ماميننىڭ ا ق ش- قا ساپارى: امەريكالىق اگروبيزنەس ليدەرلەرى قازاقستانعا ينۆەستيتسيا سالادى
قازاقپارات بۇل تۋرالى primeminister.kz سايتىنا سىلتەمە جاساپ.
ا. ماميننىڭ اسا ءىرى ەت ونىمدەرىن ءوندىرۋشى - «Tyson Foods» كومپانياسىنىڭ باسشىلىعى - پرەزيدەنتى ن. ۋايتپەن جانە ديرەكتورلار كەڭەسىنىڭ ءتوراعاسى د. تايسونمەن كەلىسسوزىنىڭ قورىتىندىسى بويىنشا، قازاقستاندا زاماناۋي اگرو-مۋلتيپروتەين يندۋسترياسىن دامىتۋ باعدارلاماسىن ىسكە اسىرۋ تۋرالى كەلىسىمگە قول قويىلدى.
بۇل قۇجات ءبىرىنشى كەزەڭدە ق ر- دا قۋاتتىلىعى تاۋلىگىنە 2 مىڭعا جۋىق مال باسىن قۇرايتىن زاماناۋي ەت وڭدەۋ كەشەنىن سالۋدى قاراستىرادى. كاسىپورىن قازاقستاندىق نارىقتىڭ قاجەتتىلىكتەرىن وتەپ قانا قويماي، ءونىمدى شەتەل نارىقتارىنا ەكسپورتتاۋعا مۇمكىندىك بەرەدى. وسىلايشا، ەلدەگى جىلدىق اۋىل شارۋاشىلىعى كىرىسىن 1 ميلليارد دوللاردان استام سوماعا قامتاماسىز ەتۋگە ىقپالىن تيگىزەدى.
«Tyson Foods» - قازاقستانعا ەت وڭدەۋدى دامىتۋعا جانە فەرمەرلىك شارۋاشىلىقتاردىڭ مال باسىن ارتتىرۋعا سەرپىن بەرۋى ءۇشىن قاجەتتى تاجىريبەسى بار الەمدىك دەڭگەيدەگى كومپانيا. كاسىپورىندى اشۋ ەت يندۋسترياسىنىڭ عانا ەمەس، ا و ك- ءتىڭ باسقا دا شەكتەس سالالارىن - ۆەتەريناريانى، اگرارلىق ماشينا جاساۋدى، مال ازىعى داقىلدارىن ءوسىرۋدى، مال بورداقىلاۋ الاڭدارىن اشۋدى جانە تاعى باسقاسىن ىنتالاندىراتىن بولادى. جوبا قازاقستاننىڭ اۋىل شارۋاشىلىعىندا ونداعان مىڭ جاڭا جۇمىس ورنىن قۇرۋعا مۇمكىندىك بەرەدى»، - دەدى ا. مامين.
«Tyson Foods» 1935-جىلى قۇرىلعان، كومپانيا اينالىمى 42,4 ميلليارد دوللاردى قۇرايدى، جۇمىسكەرلەر سانى - 141 مىڭ ادام.
«Tyson Foods» قازاقستاندىق «Kusto Group» كومپانياسىمەن بىرلەسكەن جوبانى جۇزەگە اسىرادى. وندىرىستىك تسيكلدە قازاقستاندىق فەرمەرلەرگە «ەكستەنشن» امەريكاندىق قىزمەتىنىڭ ۇلگىسى بويىنشا اقپاراتتىق-كونسۋلتاتسيالىق قىزمەت كورسەتۋ قولداۋى بار. وندا كەڭەس بەرۋ، جەرگىلىكتى جەرلەردە كادرلاردىڭ بىلىكتىلىگىن ارتتىرۋ جانە كاسىپتىك-تەحنيكالىق وقىتۋ قاراستىرىلعان.
ۇكىمەت باسشىسى اركانزاس شتاتىنداعى سپرينگدەيل قالاسىنا جانە نەبراسكا شتاتىنداعى داكوتا-سيتي قالاسىنا بارىپ، «Tyson Foods» كومپانياسىنىڭ وندىرىستىك قۋاتتىلىقتارىمەن، تەحنولوگيالىق پروتسەسىمەن جانە عىلىمي-زەرتتەۋ جوبالارىمەن تانىستى.
سونداي-اق وماحا قالاسىندا پرەمەر-مينيستر نەبراسكا شتاتىنىڭ گۋبەرناتورى د. پ. ريكەتتسپەن جانە سۋارۋ جۇيەلەرى نارىعىنداعى كوشباسشى «Valmont Industries» كومپانياسىنىڭ پرەزيدەنتى س. كانيەۆسكيمەن كەزدەستى.
تاراپتار مەحانيكالاندىرىلعان سۋارۋ، تەلەكوممۋنيكاتسيالار، جاڭارتىلاتىن ەنەرگەتيكا، ينفراقۇرىلىمدىق قۇرىلىس، سونداي-اق اگرارلىق عىلىم، ءبىلىم سالالارىنداعى ىنتىماقتاستىق پەرسپەكتيۆالارىن جانە تاجىريبە الماسۋ ماسەلەلەرىن تالقىلادى.
كەلىس ءسوز قورىتىندىسى بويىنشا، ا. ماميننىڭ جانە پ. ريكەتتستىڭ قاتىسۋىمەن ق ر اۋىل شارۋاشىلىعى مينيسترلىگى، «Kusto Group» قازاقستاندىق كومپانياسى جانە «Valmont Industries» اراسىندا قازاقستان رەسپۋبليكاسىندا ءتيىمدى سۋارۋ جانە اۋىل شارۋاشىلىعىنداعى ونىمدىلىكتى جاقسارتۋ قاعيداتتارى تۋرالى كەلىسىمگە قول قويىلدى.
قۇجات قازاقستاندا 2022-جىلى قۋاتتىلىعى جىلىنا 1 مىڭ ماشينا فورنتالدى جانە اينالما سۋارۋدى قۇرايتىن «Valley» يرريگاتسيالىق جۇيەلەرىن ءوندىرۋ زاۋىتىن سالۋدى قاراستىرادى. امەريكاندىق يرريگاتسيا تەحنولوگيالارى وسىمدىك شارۋاشىلىعىنىڭ ونىمدىلىگىن ارتتىرىپ، اۋىل شارۋاشىلىعىنداعى سۋ شىعىنىن %50 عا ازايتۋعا مۇمكىندىك بەرەدى.
بۇدان ءارى قازاقستانداعى كاسىپورىن ءوندىرىسىن تەلەكوممۋنيكاتسيالارعا، جاڭارتىلاتىن ەنەرگيا مەن ينفراقۇرىلىمدىق قۇرىلىسقا ارنالعان جابدىقتار شىعارۋعا دەيىن كەڭەيتۋ جوسپارلانعان. ق ر- دا وندىرىلەتىن ءونىم وتاندىق نارىق قاجەتتىلىكتەرىن قامتاماسىز ەتىپ قانا قويماي، سىرتقى نارىقتارعا ەكسپورتتىق الەۋەتتى دامىتۋعا جول اشادى.
«Valmont Industries» وزىق تەحنولوگيالارىن پايدالانۋ وسىمدىك شارۋاشىلىعى جانە مال شارۋاشىلىعى ءۇشىن جەم-ءشوپ بازاسىن قۇرۋدا مۋلتيپليكاتيۆتى اسەر بەرەدى»، - دەدى ا. مامين.
پرەمەر-مينيستر قازاقستاننىڭ 2022-جىلعا قاراي سۋارمالى جەرلەر كولەمىن 1,4 ميلليون گەكتاردان 2 ميلليون گەكتارعا دەيىن، ال 2030-جىلعا قاراي - 3 ميلليون گەكتارعا دەيىن ارتتىرۋدى كوزدەپ وتىرعانىن اتاپ ءوتتى.
«Valmont Industries» باس كەڭسەسىن ارالاۋ كەزىندە ۇكىمەت باسشىسى كاسىپورىننىڭ وندىرىستىك قۋاتتىلىقتارىمەن جانە تەحنولوگيالىق پروتسەسىمەن تانىستى.