+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

قازاقستاندىق بالەرينا ت م د سىيلىعىنىڭ لاۋرەاتى اتاندى

9 جەلتوقسان 13:10
:ءبولىسۋ
قازاقستاندىق بالەرينا ت م د سىيلىعىنىڭ لاۋرەاتى اتاندى

نۇر-سۇلتان. قازاقپارات - «استانا وپەرا» جەتەكشى سوليسى ايگەرىم بەكەتايەۆا ت م د-نىڭ «دەبيۋتتەر دوستاستىعى» جاستار سىيلىعىنىڭ لاۋرەاتى اتاندى.

بۇل تۋرالى قازاقپارات اتالعان ۇيىمنىڭ باسپا ءسوز قىزمەتىنە سىلتەمە جاساپ حابارلايدى.

سىيلىققا قازاقستان، رەسەي، ازەربايجان، ارمەنيا، بەلارۋس، قىرعىزستان، مولدوۆا، تاجىكستاننان 26 نومينانت ۇسىنىلدى. شىعارماشىلىق جەتىستىكتەرى ونەردىڭ ءار سالاسىن دامىتۋ مەن دارىپتەۋدە ەلەۋلى ۇلەس بولعان دوستاستىق ەلدەرىنىڭ سەگىز مادەنيەت قايراتكەرى حالىقارالىق قازىلاردىڭ شەشىمىمەن سىيلىقتىڭ لاۋرەاتى اتاندى. سىيلىق ت م د- دا مادەنيەت جىلى دەپ جاريالانعان 2018 -جىلدىڭ قورىتىندىسى بويىنشا بەرىلدى.

«وسى سىيلىقتىڭ قۇرىلتايشىلارىنا ماعان بىلدىرگەن سەنىمدەرى مەن شىعارماشىلىعىما بەرگەن جوعارى باعالارى ءۇشىن العىسىمدى بىلدىرەمىن. ءارتىس ءۇشىن ءاربىر ساحناعا شىعۋ - ۇلكەن باقىت، كورەرمەندەردى قۋانتۋ، ورىنداۋشىلىق شەبەرلىكتىڭ جاڭا قىرلارىن اشۋ مۇمكىندىگى. مۇنداي ماراپاتتار ءبىزدى جاڭا بەلەستەردى باعىندىرۋعا شابىتتاندىرادى»، - دەپ اتاپ ءوتتى ايگەرىم بەكەتايەۆا.

«دەبيۋتتەر دوستاستىعى» حالىقارالىق سىيلىعى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ گۋمانيتارلىق ىنتىماقتاستىق جونىندەگى كەڭەسى جانە حالىقارالىق گۋمانيتارلىق ىنتىماقتاستىق قورىمەن 2008 -جىلى قۇرىلعان بولاتىن. قۇرىلتايشىلارمەن انىقتالاتىن گۋمانيتارلىق سالالارداعى اتالمىش سىيلىق جىل سايىن جاس ماماندارعا (35 جاسقا دەيىن) تابىستالادى. سىيلىق بەرىلە باستاعان جىلداردىڭ ىشىندە ونى اقىندار، دارىگەرلەر، ۇستازدار، عالىمدار، تاريح جانە مادەنيەت ەسكەرتكىشتەرىن قورعاۋ جونىندەگى ماماندار، سپورتشىلار مەن جاتتىقتىرۋشىلار، تۋريزمدى ۇيىمداستىرۋشىلار يەلەنگەن.

2019 -جىلعى ت م د-نىڭ مادەني استاناسى برەستتەگى سالتاناتتى ءراسىم جىل بويىنداعى ءىس- شارالار باعدارلاماسىن تۇيىندەيدى. وسى كەشتە شىمكەنت قالاسى قۇرمەتتى مارتەبە ەستافەتاسىن قابىلداپ، 2020 -جىلى دوستاستىقتىڭ مادەني استاناسىنا اينالماق.

ماراپاتتاۋ ءراسىمى بۇگىن بەلارۋستەگى برەست اكادەميالىق دراما تەاترىندا وتەدى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات