+7 (701) 759 90 19
-5 °С : نۇر-سۇلتان
2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

شىمكەنت «ت م د ەلدەرىنىڭ مادەني استاناسى» ەستافەتاسىن قابىلداپ الدى

10 جەلتوقسان 09:30
:ءبولىسۋ

نۇر-سۇلتان. قازاقپارات - بەلارۋس رەسپۋبليكاسىنىڭ برەست قالاسىندا «برەست – ت م د ەلدەرىنىڭ 2019-جىلعى مادەني استاناسى» ءىس-شاراسىنىڭ جابىلۋ سالتاناتى ءوتتى.

سالتاناتتى شارادا برەست قالاسى 2020-جىلعى ت م د- نىڭ مادەني استاناسى ەستافەتاسىن شىمكەنتكە رەسمي تۇردە تابىس ەتتى، دەپ حابارلايدى قازاقپارات.

دوستىق پەن ءوزارا ىنتىماقتاستىقتى ورىستەتكەن جيىنعا 2020-جىلعى ت م د- نىڭ مادەني استاناسى مارتەبەسىن يەلەنگەن شىمكەنت قالاسىنان ارنايى وكىلدەر قاتىستى. شىمشاھاردىڭ مەرەيىن اسىرعان مارتەبەلى شاراعا ءۇشىنشى مەگاپوليستەن دەلەگاتسيانى شىمكەنت قالاسى اكىمىنىڭ ءبىرىنشى ورىنباسارى قايرات نۇرتاي باستاپ باردى. مەرەكەلىك شارا شەڭبەرىندە شىمكەنت قالاسى ىشكى ساياسات جانە ءدىن ىستەرى باسقارماسىنىڭ باسشىسى جانار بەكتايەۆا، سونداي-اق فوتوتىلشىلەر قالامىزدىڭ تۋريستىك جانە تاريحي-مادەني الەۋەتىن تانىستىردى.

شارا اياسىندا ت م د مەملەكەتارالىق گۋمانيتارلىق ىنتىماقتاستىق قورىنىڭ (م گ ى ق) وتىرىسى ءوتىپ، وندا برەست قالاسىندا دوستاستىقتىڭ مادەني استاناسى رەتىندە اتقارىلعان جۇمىستارى سارالانىپ، ونىڭ قورىتىندىسى تالقىلاندى. ب ا ق وكىلدەرى ءۇشىن ارنايى باسپا ءسوز جيىندارى ۇيىمداستىرىلىپ، قوناقتار «برەست قورعانى» مەموريالدىق كەشەنىنە بارىپ، ماڭگىلىك الاۋعا گۇل شوقتارىن قويدى.

بۇدان سوڭ كەشكىسىن برەست اكادەميالىق دراما تەاترىندا «برەست – ت م د ەلدەرىنىڭ 2019-جىلعى مادەني استاناسىنىڭ» قورىتىندى جابىلۋ سالتاناتى ءوتتى. مەرەكەلىك كونسەرتكە ت م د ەلدەرىنىڭ ۇزدىك ونەرپازدارى قاتىستى. ال حالىقارالىق «دوستاستىق دەبيۋتتەرى» پرەمياسىنىڭ لاۋرەاتتارى قوناق رەتىندە شاقىرىلدى. سالتاناتتى شارا برەست قالالىق اتقارۋشى كوميتەتى ءتوراعاسىنىڭ دەلەگاتتاردى ارنايى قابىلداۋىمەن اياقتالدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات