الماتىداعى تاۋەلسىزدىك جاريالانعان عيمارات - تاريحي نىسانعا اينالدى

الماتى. قازاقپارات - الماتىداعى تاۋەلسىزدىك جاريالانعان عيمارات بۇگىندە تاريحي نىسانعا اينالدى.

ءدال وسى عيماراتتا 1991 -جىلى 16 -جەلتوقساندا ەلباسى نۇرسۇلتان نازاربايەۆ «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭعا قول قويدى، دەپ حابارلايدى قازاقپارات ءتىلشىسى.

تاريحي عيمارات الماتىنىڭ ورتالىعىندا ورنالاسقان - عيماراتتىڭ نەگىزگى قاسبەتى ەسكى الاڭ دەپ اتالاتىن «استانا» الاڭىنا قارايدى. قازاق ك س ر ۇكىمەت ۇيىنە ارنالعان عيماراتتىڭ قۇرىلىسى 1938 -جىلى باستالعان-تىن. سوعىس جىلدارىندا توقتاپ قالعان قۇرىلىس 1957 -جىلى اياقتالدى، ال 1972 -جىلى وعان قوسالقى ەكى عيمارات سالىندى.

1980 -جىلعا دەيىن، بۇل عيماراتتا جوعارعى كەڭەس، مينيسترلەر كەڭەسى جانە قازاق ك س ر كومپارتياسى ورتالىق كوميتەتى وتىردى. تاۋەلسىزدىك العاننان كەيىن الماتى وبلىسىنىڭ اكىمدىگى وسىندا ورنالاستى. 2001 -جىلدان باستاپ قازىرگى ۋاقىتقا دەيىن - قازاقستان-بريتان تەحنيكالىق ۋنيۆەرسيتەتى (ق ب ت ۋ). 2016 -جىلى ق ب ت ۋ (جوعارعى كەڭەس) عيماراتىنىڭ قاسبەتىندە ق ر مەملەكەتتىك تاۋەلسىزدىگى تۋرالى» كونستيتۋتسيالىق زاڭنىڭ قابىلدانعانى تۋرالى مەموريالدىق تاقتا اشىلدى.

ق ب ت ۋ- دىڭ PR- مەنەدجەرى دياس ابىلقاسوۆ، تاريحي عيماراتقا «ەكسكۋرسيا» جاساۋعا كەلىستى. ول وسى عيماراتتا جۇمىس ىستەگەن بۇرىنعى قىزمەتكەرلەردىڭ زەينەتكە شىققانىن، ءبىراق عيماراتتىڭ تاريحى تۋرالى ولاردان ءبىراز اقپارات الىپ قالعانىن اتاپ ءوتتى.

وتكەن جازدا عيماراتتىڭ ورتالىق زالىندا دەمەۋشىلىك قاراجاتپەن جوندەۋ جۇمىستارى جۇرگىزىلدى. ەل تاعدىرى ءۇشىن شەشىمدەر قابىلدانعان زالدى جاڭارتۋعا ءبىر ايدان استام ۋاقىت كەتتى.

«ءبىز بارلىق ەرەجەلەردى قاتاڭ ساقتادىق، ويتكەنى عيمارات تاريحي ەسكەرتكىش رەتىندە مەملەكەت قورعاۋىندا. ەڭ باستىسى، ءبىز كوممۋنيكاتسيالاردى قالپىنا كەلتىردىك: جىلۋ، جەلدەتۋ، جاڭا دىبىستىق جۇيە ورناتىلدى، ويتكەنى قازىر بۇل بولمە ءماجىلىس زالى ەمەس - بۇل ۋنيۆەرسيتەتتىڭ قاجەتتىلىكتەرىنە، ونىڭ ىشىندە ستۋدەنتتىك ءىس-شارالارعا ارنالعان بولمە. جارىق اۋىستىرىلدى، بارلىق ليۋسترا قالدى، ولارعا جاڭا جارىقديودتى شامدار قويدى. پاركەتى قايتا جىلتىراتىلدى»، - دەدى دياس ابىلقاسوۆ.

ق ب ت ۋ- دىڭ دوڭگەلەك زالىنىڭ توبەسىندەگى كۇمبەزگە كۇن باتارەيالارى ورناتىلدى - بۇل زالدى جارىقتاندىرۋ قاجەتتىلىگىن «جابۋعا» مۇمكىندىك بەردى.

«دوڭگەلەك زالدا ەسكى ورىندىقتاردىڭ توسەنىشتەرى اۋىستىرىلدى. ويتكەنى تازا بىلعارىنىڭ توزىعى ابدەن جەتكەن. جارامسىز بولدى، ەسكى قاپتامانى ساقتاي وتىرىپ، جاڭا ءتۇستى دەرماتيننەن ازىرلەندى. ورىندار قاتارلارى دەپۋتاتتار ءۇشىن ارنايى بايلانىسپەن جابدىقتالعان، ول جۇمىس ىستەمەدى، ءبىز جاي عانا ءۇستىن اعاشپەن جاۋىپ تاستادىق»، - دەدى ول.

زالدىڭ ەكىنشى قاباتىندا بىرنەشە ەسكى ورىندىقتار ءوز پىشىنىندە ساقتالعان.

جوعارعى كەڭەستىڭ دەپۋتاتتارى وتىرىستارعا قازىبەك بي كوشەسىنەن كىرگەن.

قازىر مۇندا، تۇلەكتەر اللەياسى بار.

عيماراتتىڭ دالىزدەرىندە كەڭەستىك دەكور ەلەمەنتتەرى، ەسكى شامدار، تەرەزەلەر سول قالپىندا ساقتالعان.

قازىر قازاق ك س ر كوممۋنيستىك پارتياسىنىڭ ءبىرىنشى حاتشىسىنىڭ كومەكشىلەرى وتىرعان كەڭسەلەردىڭ بىرىندە پروفەسسور ق ب ت ۋ حالىقارالىق ەكونوميكا مەكتەبىنىڭ دەكانى، گەيۆين كرەتچمار جۇمىس ىستەيدى.

«مەن قازاق ك س ر كومپارتياسى ورتالىق كوميتەتىنىڭ ءبىرىنشى حاتشىسى دىنمۇحاممەد قونايەۆ جۇمىس ىستەگەن جەردە وتىرامىن. مەن ءوزىم شوتلانديادانمىن. مەن ءوزىمدى مۋزەيدە جۇمىس ىستەيتىندەي سەزىنەمىن. ءبىز حالىقارالىق ەكونوميكا مەكتەبى كورشى زالدى لوندون ستيلىندە جاسادىق - ول London room, دەپ اتالادى، ال قونايەۆ وتىرعان بولمە Kunaev room، دەپ اتالادى. بۇل عيماراتتا تاۋەلسىزدىك قابىلداندى، سوندىقتان عيماراتتىڭ تاريحي ماڭىزدىلىعىن سوزبەن ايتىپ جەتكىزۋ مۇمكىن ەمەس»، - دەدى ول.

پروفەسسور قازاقستاندىق ستۋدەنتتەردىڭ ءبىلىمى جوعارى دەڭگەيدە ەكەنىن تىلگە تيەك ەتتى. سونداي-اق، گەيۆين كرەتچمار وتباسىمەن قازاقستاندىق سۋرەتشىلەردىڭ كارتينالارىن جينايدى، سوندىقتان ول قازاقستان تۋرالى جاقسى بىلەدى.

مۇندا كوممۋنيستىك پارتيا ورتالىق كوميتەتىنىڭ ءبىرىنشى حاتشىسىنىڭ دا كابينەتى بولدى. قازىر ول اۋديتوريادا سول كەزدىڭ كارتاسى ساقتالعان.

تەرەزەلەردەن ادەمى ساياباقتى كورۋگە بولادى.

اسحانا بۇرىنعىداي قالدى. ونىڭ تەك ىشكى كورىنىسى وزگەرتىلگەن.

سونداي-اق، ءدال وسى عيماراتتا استانانى اۋىستىرۋ تۋرالى شەشىم قابىلداندى.

اۆتور: الما مۇقانوۆا