جاڭا جاردەماقى: مينيستر دەرەكتەر بازاسى قالاي جاسالاتىنىن ءتۇسىندىردى
«كوپبالالى وتباسىلارعا جاردەماقىنىڭ جاڭا ءتۇرى الدىعى جىلى قاڭتار ايىنان باستاپ تولەنەدى. وسى باعىتتاعى بارلىق قاجەتتى شارالار جۇرگىزىلدى، ياعني كوپبالالى انالاردىڭ 80 پايىزىنا بۇل جاردەماقى پرواكتيۆتى ادىسپەن تاعايىندالادى. ولار حالىققا قىزمەت كورسەتۋ ورتالىقتارىنا بارۋعا مىندەتتى ەمەس»، - دەدى مينيستر.
ونىڭ سوزىنە قاراعاندا، پرواكتيۆتى رەجىم اياسىندا كوپبالالى وتباسىلار بويىنشا بارلىق مالىمەت اقپاراتتىق جۇيەدە قامتىلعان.
«جاڭا جىلدان باستاپ مەملەكەتتىك جاردەماقى 347 مىڭ وتباسىعا تيەسىلى بولادى، ونىڭ ىشىندە 245-246 مىڭى بۇعان دەيىن وسى تەكتەس جاردەماقى العان بولاتىن. سايكەسىنشە، بۇل وتباسىلار بويىنشا بىزدە تولىق مالىمەت بار. سوندىقتان ولار قايتادان ءوتىنىم جازىپ، قۇجات تولتىرمايدى. ال قالعان 103 مىڭى بويىنشا مالىمەت اقپاراتتىق جۇيەدە شوعىرلانعان. وزدەرىڭىز بىلەسىزدەر، بالا تۋعان كەزدە ول جايىندا دەرەكتەر ءتيىستى جۇيەدە تىركەلەدى. ەگەر دە قانداي دا ءبىر سۇراقتار تۋىنداسا، وندا ورتالىق ازاماتتاردى وزدەرى شاقىرتىپ، مالىمەتتەردى ناقتىلايدى. سوندىقتان 2020 -جىلدان باستاپ بارشا 347 مىڭ وتباسى وزدەرىنىڭ جاردەماقىسىن الادى»، - دەدى ب. نۇرىمبەتوۆ.
اۆتور: رۋسلان عابباسوۆ