ساۋد ارابياسىنان كەلگەن ستۋدەنت ا ق ش- تىڭ ءۇش ساربازىنا وق اتتى

None
None
نۇر-سۇلتان. قازاقپارات – ا ق ش- تىڭ پەنساكولا اسكەري بازاسىندا امەريكانىڭ ءۇش ساربازىنا وق اتقان كۋرسانت ساۋد ارابياسىنان كەلگەن دەپ حابارلادى ا ق ش- تىڭ رەسمي ورىندارى.

كۇدىكتى اسكەري- تەڭىز بازاسىندا وقۋ- جاتتىعۋعا قاتىسقان. ول وقۋ زالىندا ارىپتەستەرىنە شابۋىل جاساعاننان كەيىن اتىپ ءولتىرىلدى.

جەرگىلىكتى پوليتسيا شەريفى شابۋىل كەزىندە تاعى سەگىز ادامنىڭ جارالانعانىن راستادى. كۇدىكتى پيستولەتپەن اينالاسىنداعىلارعا وق اتقان.

ا ق ش پرەزيدەنتى دونالد ترامپ ساۋد ارابياسىنىڭ كورولى سالمان حابارلاسىپ، قازا تاپقانداردىڭ تۋىستارىنا كوڭىل ايتقانىن جازدى.

«كورول ساۋد ارابياسىنىڭ حالقى كۋرسانتتىڭ جابايى قىلىعىنا قاتتى نارازى دەدى جانە ونىڭ بۇل ارەكەتىن ساۋديا حالقى ايىپتايدى» دەپ جازدى ترامپ Twitter- دە.

وقيعا ورنىندا پوليتسيا تەرگەۋ امالدارىن جۇرگىزىپ جاتىر. قازا تاپقانداردىڭ اتى- جوندەرى تۋىستارىنا حابار بەرگەنگە دەيىن ايتىلمايدى.

اسكەري- تەڭىز اۆيابازاسىنىڭ رەسمي سايتىنداعى اقپاراتقا سايكەس، پەنساكولا بازاسىندا شامامەن 16 مىڭ سارباز، 7400 جالدامالى بار.

سوڭعى جاڭالىقتار