+7 (701) 759 90 19
-4 °С : نۇر-سۇلتان
-5 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

پاريجدە زەلەنسكي مەن پۋتين كەزدەستى

10 جەلتوقسان 10:56
:ءبولىسۋ
پاريجدە زەلەنسكي مەن پۋتين كەزدەستى

نۇر-سۇلتان. قازاقپارات – رەسەي پرەزيدەنتى ۆلاديمير پۋتين جانە ۋكراينا پرەزيدەنتى ۆلاديمير زەلەنسكي جىل سوڭىنا دەيىن ۋكراينا شىعىسىنداعى اتىستى توقتاتۋ رەجيمىن تولىق جۇزەگە اسىرۋعا كەلىستى.

9- جەلتوقساندا پاريجدە وتكەن «نورمان تورتتىگى» سامميتىنەن كەيىن تاراتىلعان ورتاق مالىمدەمەدە وسىلاي دەپ ايتىلادى.

«تاراپتار جىل سوڭىنا دەيىن اتىستى توقتاتۋ تۋرالى كەلىسىمدى تولىق جانە جان-جاقتى جۇزەگە اسىرۋ مىندەتىن موينىنا الادى، اتىستى توقتاتۋ ءۇشىن قاجەت بارلىق شارالاردى جۇزەگە اسىرادى» دەلىنگەن مالىمدەمەدە.

بۇعان قوسا، ۋكراينا مەن رەسەي جىل سوڭىنا دەيىن «بارىنە ءبارى» فورمۋلاسى بويىنشا تۇتقىن الماسۋعا كەلىستى. «تۇتقىن الماسۋعا دايىندالۋ ءۇشىن ەڭ اۋەلى اۋىستىرىلاتىن ادامداردىڭ ءتىزىمىن جاساۋ كەرەك» دەدى ۆلاديمير زەلەنسكي. كەزدەسۋدە سونىمەن بىرگە «قىزىل كرەست» ۇيىمىنىڭ ۇستالعان ازاماتتارعا كىرۋىنە كەدەرگى جاسالماۋى ءتيىس ەكەنى ايتىلدى.

سامميتتە بۇعان قوسا، دونباستا تاعى ءۇش جاڭا اۋداندا اسكەر تاراتۋ ورنى بەلگىلەنۋى ءتيىس ەكەنى ايتىلدى. تاراپتار رەسەيشىل سەپاراتيستەر باقىلاۋىنداعى اۋماق پەن ۋكراينانىڭ قالعان بولىگى اراسىندا جاڭا وتكىزۋ پۋنكتەر اشىلۋى قاجەت دەدى.

ءتورت مەملەكەت باسشىسى سەپاراتيستەر باقىلاۋىنداعى اۋماقتا جەرگىلىكتى سايلاۋ وتكىزۋ ماسەلەسىن ءتورت ايدان كەيىن قايتا تالقىلاۋعا كەلىستى.

بۇل - ۋكراينا مەن رەسەي باسشىلارىنىڭ 2016-جىلدان بەرگى العاشقى كەزدەسۋى. بيىل مامىر ايىندا رەسمي تۇردە پرەزيدەنت قىزمەتىنە كىرىسكەن زەلەنسكي پۋتينمەن ءبىرىنشى رەت كەزدەستى.

ماسكەۋ ۋكراينانىڭ شىعىسىنداعى سەپاراتيست قۇرىلىمدار مەن كيەۆ اسكەري كۇشتەرىنىڭ قاقتىعىسىنا تىكەلەي قاتىسى بار ەكەنىن جوققا شىعارىپ كەلەدى. الايدا، رەسەيدىڭ سەپاراتيستەرگە اسكەري، ەكونوميكالىق جانە ساياسي قولداۋ كورسەتىپ كەلگەنى جانە اسكەري قاقتىعىسقا رەسەي كۇشتەرىنىڭ تىكەلەي قاتىسى بار ەكەنى جايلى دالەلدەر ءجيى كەلتىرىلەدى.

شىلدە ايىندا ەۋروپا وداعى مەن ۋكراينا ورتاق مالىمدەمە جاساپ، 2014-جىلدىڭ اقپان ايىنان بەرى رەسەي اسكەرى ۋكرايناعا «اگرەسسيا» كورسەتىپ كەلەدى دەپ ايتقان. رەسەي دونباستاعى قاقتىعىسقا قاتىسى جوعىن ايتادى.

«نورمان تورتتىگى» سامميتى - ۋكراينانىڭ شىعىسىنداعى جانجالدى رەتتەۋ ءۇشىن 2014-جىلدان بەرى جۇمىس ىستەپ كەلە جاتقان ۋكراينا، رەسەي، فرانسيا جانە گەرمانيا جەتەكشىلەرى مەن سىرتقى ىستەر مينيسترلىگىنىڭ كەزدەسۋ فورماتى.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات