+7 (701) 759 90 19
-3 °С : نۇر-سۇلتان
6 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

ەڭبەك ءمينيسترى: وتاعاسى جۇمىستان باس تارتسا، بۇكىل وتباسىنا جاردەماقى تولەنبەيدى

9 جەلتوقسان 16:04
:ءبولىسۋ
ەڭبەك ءمينيسترى: وتاعاسى جۇمىستان باس تارتسا، بۇكىل وتباسىنا جاردەماقى تولەنبەيدى

نۇر- سۇلتان. قازاقپارات - 2020 - جىلدان باستاپ جۇمىسقا تۇرۋدان باس تارتقان ازاماتتاردىڭ تۇتاس وتباسىنا اتاۋلى الەۋمەتتىك كومەك تولەنبەيدى.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ءمالىم ەتتى، دەپ حابارلايدى قازاقپارات ءتىلشىسى.

«اتاۋلى الەۋمەتتىك كومەك تاعايىندالادى. ەگەر دە وسى ا ءا ك تاعايىندالعان وتباسىندا ەڭبەككە جارامدى ازاماتتار بولسا، ول كىسىلەردى ءبىز جۇمىسپەن قامتۋ شارالارىنا تارتامىز. ءوز كەزەگىندە ول ادام كەلىسەدى دە، ءسويتىپ، الەۋمەتتىك شارت جاسالادى، ياعني بۇل بۇرىننان بار ءتارتىپ. الايدا اتاۋلى الەۋمەتتىك كومەكتى الىپ ءجۇرىپ، ۇسىنىلعان جۇمىستان باس تارتقان جاعدايدا، بۇگىندە تەك ەڭبەككە قابىلەتتى ادامعا عانا قاتىستى الەۋمەتتىك كومەك توقتاتىلعان بولاتىن. ال ەندى ەڭبەككە جارامدى ادام جۇمىستان باس تارسا، وندا جاڭا جىلدان ا ءا ك بۇكىل وتباسىعا توقتاتىلادى. وسى ورايدا، ەڭبەككە جارامدى وتاعاسىنىڭ جاۋاپكەرشىلىگىن ارتتىرامىز. بالالاردىڭ اكەسىنە، ياعني تەپسە تەمىر ۇزەتىن جىگىتكە جۇمىس ۇسىنامىز. جۇمىسقا بارماسا، ا ءا ك- تەن بۇكىل وتباسى ايىرىلادى»، - دەپ ءتۇسىندىردى مينيستر ماجىلىستە تىلشىلەر ساۋالىنا جاۋاپ بەرە وتىرىپ.

بۇدان بۇرىن حابارلانعانداي، 2020 -جىلدان باستاپ جاڭا جاردەماقى 340 مىڭنان استام وتباسىعا تاعايىندالادى.

وسى ورايدا اتالعان مەملەكەتتىك جاردەماقى 4 نەمەسە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار بارلىق كوپبالالى وتباسىلارعا تابىسىنا قاراماستان تولەنەدى دەپ جوسپارلانۋدا.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات