قازاقستاندا ىزدەۋ سالىنعان قىلمىسكەر نيۋ- يوركتە ۇستالدى
«ارنايى 5 كۇندىك وپەراتسيا ارقىلى ءوز ەلدەرىندە قىلمىس جاساپ، نيۋ- يوركتە باس ساۋعالاعان ونداعان شەتەلدىك قىلمىسكەر ۇستالدى. ءبىزدىڭ ەلىمىز شەتەلدىك قىلمىسكەرلەردىڭ سوت قۋدالاۋىنان قاشىپ، پانالايتىن جەرىنە اينالماۋى ءتيىس»، - دەيدى نيۋ- يوركتەگى كوشى- قون باسقارماسىنىڭ ءماجبۇرلى اتقارۋ جانە شىعارۋ ءبولىمىنىڭ باسشىسى توماس ر. دەكەر.
قالعاندارىنىڭ اراسىندا ارگەنتينا، قىتاي، چيلي، كولۋمبيا، جاپونيا، قازاقستان، مەكسيكا، رەسەي ازاماتتارى بار. نيۋ- يوركتىڭ برونكس اۋدانىندا 27 جاستاعى قازاقستاندىق ۇستالعان. ونى قازاقستاننىڭ قۇقىق قورعاۋ ورگاندارى توناۋ قىلمىسى ءۇشىن بەس جىلدان بەرى ىزدەستىرگەن. بارلىعى ازىرگە كوشى- قون جانە كەدەن باسقارماسىنىڭ قاماۋىندا سوت تىڭدالىمىن كۇتىپ وتىر.
ءوز كەزەگىندە، قازاقستاننىڭ سىرتقى ىستەر مينيسترلىگى وقيعا جونىندە پىكىر ءبىلدىردى. قازاقستاننىڭ باس كونسۋلدىعى بۇل اقپاراتتى تەكسەرىپ جاتىر جانە پوليتسيادان ەش رەسمي اقپارات تۇسپەگەن.
اۆتور: ايجان سەرىكجان قىزى