+7 (701) 759 90 19
-5 °С : نۇر-سۇلتان
-6 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

بۇكىل الەمدىك دوپينگكە قارسى اگەنتتىك رەسەيدى ءتورت جىلعا وليمپيادا ويىندارىنان شەكتەدى

10 جەلتوقسان 12:58
:ءبولىسۋ
بۇكىل الەمدىك دوپينگكە قارسى اگەنتتىك رەسەيدى ءتورت جىلعا وليمپيادا ويىندارىنان شەكتەدى

نۇر-سۇلتان. قازاقپارات – 9- جەلتوقساندا بۇكىل الەمدىك دوپينگكە قارسى اگەنتتىكتىڭ (WADA) اتقارۋ كوميتەتى رەسەيدى ءتورت جىلعا وليمپيادا ويىندارى مەن الەم چەمپيوناتتارىنان شەكتەدى.

WADA ۇسىنىسىنا ساي، رەسەي وسى ارالىقتا حالىقارالىق جارىستار ۇيىمداستىرا المايدى.

«كوميتەتتىڭ بۇل ۇسىنىسى ءبىر اۋىزدان ماقۇلداندى» دەپ مالىمدەدى WADA.

رەسەي انتيدوپينگ اگەنتتىگىنىڭ باسشىسى يۋري گانۋس رەسەيلىك اقپارات اگەنتتىكتەرىنە WADA شەشىمىن راستادى.

WADA ۇسىنىسىنا ساي، «دوپينگ داۋىنا» ىلىنبەگەن رەسەي سپورتشىلارى 2020-جىلى وتەتىن توكيو جازعى وليمپياداسىنا جانە 2022-جىلعى بەيجىڭ قىسقى وليمپياداسىنا نەيترال ستاتۋسىندا قاتىسادى. ەگەر سپورتشى جەڭىسكە جەتسە، رەسەي ءانۇرانى وينامايدى، ەل تۋى كوتەرىلمەيدى. بۇدان بولەك، رەسەيدىڭ بارلىق رەسمي وكىلدەرى مەن شەنەۋنىكتەرى جارىستاردان شەتتەتىلەدى.

WADA شەشىمى تەك ۇسىنىس، بۇل قۇجاتتى حالىقارالىق وليمپيادا كوميتەتى (ح و ك)، FIFA (بۇكىل الەمدىك فۋتبول فەدەراتسياسى) جانە UEFA (ەۋروپا فۋتبول قاۋىمداستىعى) قابىلداماۋى دا مۇمكىن.

رەسەي نە ءۇشىن جازالاندى؟

WADA «رەسەي بيلىگى 2014-جىلعى سوچي وليمپياداسىندا جانە ەل اۋماعىندا وتكەن باسقا جارىستاردا رەسەيلىك سپورتشىلاردىڭ دوپينگ سىنامالارىن الماستىردى» دەپ ايىپتايدى. دوپينگكە قارسى حالىقارالىق ۇيىم «رەسەي بيلىگى دوپينگ ەرەجەلەرىن بۇزۋعا اتسالىستى» دەپ سانايدى. ماسكەۋ بۇل ايىپتاۋلاردىڭ بارلىعىن جوققا شىعارادى.

2016-جىلى WADA ەسەپ جاريالاپ، «2014-جىلعى سوچي وليمپياداسىندا رەسەي سپورتشىلارى دوپينگ قولدانعان، ال رەسەيلىك شەنەۋنىكتەر ونى جاسىرعان» دەپ مالىمدەدى.

بۇدان بولەك، ماسكەۋ انتيدوپينگ زەرتحاناسىنىڭ بۇرىنعى جەتەكشىسى گريگوري رودچەنكو سوچي وليمپياداسىنان كەيىن ا ق ش- قا قاشىپ، سول جاقتا جۋرناليستەرگە رەسەيدىڭ دوپينگ ەرەجەسىن بۇزعانى جايلى سۇحبات بەرگەن.

رودچەنكو مالىمدەمەسىندە سوچي وليمپياداسى كەزىندە رەسەيلىك سپورتشىلارعا دوپينگ بەرگەنىن، زەرتحانا قىزمەتكەرلەرى دوپينگ اناليزدەرىن «تازا» سىنامالارمەن اۋىستىرعانىن ايتقان.

WADA كەيىن سوچي وليمپياداسىندا مەدال العان رەسەيلىك 12 سپورتشىنىڭ دوپينگ سىنامالارى قايتا اشىلعانىن، سوچي پاراليمپياداسىنا قاتىسقان رەسەيلىك التى اتلەتتىڭ دوپينگ اناليزدەرىنىڭ الماستىرىلعانى دالەلدەگەن.

كرەمل بۇل دەرەكتەردىڭ ءبارىن مويىنداماعان. رەسەي پرەزيدەنتى ۆلاديمير پۋتين WADA ەسەبىن «قولدان جاسالعان» دەگەن.

WADA ەسەبىنىڭ نەگىزىندە رەسەي 2016-جىلى ريودا وتكەن پاراليمپيادا ويىندارىنان شەتتەتىلگەن. ال 2018-جىلعى پحەنچحاندا (وڭتۇستىك كورەيا) وتكەن قىسقى وليمپياداعا رەسەي سپورتشىلارى «بەيتاراپ اتلەت ستاتۋسىندا» قاتىستى.

2018-جىلى WADA ماسكەۋ انتيدوپينگ زەرتحاناسىنىڭ دوپينگ سىنامالارىن دەرەكتەر بازاسىن تەكسەرىپ، «مىڭداعان دوپينگ سىنامالارىنىڭ الماستىرىلعانىن» انىقتاعان. كرەمل بۇل تەكسەرۋگە دە ماردىمدى جاۋاپ بەرە المادى.

وسى تەكسەرىستەن كەيىن WADA رەسەيدى تاعى دا ءتورت جىلعا وليمپيادا مەن الەم چەمپيوناتتارىنان شەكتەۋدى ۇسىنىپ وتىر.

«ازاتتىق»


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات