+7 (701) 759 90 19
-9 °С : نۇر-سۇلتان
-5 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

تۇركىستاندا «سالەم ساعان، تۇركىستان» ونەر فەستيۆالى ءوتتى

10 جەلتوقسان 08:42
:ءبولىسۋ
تۇركىستاندا «سالەم ساعان، تۇركىستان» ونەر فەستيۆالى ءوتتى

تۇركىستان. قازاقپارات - تۇركىستان وبلىسى اكىمدىگىنىڭ قولداۋىمەن، وبلىستىڭ يميدجى مەن تۋريستىك الەۋەتىن ارتتىرۋ، ونەرلى جاستارعا قولداۋ كورسەتۋ ماقساتىندا جانە ق ر تاۋەلسىزدىك كۇنىنە ارنالعان «سالەم ساعان، تۇركىستان» ونەر فەستيۆالى ۇيىمداستىرىلدى، دەپ حابارلايدى ءوڭىر باسشىسىنىڭ باسپا ءسوز قىزمەتى.

400 گە جۋىق ۇمىتكەر دوداعا تۇسكەن اۋقىمدى شارانى 2 مىڭنان استام كورەرمەن تاماشالادى.

فەستيۆالدىڭ قورىتىندى شاراسىنا تۇركىستان وبلىسى اكىمىنىڭ ورىنباسارى ساكەن قالقامانوۆ قاتىسىپ، گران-پري يەگەرلەرىن ماراپاتتادى. شارا اياسىندا كلاسسيكالىق ءان ورىنداۋشىلار، بالالارعا ارنالعان بي، سۋرەتشىلەر مەن فوتو سۋرەتشىلەردىڭ «تۇرلەنگەن - تۇركىستان» بايقاۋ- كورمەسى، «Open Turkistan» تانىمدىق بەينەروليكتەر، «Turkistan fashion» كيىم ديزاينەرلەرىنىڭ بايقاۋى ءوتتى.


قازىلار القاسىنىڭ شەشىمىمەن «سالەم ساعان، تۇركىستان» ونەر فەستيۆالى اياسىندا وتكىزىلگەن بالالارعا ارنالعان بي بايقاۋىنىڭ باس جۇلدەسى تۇركىستان قالاسىنداعى «شابىت» جانە تولەبي اۋدانىننان كەلگەن «كوركەم» بي ۇجىمدارىنا تابىستالدى. بايدىبەك اۋدانىنان كەلگەن «اسىلىم»، جەتىساي اۋدانىنان كەلگەن «شاتتىق» بي ۇجىمدارى جۇلدەلى 1-ورىننان كورىندى. ال كەنتاۋلىق «شىعىس ىرعاقتارى» جانە سارىاعاشتىق «ەركەتاي» بي ۇجىمدارى 2-ورىندى ەنشىلەسە، «№1-سايرام بالالار ساز مەكتەبى» مەن قازىعۇرتتىق «بالاۋسا»، شاردارالىق «اقمارجان» بي ۇجىمدارى 3-ورىندى قاناعات تۇتتى.



ال، «تۇرلەنگەن - تۇركىستان» سۋرەتشىلەر مەن فوتو سۋرەتشىلەردىڭ كورمە بايقاۋىنىڭ كەسكىندەمە نوميناتسياسى بويىنشا باس جۇلدەسى نۇر- سۇلتان قالاسىنان كەلگەن سەيسەنحان ماحامبەتكە تابىس ەتىلدى. شىمكەنتتىك ارمان وماروۆ 1-ورىندى، شىمقالالىق سەرىكباي جورابەكوۆ پەن سەيىتبەك ماجىبايەۆ 2-ورىندى، شىمكەنتتەن كەلگەن بەيبىت بەرتايەۆ پەن تۇركىستاندىق مۇرات شاحانبايەۆ جانە شىمكەنتتىك ومار باباجانوۆتار جۇلدەلى 3-ورىندى قانجىعالارىنا بايلادى.



فوتوسۋرەتشىلەر سايىسىندا شىمكەنتتىك سۇندەت ءجانادىلوۆ باس جۇلدەگە، ماقسات شاعىربايەۆ جۇلدەلى 1-ورىنعا، بەيبىت بەرتايەۆ پەن سالاۋات جانىبەك ۇلى 2-ورىنعا، ورالدىق مەيىربەك تاشكۋرانوۆ پەن شىمقالالىق داۋلەتيار بالتابايەۆ، نۇرسۇلتاندىق شۇكىر شاحاي جۇلدەلى 3-ورىن يەگەرى اتاندى.

«Open Turkistan» بەينەروليكتەر سايىسىندا شىمكەنتتىك ەركىن مارعۇلان باس جۇلدەگە قول جەتكىزدى. ايدانا كوشەن 1-ورىن، اليحان كونكين 2-ورىن، ءابدىنابي دانيار 3-ورىندى قانجىعالارىنا بايلادى.

بۇدان بولەك، 7-12 جاس ارالىعىندا كلاسسيكالىق ءان ورىنداۋشىلار سايىسىنىڭ باس جۇلدەسىنە تولەبي اۋدانىنىڭ ونەرپازى عالامات حالىق لايىق دەپ تانىلدى. سارىاعاشتىق ايشا ۋاليحان 1-ورىن، تۇركىستاندىق بازارباي ءىزباسار 2-ورىن، ارىستىق ارمان ابدراحمان 3-ورىن يەگەرلەرى اتاندى. ال، 13-17 جاس ارالىعىندا تولەبيلىك اقبوتا مۇراتقا تەڭ كەلەر ەشكىم بولعان جوق. شىمكەنت قالاسىنىڭ ونەرپازى اسقار رىسبەك 1-ورىن، جەتىسايلىق بەكاسىل سىيقىمباي 2-ورىندى يەلەنسە، تۇلكىباستىق ديانا ەرسەرىك قىزى جۇلدەلى 3-ورىننان تابىلدى.

سونىمەن قاتار، «Turkistan fashion» ۇلتتىق كيىم ديزاينەرلەرىنىڭ بايقاۋىنىڭ باس جۇلدەسى نەسىبەلى ەسقارايەۆاعا، 1-ورىن ىڭكار مۇحتارعا، 2-ورىن گاۋحار قاپاقوۆاعا، 3-ورىن سالتانات وماروۆالارعا بۇيىردى.



ايتا كەتەيىك، الدىن- الا باسقارمامەن بەكىتىلگەن بايقاۋ قاعيدالارىنا سايكەس، «Open Turkistan» بەينەروليكتەر بايقاۋىنا 93 بەينەروليك كەلىپ تۇسسە، «Turkistan fashion» ۇلتتىق كيىم ديزاينەرلەرىنىڭ بايقاۋىنا 50 گە جۋىق ەڭبەك ۇسىنىلىپ، فينالعا 10 ديزاينەردىڭ جۇمىسى تاڭدالىپ الىندى.

بي بايقاۋىنا بارلىق اۋدان، قالالاردان 15 بي ۇجىمى قاتىسۋعا ءوتىنىم بەرسە، بالالار مەن جاسوسپىرىمدەر اراسىنداعى كلاسسيكالىق ءان ورىنداۋشىلار بايقاۋىنا الدىن الا جۇرگىزىلگەن ىرىكتەۋ كەزەڭى ارقىلى 25 ۇمىتكەر سوڭعى كەزەڭگە جولداما السا، «تۇرلەنگەن - تۇركىستان» سۋرەتشىلەر مەن فوتو سۋرەتشىلەردىڭ بايقاۋ- كورمەسىنە 33 كەسكىندەمەشى مەن 17 فوتوسۋرەتشى ءوز جۇمىستارىن ۇسىندى.





باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات