+7 (701) 759 90 19
9 °С : نۇر-سۇلتان
22 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

تارازدىق ەكونوميست ماماندىعىن اۋىستىرىپ، بۇركىت باپتاپ ءجۇر

8 جەلتوقسان 14:17
:ءبولىسۋ
تارازدىق ەكونوميست ماماندىعىن اۋىستىرىپ، بۇركىت باپتاپ ءجۇر

تاراز. قازاقپارات - اۋشى قۇستاردى باپتايتىن جامبىلدىق اڭشىلار رەسپۋبليكالىق جانە حالىقارالىق جارىستارداعى جەتىستىكتەرىمەن تانىمال، دەپ حابارلايدى قازاقپارات.

جامبىل وبلىسىنىڭ جابايى تابيعاتىندا بۇگىندە كوپتەگەن قاۋىرسىندى جىرتقىشتار، ونىڭ ىشىندە سۇڭقارلار، يتەلگىلەر، بۇركىتتەر، قۇمايلار كەزدەسەدى. جامبىل وبلىسىنداعى اۋشى قۇستارمەن اڭ اۋلاۋ تاريحى ءبىر جارىم مىڭ جىلعا سوزىلادى.

ارحەولوگتاردىڭ جەتى جىل بۇرىن تاراز ماڭىندا قازىلعان جەتىتوبە ساق قورعاندارىنان تابىلعان قورىمدار وسىعان دالەل. تاريحشىلاردىڭ ايتۋىنشا، شامامەن 14 عاسىر بۇرىن اۋشى قۇستار سول جەردە پاتشا- بيلەۋشىلەردىڭ جانىنا جەرلەنگەن. شىنىندا دا، ەجەلگى ۋاقىتتا اۋشى قۇستارمەن اڭ اۋلاۋ پاتشانىڭ سۇيىكتى ويىن- ساۋىعى بولعان.

قازىرگى ۋاقىتتا ساياتشىلىق - جالپىعا قولجەتىمدى كاسىپ. كوممەرتسيالىق سيپاتقا دا يە ەمەس، كوپتەگەن ادامداردى قىزىقتىراتىن سپورتتىق كورىنىسكە اينالدى. ساياتشىلىق چەمپيوناتى جامبىل اۋدانى بەكتوبە اۋىلىنىڭ يپپودرومىندا تۇراقتى تۇردە وتكىزىلەدى. ال بۇگىندە كەز كەلگەن ازامات اۋشى قۇستارمەن اڭ اۋلاي الادى.

سونداي ازاماتتاردىڭ ءبىرى - جامبىل وبلىسى بايزاق اۋدانى سارىكەمەر اۋىلىنىڭ تۋماسى دانيار ناربەك. ول 2003 -جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ «ەكونوميكا جانە بيزنەس» فاكۋلتەتىن «قارجى» ماماندىعى بويىنشا بىتىرگەن. كەيىن ول ءداستۇرلى اڭشىلىقپەن، جىرتقىش قۇستاردى، تازى يتتەردى اۋلاۋمەن جانە ساداق اتۋمەن كاسىبي تۇردە اينالىسىپ، ءومىرىن كۇرت وزگەرتكەن.

دانيار قۇس اۋلاۋمەن ون جاسىنان باستاپ اينالىسقان. بۇگىندە ول قۇس سالۋ بويىنشا بالالاردى ۇيرەتىپ، سپورت مەكتەبىندە جاتتىقتىرۋشى بولىپ جۇمىس ىستەيدى. جىل سايىن قازاقستاندا بۇركىتشىلەردىڭ جاڭا ورتالىقتارى مەن مەكتەپتەرى اشىلادى، بۇل سپورت ءتۇرى ءبىزدىڭ ەلىمىزدە قارقىندى تۇردە دامۋدا. بۇركىتشىلەر ەلىمىزدىڭ كوپتەگەن سپورت مەكتەپتەرىندە دايىندالادى. بولاشاقتا اڭ اۋلاۋدىڭ ەجەلگى تۇرلەرىنىڭ ءبىرى - قازاقتىڭ ساياتشىلىق سپورتىنا حالىقارالىق مارتەبە بەرۋ دە جوسپارلانىپ وتىر.

دانيار عالامتوردان، كىتاپتان قۇسبەگىلىك تۋرالى كوپ وقىعان. كەيىن قازاقستانداعى بۇركىتشىلەردى ىزدەپ، ولاردان وسى سالا تۋرالى ءبىراز سۇراستىرىپ، تاجىريبە جيناقتاعان. بۇگىندە ەلىمىزدە جۇزدەگەن بۇركىتشىلەر مەن قۇسبەگىلەر بار.

ايتا كەتۋ كەرەك، قازاقستاننىڭ بيوسانالۋاندىقتى ساقتاۋ قاۋىمداستىعى (ق ب س ق) قازاقستان قۇستارىن ساقتاۋ وداعىمەن بىرلەسىپ، «جىل قۇسى-2020» نىشانى رەتىندە يتەلگىنى تاڭدادى. بۇل - سۇڭقار تۇقىمداس سيرەك كەزدەسەتىن جىرتقىش قۇس، بۇكىل قازاقستان اۋماعىندا بار.

اراب ەلدەرىنە ساتۋ ءۇشىن براكونەرلەردىڭ ولاردى كوپ اۋلادى. سالدارىنان 90- جىلداردىڭ ورتاسىندا يتەلگى سانى كۇرت ازايىپ كەتتى. قازىر ساراپشىلاردىڭ باعالاۋىنشا، قازاقستاندا وسى قۇستاردىڭ بىرنەشە جۇزدەگەن تۇقىمدىق جۇپتارى بار.

اۆتور: گالينا سكريپنيك


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات