+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

مينيسترلىك يراكتان ورالعان سابيلەردىڭ قازىرگى جاعدايى تۋرالى ايتتى

9 جەلتوقسان 14:26
:ءبولىسۋ
مينيسترلىك يراكتان ورالعان سابيلەردىڭ قازىرگى جاعدايى تۋرالى ايتتى

نۇر-سۇلتان. قازاقپارات - يراكتان ورالعان سابيلەر جاقىندا تۋىستارىمەن قاۋىشادى.

بۇل تۋرالى بۇگىن ق ر ءبىلىم جانە عىلىم ءمينيسترىنىڭ بالالار قۇقىعى جونىندەگى كەڭەسشىسى رايسا شەر ايتتى، دەپ حابارلايدى قازاقپارات ءتىلشىسى.

«ق ر سىرتقى ىستەر مينيسترلىگىنىڭ باستاماسىمەن ق ر ءبىلىم جانە عىلىم، دەنساۋلىق ساقتاۋ مينيسترلىكتەرىنىڭ، سونىمەن قاتار وزگە دە ۆەدومستۆولاردىڭ قولداۋىمەن يراكتان قازاقستاندىق بالالاردى الىپ كەلۋگە باعىتتالعان «رۋسافا» دەگەن اتاۋمەن ارنايى وپەراتسيا جۇرگىزىلدى. قاراشانىڭ 27 ىنەن 28 ىنە قاراعان كۇنى بالالار قازاقستانعا جەتكىزىلدى. بالالار نۇر-سۇلتان قالاسىنىڭ قيىن جاعدايعا تاپ بولعان بالالاردى قولداۋ ورتالىعىندا تۇرىپ جاتىر. وسى جەرگە 14 بالا جەتكىزىلدى. ولاردىڭ 10 ى 1 جاس ون ايدان 5 جاسقا دەيىنگى سابيلەر، ەكەۋى 6 جانە 9 جاستا، تاعى ەكى بالا 10 جانە 13 جاستا»، - دەدى ول اتالعان ورتالىقتا بالالاردىڭ جاعدايىمەن تانىستىرۋ بارىسىندا.

ونىڭ اتاپ وتۋىنشە، بارلىق بالالار اتالعان ورتالىقتا الەۋمەتتەندىرىلىپ، وڭالتۋدان ءوتىپ جاتىر. ولارمەن پەداگوگتار، تاربيەشىلەر، مەديتسينا قىزمەتكەرلەرى كۇندەلىكتى جۇمىس ىستەيدى. بۇل مەكەمەنىڭ قاۋىپسىزدىگىن نۇر- سۇلتان قالالىق پوليتسيا دەپارتامەنتى قورعايدى.

«باستاپقى كەزدە بالالار جىلاپ، ءبىر-ءبىرىنىڭ قولىنان ۇستاپ جۇرەتىن بولسا، قازىرگى ۋاقىتتا ءبىرشاما بوي ۇيرەتىپ قالدى. كوڭىلدەرى كوتەرىڭكى، داۋىستاپ سويلەپ، ءتىپتى ءبىر-بىرىمەن الىسىپ تا الادى. بالالاردى ەلىمىزدىڭ ءتۇرلى وڭىرلەرىندە تۇراتىن تۋىستارىنا جاقىن ارادا، شامامەن 12 -جەلتوقساندا بەرۋ جوسپارلانىپ وتىر. ولار بۇل جەردە تۋىستارىنسىز تۇرىپ جاتىر. سەبەبى ولارعا گەنومدىق ساراپتامالار جۇرگىزىلدى. ياعني، الدىن الا ساراپتامالارعا ساي تۋىستىقتارى قانشالىقتى دۇرىس ەكەندىگىن تاعى ءبىر ناقتىلاۋ جۇرگىزىلدى. گەنومدىق ساراپتاما تۋىستىقتارىن تاعى دا ءبىر مارتە ناقتىلادى. ءبىراق، تۋىستارى باس تارتقان 4 بالا بار. بەلگىلى ءبىر سەبەپتەرگە بايلانىستى ولار بالالاردى قابىلداۋعا دايىن ەمەس. سوندىقتان ءبىز ول بالالاردى اسىراپ الۋشى وتباسىعا نەمەسە وتباسىلىق ۇلگىدە ءتالىم-تاربيە بەرەتىن مەكەمەگە بەرۋدى جوسپارلاپ وتىرمىز»، - دەدى رايسا شەر.

ەسكە سالساق، يراك تۇرمەسىندە ءوز انالارىنىڭ جانىندا جاتقان 14 قازاقستاندىق بالا قايتارىلعان ەدى.

يراكتان قازاقستانعا بالالاردى قايتارۋ جۇمىسى وسى جىلدىڭ باسىنداعى تۇڭعىش پرەزيدەنت - ەلباسى نۇرسۇلتان نازاربايەۆتىڭ باستاماسىمەن ىسكە اسىرىلعان «جۋسان» گۋمانيتارلىق وپەراتسياسىنىڭ جالعاسى بولىپ وتىر.

9 -قازاندا ەلوردادا وتكەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) اۋعانستان بويىنشا جيىنىندا ق ر سىرتقى ىستەر ءمينيسترى مۇحتار تىلەۋبەردى قازاقستاننىڭ يراكتان 14 بالانى قايتارۋ باعىتىندا جۇمىس جۇرگىزىپ جاتقانىن حابارلاعان.

«يراكتا جۇرگەن كىشكەنتاي قازاق بالالارىن ەلگە الىپ كەلەمىز. جاقىن ارادا بولۋى كەرەك. وسى ايدىڭ ىشىندە. بالالاردىڭ شەشەلەرى سوتتالىپ، تۇرمەدە وتىر. سوندىقتان، بالالارى جات ەلدە قالماسىن دەپ، وسىنداعى تۋعان-تۋىستارى ءوتىنىش ءبىلدىردى. سول بالالاردى الىپ كەلەمىز. ارينە، بۇقارالىق اقپارات قۇرالدارى وكىلدەرىن اۋەجايدان كۇتىپ الۋعا شاقىرامىز»، - دەگەن بولاتىن ايبەك سمادياروۆ ۆەدومستۆودا وتكەن بريفينگ بارىسىندا.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات