+7 (701) 759 90 19
9 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاق دالاسىندا العاشقى ءدارىحانا جۇيەسىن قۇرعان ازامات

9 جەلتوقسان 10:55
:ءبولىسۋ
قازاق دالاسىندا العاشقى ءدارىحانا جۇيەسىن قۇرعان ازامات

نۇر-سۇلتان. قازاقپارات - قازاقستان شىققان جوعارى ءبىلىمدى العاشقى دارىگەرلەردىڭ تاعى ءبىرى ءماجيت شومبالوۆ 1873 -جىلى قازىرگى ورال وبلىسى قازتالوۆ اۋدانىندا دۇنيەگە كەلگەن.

ول قازاق دالاسىنداعى وباعا قارسى كۇرەسكەن العاشقى قازاق دارىگەرلەرىنىڭ ءبىرى، رەسپۋبليكادا ءدارىحانا جۇيەسىن قالىپتاستىرۋدىڭ نەگىزىن قالاۋشى بولدى.

م. شومبالوۆ 1899 -جىلى قازان ۋنيۆەرسيتەتىنىڭ مەديتسينا فاكۋلتەتىن ءبىتىردى. 1899 - 1903 -جىلدارى وردا وبا ستانساسىندا دارىگەر، 1917-1903-جىلدارى وردا اۋرۋحاناسىنىڭ مەڭگەرۋشىسى قىزمەتىن اتقاردى. 1911 -جىلى ي. مەچنيكوۆ باسقارعان ەكسپەديتسيا قۇرامىندا قالماق دالاسىندا وبا ىندەتىن زەرتتەۋ جۇمىستارىنا قاتىستى. ول ەكى مارتە «قىرعىز دالاسىنىڭ نارىن بولىگى مەن وڭتۇستىك وكرۋگتەردەگى وبامەن كۇرەستەگى ەڭبەگى ءۇشىن» ارنايى كۇمىس بەلگىسىمەن ماراپاتتالعان.

ازامات سوعىسىنىڭ اۋىر كەزەڭدەرىنە قاراماستان، بوكەي گۋبەرنياسىندا 370 توسەكتىك، ونىڭ ىشىندە وردادا 100 توسەكتىك اۋرۋحانا اشۋعا قول جەتكىزدى. 1929-1923-جىلدارى قازاقستان دەنساۋلىق ساقتاۋ حالكومىنىڭ ورىنباسارى، سونىمەن بىرگە قىرعىز اكسر ورتالىق اتقارۋ كوميتەتىنىڭ مۇشەسى جانە بۇكىلرەسەيلىك قىزىل كرەست قوعامىنىڭ قازاقستانداعى وكىلى بولىپ تاعايىندالدى. 1929-1938-جىلدارى قازاقتىڭ رەسپۋبليكالىق ءدارىحانا باسقارماسىنىڭ باستىعى، ءبىراز ۋاقىت ورال قالاسىندا وباعا قارسى ستانسانىڭ مەڭگەرۋشىسى بولدى. قازىر الماتى قالاسىنداعى 4-ءدارىحانا شومبالوۆتىڭ ەسىمىمەن اتالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات