تاۋەلسىزدىك كۇنىنە وراي ەلوردادا قانداي شارالار وتەدى؟

نۇر-سۇلتان. قازاقپارات – ق ر تاۋەلسىزدىك كۇنى مەرەكەسىنە وراي ەلوردا تۇرعىندارى مەن قوناقتارىنا كونسەرتتىك باعدارلامالار، تەگىن ەكسكۋرسيالار مەن تەاتر قويىلىمدارى ازىرلەندى، دەپ حابارلايدى قازاقپارات ەلوردا ينفو سايتىنا سىلتەمە جاساپ.

11- جەلتوقسان

ەلىمىزدىڭ ەڭ ماڭىزدى مەرەكەلەرىنىڭ ءبىرى - تاۋەلسىزدىك كۇنىن تويلاۋ 11- جەلتوقسان كۇنى ساعات 19.00 دە تاۋەلسىزدىك سارايىندا وتەتىن «مەنىڭ وتانىم - قازاقستان!» كونسەرتتىك باعدارلاماسىنان باستالادى.

ءدال سول كۇنى تۇڭعىش پرەزيدەنت - ەلباسى مۋزەيىنە دە ەكسكۋرسيا جاساۋعا بولادى.

سونداي-اق از قامتىلعان وتباسىلاردان شىققان بالالارعا قالانىڭ ساۋدا ورتالىقتارى مەرەكەگە وراي سىيلىقتار تابىس ەتەتىنى جوسپارلانعان.

12- جەلتوقسان

ونەرسۇيەر قاۋىم ساعات 19.00 دە «Nomad City Hall» تەاترىندا وتەتىن پوەزيا كەشىنە قاتىسا الادى. شارا ەلىمىزدىڭ مايتالمان تۇلعالارى س. سەيفۋللين، ب. مايلين، ءى. جانسۇگىروۆتى ەسكە الۋعا ارنالعان.

13- جەلتوقسان

«جانۇيا» وتباسى ينستيتۋتىن قولداۋ ورتالىعىندا ساعات 15.00 دە قالانىڭ مەتسەناتتارى بالاقايلارعا ارنالعان ينۆاتاكسي مەن 30 دان اسا سىيلىقتى سالتاناتتى تۇردە تابىستايدى.

ال كەشكىسىن، ساعات 19.00 دە «جاستار» سارايىندا ب. جانداربەكوۆتىڭ «توميريس - ساق پاتشايىمى» سپەكتاكلى ساحنالانادى.

14- جەلتوقسان

ەلورداداعى اسكەري پاتريوتتىق ورتالىق بارشا تۇرعىنداردى ەكسكۋرسياعا قاتىسۋعا شاقىرادى.

كەشكى ساعات 19.00 دە «استانا» كونسەرت زالىندا مەرەكەلىك كونسەرتتى تاماشالاۋعا بولادى.

سونداي-اق، كەشكى ساعات 18.30 دا «بارىس ارەنا» مۇز ايدىنىندا «دەنيستىڭ دوستارى» مۇزدى شوۋى ءوز كورەرمەندەرىنە تاماشا قويىلىم دايىندادى.

قۋىرشاق تەاترىنىڭ كورەرمەندەرى بولسا 14-15- جەلتوقسان كۇندەرى ساعات 12.00، 14.00، 16.00 دە «اتامەكەن» سپەكتاكلىن كورە الادى.

15- جەلتوقسان

ماحاببات ليريكاسىن سۇيەتىن قاۋىمدى ساعات 19.00 دە «جاستار» تەاترىنىڭ شىعارماشىلىق توبى ع. مۇسىرەپوۆتىڭ «جىبەك» ميۋزيكلىندا اسىعا كۇتەدى.

سونىمەن قاتار ساعات 19.00 دە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «ابىلاي حاننىڭ ارمانى» سپەكتاكلى كورەرمەنگە جول تارتادى.

ەلوردالىق بالاقايلار «قازاقستان» و ك ز وتەتىن جاڭاجىلدىق TIME- شوۋىنا قاتىسا الادى.

نۇر-سۇلتانعا العاش كەلگەن قوناقتارعا دا جاعىمدى حابار بار. 15، 16- جەلتوقسان كۇندەرى ەكىقاباتتى تۋريستىك اۆتوبۋسپەن قالانىڭ كورىكتى جەرلەرى بويىنشا ەكسكۋرسيا ۇيىمداستىرىلادى.

16- جەلتوقسان

بۇل كۇنى «قازاقستان» سپورت سارايىندا جەتىم جانە از قامتىلعان وتباسىلاردا تاربيەلەنەتىن بالالار ءۇشىن مۇزدا جاپپاي سىرعاناۋ شاراسى ۇيىمداستىرىلادى. كىرۋ - تەگىن.

سونىمەن قاتار، 16- جەلتوقسان كۇنى 100 ادامعا، 17- جەلتوقساندا 100 ادامعا ەسىل وزەنىندە كونكيمەن، كۆادروتسيكلمەن، «بانان» - مەن، باللونمەن سىرعاناۋ ۇيىمداستىرالاتىن بولادى.

17- جەلتوقسان

17-30- جەلتوقسان ارالىعىندا ساعات 10.00، 12.00، 14.00، 16.00 دە قۋىرشاق تەاترى كورەرمەندەردى ا. سالايەۆتىڭ «مالەفيسەنتانىڭ مۇزدى جۇرەگى» سپەكتاكلىنە اسىعا كۇتەدى.