+7 (701) 759 90 19
2 °С : نۇر-سۇلتان
7 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قارقارالى اۋدانىنا جاڭا اكىم تاعايىندالدى

8 جەلتوقسان 12:07
:ءبولىسۋ
قارقارالى اۋدانىنا جاڭا اكىم تاعايىندالدى

نۇر- سۇلتان. قازاقپارات - قارقارالى اۋدانىنىڭ جاڭا اكىمى بولىپ ەلدار دۇيسەتايەۆ تاعايىندالدى. بۇعان دەيىن ول قاراعاندى وبلىسى اكىمى اپپاراتى باسشىسىنىڭ ورىنباسارى قىزمەتىن اتقاردى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.

ەلدار دۇيسەتايەۆ - 1981 -جىلى دۇنيەگە كەلگەن، قارقارالى اۋدانىنىڭ تۋماسى. ءۇش جوعارى ءبىلىمى بار. 2003 -جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 2006 -جىلى - قاراعاندى ەكونوميكالىق ۋنيۆەرسيتەتىن، 2019 -جىلى بولاشاق باعدارلاماسى بويىنشا - وڭتۇستىك كاليفورنيا ۋنيۆەرسيتەتىن بىتىرگەن. بىلىكتىلىگى بويىنشا تاريح وقىتۋشىسى، مەنەدجمەنت باكالاۆرى، حالىقارالىق مەملەكەتتىك ساياسات جانە مەنەدجمەنت ماگيسترى.

ەڭبەك جولىن 2003 -جىلى قارقارالى قالاسىنىڭ №2 ورتا مەكتەبىندە مۇعالىم بولىپ باستاعان. 2003 -جىلدان باستاپ مەملەكەتتىك قىزمەتتە. 2010 -جىلعا دەيىن قاراعاندى وبلىسىنىڭ جەرگىلىكتى اتقارۋشى ورگاندارىندا جۇمىس ىستەدى، وندا جەتەكشى ماماننان ءبولىم مەڭگەرۋشىسىنە دەيىن قىزمەت ەتكەن.

2010 -جىلدان 2014 -جىلعا دەيىن ورتالىق مەملەكەتتىك ورگانداردا جانە ونىڭ اۋماقتىق بولىمشەلەرىندە ءارتۇرلى باسشىلىق لاۋازىمداردا بولدى. 2014 -جىلدىڭ قىركۇيەك ايىنان باستاپ قاراعاندى وبلىسى اكىمى اپپاراتى باسشىسىنىڭ ورىنباسارى قىزمەتىن اتقاردى.

قارقارالى اۋدانىنىڭ بۇرىنعى اكىمى حالەل ماقسۇتوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات