انالارىڭ جاقىندا كەلەدى: يراكتان ورالعان سابيلەردى تاربيەشىلەر قالاي جۇباتادى

None
None
نۇر- سۇلتان. قازاقپارات - نۇر- سۇلتان قالاسىنىڭ قيىن جاعدايعا تاپ بولعان بالالاردى قولداۋ ورتالىعىنىڭ ديرەكتورى بيبىگۇل تاكيسوۆا يراكتان جەتكىزىلگەن بالالاردى بەيىمدەۋ جۇمىستارى قالاي جۇرگىزىلىپ جاتقانىن ايتتى،

 دەپ حابارلايدى قازاقپارات ءتىلشىسى.

«بالالار باستاپقىدا بۇل جەرگە كەلگەن كەزدە جىلاۋىق، قورقاق بولاتىن. قازىر بالالار ءبىرشاما بەيىمدەلىپ قالدى، كوڭىلدەرى كوتەرىلدى. ولارمەن پسيحولوگتار، الەۋمەتتىك قىزمەتكەرلەر، تاربيەشىلەر جۇمىس ىستە جاتىر. بالالاردىڭ جاعدايى جاقسى، تۇيىق، بۇيىعى بولۋدان ارىلدى. العاشىندا كىشكەنتايلارى ەرەسەكتەرىنە جابىسىپ الاتىن. ال قازىر تاربيەشىلەردى قۇشاقتايدى، سۇيەدى ەركىن ارالاسا الادى»، - دەدى ول.

ورتالىق باسشىسى بالالار كۇندىز ويىنعا الدانعانىمەن تۇندە ۇيىقتار الدىندا انالارىن ىزدەيتىندىگىن ايتادى.

«كۇندىز ويىننىڭ قىزىعىنا بەرىلەتىندىكتەن انالارىن ىزدەي قويمايدى. ال تۇندە انالارىن ەسكە الادى. ءبىز ولاردى جۇباتىپ، انالارىنىڭ جاقىن ارادا كەلەتىندىگىن ايتىپ الداۋسىراتامىز»، - دەدى ب. تاكيسوۆا.

ورتالىق پسيحولوگى ايبەك قىلىشبەك تە بالالاردىڭ العاش كەلگەن كەزدە تۇيىق بولعاندىعىن ايتتى.

«ەڭ العاش كەلگەندى بالالار ءبىر- بىرىمەن اجىرامايتىن. بولەكتەي باستاساڭ جىلايتىن. ال قازىر ءبىر- بىرىنەن اجىراتساڭ دا وزدەرىن جايلى سەزىنەدى. باستاپقى كەزدە بالالار سۋرەت سالعاندا كۇڭگىرت تۇستەردى قولدانسا، قازىر ءتۇرلى- تۇسكە اۋەستەنىپ كەلەدى. ءبىر بايقاعانىم، بالالار شاتىرى جوق ۇيلەر سالاتىن. ال بۇل يراكقا ءتان دۇنيە. قازىر «بايتەرەكتى» جانە باسقا دا ءتۇرلى- ءتۇستى سۋرەتتەر سالادى»، - دەدى ول.

ايتا كەتەيىك، بۇگىن ق ر ءبىلىم جانە عىلىم ءمينيسترىنىڭ بالالار قۇقىعى جونىندەگى كەڭەسشىسى رايسا شەر رايسا شەر نۇر- سۇلتان قالاسىنىڭ قيىن جاعدايعا تاپ بولعان بالالاردى قولداۋ ورتالىعىندا يراكتان جەتكىزىلگەن بالالاردىڭ جاي- كۇيىن ب ا ق وكىلدەرىنە تانىستىرعان بولاتىن.

اۆتور: مارلان جيەمباي

سوڭعى جاڭالىقتار