+7 (701) 759 90 19
9 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

پرەزيدەنت جولداۋى: دەپۋتات زەينەتاقى جيناعىن باسپاناعا جۇمساۋ تۋرالى ۇسىنىسىن ايتتى

9 جەلتوقسان 15:32
:ءبولىسۋ
پرەزيدەنت جولداۋى: دەپۋتات زەينەتاقى جيناعىن باسپاناعا جۇمساۋ تۋرالى ۇسىنىسىن ايتتى

نۇر- سۇلتان. قازاقپارات – ق ر پارلامەنتى ءماجىلىسىنىڭ دەپۋتاتى امانجان جامالوۆ ازاماتتاردىڭ زەينەتاقى جيناعىن ءبىلىم الۋعا نەمەسە پاتەر الۋعا جۇمساۋىنا بايلانىستى پىكىرىن ءبىلدىردى، دەپ حابارلايدى قازاقپارات ءتىلشىسى.

«ءالى كۇنگە دەيىن ەڭبەك جانە الەۋمەتتىك قورعاۋ مينيسترلىگىندە ازاماتتاردىڭ ءوز زەينەتاقى جيناعىن پاتەرگە نەمەسە ءبىلىم الۋعا قالاي جۇمسايتىنى تۋرالى ناقتى تۇسىنىك جوق. قازىر تالقىلانىپ جاتقان نۇسقا تەك بەلگىلى ءبىر سوماعا قول جەتكىزگەندەرگە عانا قاتىستى. ەرلەر 8,2 ميلليون تەڭگە، ايەلدەر - 10,1 ميلليون تەڭگەدەن اساتىن قاراجات جيناعاندا عانا زەينەتاقى جيناعىن قولدانا الادى. جالپى ب ج ز ق- دا بۇل كورسەتكىشكە قول جەتكىزگەن 90 مىڭ عانا سالىمشى بار، بۇل % 1 دا تومەن كورسەتكىش. مۇنداي شەشىم حالىقتى ءتۇڭىلدىرۋى مۇمكىن. بۇل جەردە ءبىرجاقتى شەشىم بولماۋى كەرەك. سوندىقتان، سالىمشىلاردىڭ ءار ساناتى ءۇشىن جەتكىلىكتىلىك شەگى ونىڭ جاسىنا، تابىسىنا، ىنتىماقتىق زەينەتاقىعا قۇقىعى، باسپاناسىنىڭ بولۋىنا قاراي ءارتۇرلى ەسەپتەلۋى ءتيىس»، - دەدى دەپۋتات پرەزيدەنتتىڭ قازاقستان حالقىنا جولداۋىنىڭ العاشقى ناتيجەلەرى تۋرالى عىلىمي- پراكتيكالىق كونفەرەنتسيادا.

سونىمەن بىرگە، دەپۋتات پرەزيدەنت جولداۋىندا ماڭىزدى الەۋمەتتىك جانە ەكونوميكالىق تاپسىرمالاردىڭ بەرىلگەنىن اتاپ ءوتتى.

«ءاربىر ماسەلە بويىنشا حالىقتىڭ كۇتەرى كوپ. قازاقستاندىقتار ناقتى ناتيجەلەردىڭ بولعانىن قالايدى. تاپسىرمالاردى اتقارۋدا فورمالدى تاسىلگە بوي ۇرۋ قوعام نارازىلىعىن تۋدىرۋى مۇمكىن. سوندىقتان ۇكىمەت ءوز جۇمىسىنىڭ تيىمدىلىگى مەن ناتيجەلى بولۋىنا كوڭىل بولگەنى ءجون. ۇكىمەتتىڭ قازىرگى قۇرامى پرەزيدەنت بەرگەن تاپسىرمالاردى ورىنداي الاتىنىنا سەنىمدىمىن»، - دەدى امانجان جامالوۆ.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات