپتاما تاعايىندالدى.

ولاردىڭ اراسىندا بۇرىنعى پرەزيدەنت المازبەك اتامبايەۆ تا بار.

ىشكى ىستەر مينيسترلىگىنىڭ دەرەگىنشە، سوتقا دەيىنگى تەرگەۋ امالدارى اياسىندا 16 ادام كۇدىكتى رەتىندە تانىلعان. ءى ءى م حابارلاماسىندا ولاردىڭ اۋىر جانە وتە اۋىر قىلمىس جاسادى دەگەن كۇدىككە ىلىنگەنى جازىلعان. قىرعىزستان زاڭىنا سايكەس، مۇنداي جاعدايدا كۇدىككە ىلىنگەن ازاماتتار سوت-پسيحياتريالىق ساراپتامادان ءوتۋى ءتيىس.

7-8- تامىزدا قىرعىزستاننىڭ شۋ وبلىسى الامۋد اۋدانى كوي-تاش اۋىلىندا ارنايى قىزمەت وكىلدەرى بۇرىنعى پرەزيدەنت المازبەك اتامبايەۆتى تەرگەۋگە كۇشتەپ اپارۋعا تىرىستى. وقيعا كەزىندە ونداعان ادام زارداپ شەكتى، ارنايى قىزمەتتىڭ التى جاساعىن اتامبايەۆ جاقتاستارى كەپىلگە الىپ، 20 ساعات بويى اتامبايەۆ ۇيىندە ۇستادى. مەملەكەتتىك ۇلتتىق قاۋىپسىزدىك كوميتەتىنىڭ جاساعى ۋسەنباي نيازبەكوۆ اۋىر جارالانىپ، قايتىس بولدى. شۋ وبلىسىنىڭ ىشكى ىستەر باسقارماسىنىڭ باستىعى سامات كۋرمانكۋلوۆتىڭ باسى جارالانىپ، قازىر ماسكەۋدە ەمدەلىپ جاتىر.

8- تامىزدا قىرعىزستاننىڭ كۇشتىك قۇرىلىمدارى المازبەك اتامبايەۆتى ۇستادى. كەيىن اتامبايەۆقا «تارتىپسىزدىكتەر ۇيىمداستىرۋ»، «زاڭسىز قارۋ اينالىمى»، «تەرگەۋگە كەدەرگى جاساۋ»، «كەپىلگە ادام الۋ»، «كىسى ءولتىرۋ» جانە «ادام ولتىرۋگە وقتالۋ» باپتارى بويىنشا 14-ايىپ تاعىلىپ، قاماۋعا الىندى.

كوي-تاشتاعى وقيعادان سوڭ كوپ كەشىكپەي اتامبايەۆ جاقتاستارى - پرەزيدەنت اپپاراتىنىڭ بۇرىنعى جەتەكشىسى فاريد نيازوۆ، پارتيا بويىنشا ارىپتەستەرى الگا كىلىچوۆ، كىياز سمايلوۆ جانە امانتۋر جامگىرچيەۆ قاماۋعا الىندى. ولار «ارنايى جاساق وكىلدەرىن كەپىلگە الدى» دەگەن كۇدىككە ىلىنگەن. ءدال وسىنداي كۇدىكپەن دەپۋتات يرينا كارامۋشكينا دا 22- تامىزدا ءۇي قاماققا الىنعان.

«ازاتتىق»


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات