+7 (701) 759 90 19
8 °С : نۇر-سۇلتان
17 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ديماشتى نيۋ-يوركتەگى جانكۇيەرلەرى قازاقستاننىڭ جالاۋىمەن قارسى الدى

9 جەلتوقسان 07:51
:ءبولىسۋ
ديماشتى نيۋ-يوركتەگى جانكۇيەرلەرى قازاقستاننىڭ جالاۋىمەن قارسى الدى

نيۋ-يورك. قازاقپارات - ديماشتى جانكۇيەرلەرى نيۋ-يوركتەگى دجون كەننەدي اتىنداعى حالىقارالىق اۋەجايىندا قازاقستاننىڭ جالاۋىمەن قارسى الدى، دەپ حابارلايدى قازاقپارات dimashnews.com سىلتەمە جاساپ.

نيۋ-يوركتەگى دجون كەننەدي اتىنداعى حالىقارالىق اۋەجايى ءوزىنىڭ تاريحىندا كوپتەگەن تانىمال تۇلعالار مەن جارقىن كەزدەسۋلەردىڭ كۋاسى بولعانى انىق. الايدا ا ق ش- تىڭ ەڭ ءىرى اۋەجايلارىنىڭ بىردە-بىرىندە الىستاعى قازاقستاننان كەلگەن ءانشىنى ءدال بۇلاي، ۇلكەن سالتاناتپەن قارسى الماعان بولار. ديماش قۇدايبەرگەندى الەمنىڭ تۇكپىر-تۇكپىرىنەن كەلگەن 150 گە تارتا جانكۇيەرى گۇل شوقتارىمەن كۇتىپ الدى.

ءارتۇرلى مەملەكەتتەن جينالعان كوپشىلىكتىڭ اراسىندا جاسى دا، كارىسى دە بار. ديماشتى قارسى الۋشىلاردىڭ كوپشىلىگىنىڭ قولدارىندا قازاقستاننىڭ كوك تۋى جەلبىرەيدى. سونىمەن قاتار سۇيىكتى انشىلەرىنىڭ پورترەتتىك سۋرەتتەرىن دە ۇستاپ شىققاندار كەزدەسەدى.

جانكۇيەرلەرى قازاقستاندىق تانىمال ءانشىنىڭ كونسەرتىنە ساتتىلىك تىلەسە، بىرنەشە ساعاتتىق ۇشۋدان كەيىن شارشاسا دا، ديماش ولارعا ادەتتەگىدەي العىس ايتىپ، بىرگە ەستەلىك ءۇشىن فوتوعا ءتۇستى.

ايتا كەتسەك، كونسەرت قازاقستاننىڭ ا ق ش- تاعى مادەنيەت كۇندەرى اياسىندا ۇيىمداستىرىلىپ وتىر.

«Arnau tour ENVOY» - ماۋسىم ايىندا «قازاقستان» ر ت ر ك» ا ق ۇيىمداستىرۋىمەن نۇر-سۇلتان قالاسىندا وتكەن «ARNAU» كونسەرتىنىڭ جاڭارعان نۇسقاسى. الەم تىڭدارماندارى بۇل كەشتە جاڭا باعدارلامامەن قاتار، «ARNAU» باعدارلاماسىنىڭ ۇزدىك نومىرلەرىن كورەتىن بولادى. كونسەرتتىڭ تەلەۆيزيالىق نۇسقاسىنىڭ كورسەتىلىم ۋاقىتى قوسىمشا جاريالانادى.

ديماشتىڭ نيۋ-يوركتەگى كونسەرتىنە بيلەتتەر ءبىر جارىم ايدا ساتىلىپ كەتكەن. سونداي-اق، ءانشىنىڭ نيۋ-يوركتە 10- جەلتوقساندا وتەتىن جەكە كونسەرتىنە الەمنىڭ 51 ەلىنەن جانكۇيەرلەر بارادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات